منتديات الانبا تكلا هيمانوت
 
jquery Ads




العودة   منتديات الانبا تكلا هيمانوت > منتدى الكمبيوترو الانترنت > تعليم البرامج

الملاحظات

إضافة رد
 
أدوات الموضوع انواع عرض الموضوع
  #1  
قديم 06-20-2009, 06:16 AM
amer غير متواجد حالياً

 

avatakla ما لا يعرفه الكثيرين عن متصفح FireF0X

فى البداية انا بقدم اعتذار للناس الى انا زعلتها منى وانا بتأسف عن غلطى للمنتدى الغالى
وارجو قبول اعتذارى

انا من فترة فى المنتدى كنت عملت موضع بسيط عن برنامج الدون لود ماندجر وحبة شروحات بسيطة فيه
ما لا يعرفه الكثيرون عن Internet download manager
النهاردا انا بقدم حاجة بسيطة وشرح بسيط للمتصفح العالمى الفير فوكس



طبعاً دى معلومات فى ناس عرفاها وناس اول مرة تشوفها اتمنى انكم تستفادو منها
بعض التساؤلات انا عن نفسى كنت اتمنى انى اعرفها عن هذا البرنامج وسعدت جدا عندما عرفتها مثل

هبدأ بحاجات خاصة فى اعدادات المتصفح نفسه حاجات بسيطة كده بس مهمة وبعد كده هشرح باستفاضة عن الاضافات الرائعة للبرنامج والتى تكسبه مذاق خاص والمعروفة باسم ال addons


اولا: الحاجات البسيطة

السؤال الاول

الواحد مننا احيانا بيضطر يسجل فى موقع ولا حاجة عشان يقدر يشوف الروابط وبيسجل باى حاجة والسلام وممكن يكتب اى باسورد وبعد فترة ممكن ينساها وتضطره الظروف انه يخش الموقع ده تانى ولكن للاسف نسى هل المتصفح فاكر الباسورد ولا لا وازاى اجيبها ؟

ملحوظة بسيطة بس فى الاول انك وانت بتكتب اى باسورد لاى موقع اثناء استخدامك للفايرفوكس بيطلعلك رساله فوق كده ويقولك remember ولا never ولا not now
واصح ان عشان الفايرفوكس يفتكر لازم تكون اخترت remember
اوك

عشان تشوف اى باسورد انت كتبتها ونسيتها هتخش على tools- option


وهتلاقى نافذه طلعتلك اختار security


هتلاقى كلمة saved password اضغط عليها هتطلع النافذه دى فيها كل المواقع والمنتديات اللى انت مسجل فيها وهتلاقى ال user name بتاعك وعشان تشوف الباسورد هتلاقى كلمة show password هتظهرلك كل الباسورد للمواقع والمنتديات تبعك



واضح من الصورة ان فى امكانية انك تبحث عن منتدى او موقع معين بدل ماتقعد تنزل وتطلع تدور عالمنتدى وسط منتديات كتيره تكون اشتركت فيها


السؤال الثانى

انت خليت اى حد يقعد على جهازى يعرف الباسورد بتاعتى ويقدر يستخدمها مفيش حل لكده؟

اكيد ياريس انا مش هقدر ازعلك

خش بردو على tools- option - security زى فوق بالظبط

وواضح من الصورة ان فى كلمة use a master password


هتطلع النافذه دى تقدر تحط الباسورد اللى تعجبك وبكده اى حاجة تتعمل عالفايرفوكس هيطلب منك الباسورد دى طبعا اى حاجة مش مقصود بيها التصفح العادى وكده انما لو حد حب يشوف الباسورد وكده هيطلبها منه وطبعا مفروض انك انت بس اللى عارفها




السؤال الثالث

ازاى اقدر احدد ال home page بتاعتى واحدد المكان اللى لو عملت داونلود عن طريق الفايرفوكس ينزل فيه التحميل؟

دى سهله هتخش بردو tools-option -main
هتلاقى الصورة دى ظبط زىماتحب





السؤال الرابع

لو انا عاوز الغى ان الصور تظهر تلقائيا اثناء التصفح ؟

واحد هيقول ايه السؤال ده يعنى ايه تلغى صور وبتاع
ارد واقولك ان لو اضطرتك الظروف تبقى limited dsl
هتعرف ان الصور بتستهلك كمية كبيره من الجيجات المسموحة ليك فلو لغتها هتوفر عدد لا بأس بيه من الميجات خاصة لو انت بتتصفح كتير مواقع اخبار وكده ومش محتاج اوى الصور

المهم
خش tool -options- هتلاقى load image automatic شيل علامة الصح من عليها


وممكن تعمل استثناءات لبعض المواقع بحيث تخليها تظهر الصور فيها هيا بس دون عن بقية المواقع


السؤال الخامس؟

انا ببقى عاوز افتح اكتر من tab مع بعض فى نفس الصفحة بس مش لاقى البتاع اللى بيعمل new tab ؟

اعمل كليك يمين فى اعلى جزء من صفحة الفايرفوكس واختار customize هتلاقى حاجات كتير منها new tab اسحبها كانك بتعمل كوبى كده وحطها فى اى جزء انت عاوز من صفحة المتصفح






كده خلصت الاسئلة البسيطة وعارف ان كتير عارفنها كويس بس بردو فى ناس مبتدئين لدرجة انهم ميعرفهاش


ثانيا : Add-ons

او عالم المتعة التى تضيف للفايرفوكس مذاق خاص وتجعل من التصفح متعة كبيرة الاضافات دى



الاضافات دى تمكنك من اى شىء ممكن يدور فى ذهنك او يخطر ببالك كلها تهدف الى ارضاء كافة الاذواق وكاقة المستخدمين بمختلف ثقافتهم

الاضافات دى اكبر اضافة فيها لا تتجاوز واحد ميجا بل هيا بضع KBS
ولا يستغرق اضافتها ثوانى حتى لو كنت DIALUP


نبدأ الاستتفسارات اللى ممكن حد يسألها

التعديل الأخير تم بواسطة the black eagle ; 07-19-2009 الساعة 02:49 PM.
رد مع اقتباس
قديم 06-20-2009, 06:53 AM   رقم المشاركة : [2]

 
avatakla

السؤال الاول

ازاى اوصل للاضافات دى ؟
ممكن توصلها كالاتى

TOOLS-OPTIONS-ADDONS



هتلاقى طلعلك النافذة دى
وطبعا هتكون خالية من الاضافات دى لانك لسه منزلتهاش




هتضغط GET ADDONS

هتلاقى فوق عاليمين خالص BROWSE ALL ADDONS



هتضغط عليها هتدخلك نفس الصفحة اللى كانت فى اللينك اللى فوق


السؤال الثانى

طيب انا دخلت دلوقتى عالصفحة دى مفروض بقى اعمل ايه؟

انت خلاص كده دخلت عالم تانى عالم من الابداعات تقدر تدور فيه على كل حاجة تتخيلها باب البوابه دى الجزء ده من الصفحة



لو ضغط على السهم الصغير اللى جنب كلمة ALL ADD-ONS
هتلاقى كل اقسام الاضافات اللى نفسك فيها





واضح ان الاقسام كتيره قوى


السؤال الثالث

طب ازاى اضيف الاضافات دى وهل فى اضافت ترشحهالى عشان دول كتيره اوى؟

من عنيا يا جميل

انا هشرح ازاى تضيفهم من خلال اضافاتى المقترحة واللى انا مش بستغنى عنها وكل الاضافات بتنزل بنفس الطريقة فى خلال ثوانى


الاضافة الاولى


Pray Timer



ممكن لو اللينك ضاع منك تخش الصفحة الرئيسية للاضافات زى ما مشروح فوق وتبحث بكتابة islam prayer

لما تخش عاللينك هتلاقى كلمة add to firefox

اضغط عليها هتظهر النافذه دى وهتطلع كلمة install فى خلال ثانيتين اضغط عليها وبس خلاص ده كل اللى هتعمله



هيطلب منك بعد ماتنضاف انك تعمل ريستارت للفايرفوكس عادى جدا اضغط ريستارت وهو هيقفل ويفتح البرنامج على طول وتكون الاضافة
انضافت .



الاضافة الثانية

Fast dial

ومستخدمى متصفح الاوبرا يعرفوا ان الاوبرا بيمتاز بالخاصية دى

وهيا انك لما تخش عالمتصفح هتلاقى صفحة متقسمة 9 مربعات كل مربع كانه نافذه لموقع من المواقع اللى اللى انت بستخدمه كتير

هتحملها من اللينك ده زى الطريقة المشروحة فى الاضافة السابقة بالظبط

http://rapidshare.com/files/24649644...2b-fx.xpi.html



وبعد ماتسطبها فى منتهى البسطاة تقدر تظبط عدد المربعات والمواقع اللى تحطها فيها عن طريق كليك يمين جنب المربعات وتختار preferences



وتقدر تحدد عدد المربعات عن طريق quantity

وتقدر تتحكم فى لون الخليفى عن طريق appearance



وتقدر تحط الموقع اللى تحبه بانك تقف عالمربع وتضغط properties وتكتب اسم الموقع اللى تحبه





amer غير متواجد حالياً   رد مع اقتباس
قديم 06-20-2009, 07:28 AM   رقم المشاركة : [3]

 
avatakla

الاضافة الثالثة

IDM Integration





هيا اضافة لعمل توافق بين برنامج التحميل المعروف IDM والفايرفوكس

حملها من



http://www.mediafire.com/download.php?tittdug5zjk

لمعرفة المزيد عن ال IDM اضغط
هنا
ava-takla



amer غير متواجد حالياً   رد مع اقتباس
قديم 06-20-2009, 07:37 AM   رقم المشاركة : [4]

 
avatakla

الاضافة الرابعة
Flashgot

احيانا رغم الاضافة السابقة تيجى تحمل اى لينك ميرضاش بردو ينزل بال IDM

او احيانا الواحد بيبقى منزل اكتر من برنامج داونلود فلما يجى يحمل المتصفح نفسه بيتلخبط مش عارف ينزل بانهى واحد فيروح منزل بالمتصفح نفسه ومعروف ان داونلود المتصفح بطىء مقارنة ببرامج التحميل المتخصصه

ولحل هذه المشكلة فتقدر تحمل الاضافة دى



هنا
وبعد ما يتستب بالطريقة المشروحة سلفا

هتعمل كليك يمين هتلاقى انها انضافت فهتخش عالاوبشن بتاعتها وتضيف اى برنامج تحميل انت عاوزه من القايمه زى مافى الصورة وطبعا انت مسطب البرنامج بتاع الداونلود سلفا






ترجع تانى لصفحة الفايرفوكس وكليك يمين وتعلم على ال internet download
manager




بحيث كده اى لينك هينزل بيه باذن الله وتقدرزى ماهو واضح تخلى اللينك ينزل كيف ماتحب بالداونلود مانجر او بالفايرفوكس او اى برنامج تانى





amer غير متواجد حالياً   رد مع اقتباس
قديم 06-20-2009, 07:55 AM   رقم المشاركة : [5]

 
avatakla

الاضافة الخامسة والافضل عالاطلاق

Bookmarks synchronus



وظيفة الاضافة دى مهمة جدا لكثيرين

دلوقتى الواحد بيعمل bookmark او بالعربى بيضيف لينك صفحة معينة هو عاوزها فى مفضلته (اضف الى مفضلتك)

والصفحات دى بتمثل اهمية خاصة والا مكنتش ضفتها لل bookmarks

احيانا الواحد بيبقى بره البيت فى سايبر او عند واحد صاحبه وتحكمه الظروف انه محتاج ال bookmark بتاعتعه اوى

او مثلا اضطر انه ينزل ويندوز او يسطب برنامج الفاير فوكس من جديد كده طبعا كل ال bookmarks هتضيع

مع الاضافة دى تقدر فى اى مكان فى العالم ومن اى جهاز كمبيوتر فى العالم ولو فرمت ججهازك كله مش بس غيرت ويندوز تجيب كل ال bookmarks بتاعتك ومش بس كده ده لو مسيف صفحة منتدى او موقع وليه باسورد ونسيت الباسورد تقدر ترجعها بالاضافة دى

اضافة رائعة للغاية
اولا حملها من


هنا


بعد ماتحملها وتسطبها بالطريقة المعروفة

هتظهرلك على ايدك اليمين فى صفحة الفايرفوكس هضغط عليها وهتتعامل لانشاء حساب ليك تبع الاضافة دى يعنىكانك بتشترك فى منتدى وكده ايميلك بس هو المطلوب وتكتب باسورد ليك واسم دخول

زى ماهو واضح فى الصورة هتختار no help me

وبعدين خطوات انشائك للحساب فى ثوانى هتتم




بعد ماتخلص عمل اكونت ليك هتضغط تانى عالايقونه بتاعت الاضافة فهتظهرلك النافذة دى تدخل بياناتك بكل سهولة



هتخش على كلمة sync


وتقدر منها تختار انك تحفظ اسامى المواقع اللى معمولها bookmark بس
ولا كمان تحفظ الباسوردات بتاعتها وبتاعت بقية المواقع اللى متسجلة عالفايرفوكس
براحتك

وكمان تقدر تتحكم اذا كانت العملية تتم تلقائى ولا لا

بعد كده ارجع بقى لكلمة account اللى فوق واضغط synchron now

ومبروك عليك


الله الله ياعم انت كده مش فهمتنا احنا بنعمل ايه اساسا وليه ده كله وازاى اساسا هخش على ال

book marks بتاعتى زى ماقلت شكلك نمت ياعم وانت بتكتب الموضوع

لا يا عسل اصبر بس احنا كده الاول نظبط الحاجات الصعبة وخلاص كده خلصت

نشكر يسوع

بس ياسيدى انت من اى مكان فى العالم ومن اى جهاز هتخش عالموقع ده اللى هو عامل الاضافة دى

وده اللينك بتاعه

http://www.foxmarks.com/

هتخش تلاقى فوق كلمة

my foxmarks

اضغط عليها ودخل بياناتك وهتخش تلاقى كل ال bookmarks بتاعتك اللى على الفايرفوكس اللى متسطب على جهازك


بس خلاص

دى تقريبا افضل الاضافات

ياريت ياشباب محدش من المنتدى يزعل منى انا بعترف انى غلطان سامحونى
اذكرونى فى صلواتكم


amer غير متواجد حالياً   رد مع اقتباس
قديم 06-20-2009, 11:33 AM   رقم المشاركة : [6]
امين الخدمة

 
افتراضي

اهلا بيك يا امير مرة تانى فى بيتك ونورت بيتك ومطرحك وشكرا على مجهودك المميز ربنا يبارك فى خدمتك ويعوضك


التوقيع:
[flash=http://up.ava-takla.com/uploads/files/ava-takla-588017e24e.swf]WIDTH=469 HEIGHT=600[/flash]





المصرى الأصيل غير متواجد حالياً   رد مع اقتباس
قديم 06-20-2009, 09:48 PM   رقم المشاركة : [7]
خـــــ الانبا تكلا ــــام

الصورة الرمزية ابن البابا
 
افتراضي


بجد يا امير شغل عالى اوى

واهلا بيك مره تانى فى المنتدى ونروت بيت من جديد


التوقيع:
ربما كلمة شكر منك تعمل على زيادة الخدمة واستمرارها فلا تبخل بها







ابن البابا غير متواجد حالياً   رد مع اقتباس
قديم 06-21-2009, 02:16 AM   رقم المشاركة : [8]
مشرف قسم البرامج وقسم العالم فيه ايه ومنتدى الكشافه ومنتدى الكمبيوترو الانترنت

الصورة الرمزية the black eagle
 
افتراضي

[align=center]منور يا امير بيتك تانى نورتنا بمواضيعك الجميلة

بجد موضوع تحفة واضافات جميلة اوى وانا استفد منه كتير تسلم ايدك يا امير

welcome back
[/align]


التوقيع:
the black eagle غير متواجد حالياً   رد مع اقتباس
قديم 06-28-2009, 10:04 PM   رقم المشاركة : [9]

 
افتراضي

شكرا على مروركم الجميل


amer غير متواجد حالياً   رد مع اقتباس
قديم 02-13-2010, 02:25 AM   رقم المشاركة : [10]

 
افتراضي

بجد موضوع خطييييييييييير وجامد جدا ربنا يبارك خدمتك يا امير شكرا جدا ليك


التوقيع: .
[BIMG]http://sphotos.ak.fbcdn.net/hphotos-ak-snc3/hs475.snc3/26017_1392069723864_1295766642_31103309_3126887_n. jpg[/BIMG]

وحشتونى جداااا جداااااااا جداااااااااااااا
يارب تكونوا بخييييييييييير

اذكرنى يارب متى جئت فى ملكوتك.

اذكرونى فى صلاتكم.
nanajesus غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ما لا يعرفه الكثيرون عن Internet download manager fredyfire تعليم البرامج 13 06-03-2011 09:04 AM
آخر أصدار من متصفح جوجل Google Chrome 0.4.154.23 Beta power light برامج 5 05-19-2010 05:49 PM
افضل متصفح على مستوى العالم the black eagle كمبيوتر و انترنت 17 05-18-2009 02:53 AM
اسرع متصفح انترنت فى العالم Flock v 2.0.3 حبيب البابا برامج 9 05-06-2009 08:11 PM


الساعة الآن 04:00 AM


† هدف خدمتنا: "‎ذوقوا وانظروا ما أطيب الرب‎" مزمور 34 : 8 †
† مبدأ خدمتنا: "ملعون من يعمل عمل الرب برخاء‎" ارميا 48 : 10 †
† شعار خدمتنا: "ليس لنا يا رب ليس لنا لكن لاسمك أعط مجدا‎" مزمور 115 : 1 †