منتديات الانبا تكلا هيمانوت
 
jquery Ads




العودة   منتديات الانبا تكلا هيمانوت > المنتدى العام > المنتدى الادبى

الملاحظات

إضافة رد
 
أدوات الموضوع انواع عرض الموضوع
  #1  
قديم 01-02-2010, 05:25 PM
الصورة الرمزية bebotop
bebotop غير متواجد حالياً
مشرف منتدى الطقوس

 


avatakla كده برده يامصر ؟؟!!

بَدَإت حرارتى فى الإرتِفاع
كَحِّيت وِحَسِّيت بالصُّداع
والنُّوم خلاص مِن عينى ضاع
وبِقيت سَهران ماباأنامشى الليل

أنا قُلت حَبًَّه وهاأبقَى عال
وِقَوام أخَدت كونجِستال
ويومين وأنا بَردُه على دَه الحال
هَمدان والجٍِسم ضَعيف وِهَزيل

حاجه دافيه . شربت كتير يَنسُون
خَلِّيت أُمِّى تِغلى لى ليمون
وِشرِبتُه بالسُّكَر وِبدُون
وِشرِبت سَوايل يجى بَرميل

لَتكون أنفِلوَنزا الخَنازير
ده جَوافلِكس ما مِنُّوش تأثير
وباأرَشَح جامِد مـ المَناخير
ومخَلَّص كَرتُونِة مَناديل

جيبت التليفون وِطَلَبت قَوام
مِيَّه وخَمسَه رَقم إستِعلام
عاملاه وزارة الصِّحه . يا سَلام
دى رعايَه ما شُفتِش ليها مَثيل


وِبَدَأت أشرَح أعرَاض الدُّور
سُخُنِيَّه وإحتِقانات فى الزُّور
قال : ماتكَمِّلش أنا مِش دُكتور


حَسِّيت إن أنا كِدَه مِتأرطَس
وِسَألتُه وقُلت لُه وأنا باأعطَس
طَب قُول إيه أعراض الفَيرَس
وِلاقيتُه شَرَح لى وبالتَّقصيل

قُلت له بَس دى نَفس الأعرَاض
رَغم الفُروقات بين الأمراض
يعنى أكشَف وَلا آخُد لى مُضاد
قال لى هَتروح تِعمِل تَحليل

أنا قُلت موافِق ماشى أوكيه
وِسَألتُه طَب يِتكَلِّف إيه؟
قام قال لى رُبعُميت جِنيه
بَدَإت وَقتيها دموعى تسيل

كَمِّل لى بتاع مِيَّه وخَمسَه
قال دَه جُوَّه معامِل خاصَّه
يعنى لو حَبِّيت تِتوَصَّى –
- بالحَالَه . لَكِن عَندى بَديل

روح مُستَشفَى تكون حُكومِيَّه
مِن غير ولا تَحاليل طِبِّيَّه
ولا حاجه . هَيدُّوك أدوِيَّه
وِتخِف وتِبقَى زَى الفيل

مُستَشفَى حُكومى ! ما يُحكُومشى
إهمال وِتَسَيُّب ما حَصَلشى
دَه أخويا دَخَلها وما خَرَجشى
لأ دَه خَرَج مِنها . بَس قَتيل

جالُه ضيق تَنَفُس . جيه مالَقاش
لا أُكسُجين وَلا قُطنه بشاش
نَدهنا للدُّكتُور ولا جاش
ده بجَد مش هَجص وتَمثيل


وأُمِّى دَخَلِت الإستِقبال
بأمانَه غَيَّر لَها زَبَّال
يبَقى إسمُه إيه ده ؟ إستِهبال
دَه مال وسايب لِلِّى يشيل

كِدَه بَردُه يا مَصر؟ إبنِك عَيَّان
والتَّحليل غالى وَأنا غَلبان
مِش مَفرُوض يبقَى بالمَجَّان ؟!
رُدِّى يا أصيلَه يا بَلد النِّيل

بَقَى تاخدى ضَريبَه عَلَى بيوتنا
عَلَى دَخلِنا وِشَقانا وقُوتنا
نِندَهلِك تِغيتينا فـ موتنا
تِعمِلى سَمَعِك لا مؤاخذَه تِقيل !

أنا واخِد عَلى خاطرى ومأموص
أنا على راسِك يا حَبيبتى باأبُوس
وإنتى تخَلِّينى أقلَع بَلبُوص
أمِّى ! طَب إزَّاى إدِّينى دَليل

تَحاليلى يا آمَّه شُوفيها بكام
بَس هاأقضِّيها وآخُد بِرشام
ماأنا لَو حَللت . لاقيتُه زُكام
ممكِن أسورَق . ماتقولشى بَخيل

بَس دى تَحويشة العُمر يا ناس
يعنى أدفَعها وأشحَت وَأحتاس
وإن مُت على هذا الإفلاس
يِستِلفوا الدَّفنَه والتَّغسيل !

فِيه شَعب قُصادنا كان مَهزوم
لو واحِد منهم كَح فـ يُوم
بتلاقى الدُّنيا بحالها تقُوم
عَلَشان مواطِن فى إسرائيل

وإحنا الفَراعنه المَصريين
إحنا أبطال تلاته وسَبعين
بِنِعيا وِنمُوت عَيَّانين
وإن قُلت دَه ظُلم . يقولوا عَميل

بَقَى هِىَّ كِدَه . إللى معاه هَيعيش!
وِأموت لو كُنت فَقير وِماعيش
أنا لِىَّ فيكى وَللا ماليش ؟
أنا إبنِك وَللا إبن سَبيل ؟

للشاعر رمزى بشاره



سعر تحليل فيرس H1N1
المعروف بأنفلونزا الخنازير
كما حددته وزارة الصِّحه كتَّر خيرهم


التوقيع:
الدوري للكباااااااااااااار
36 دوري للاهلي
الدوري رقم 7 علي التوالي
وكسبناه يوم 7/7
والفرق 7 نقط
ههههههههههههه





اضغط علي الصورة من فضلك وشارك معانا



التعديل الأخير تم بواسطة bebotop ; 01-02-2010 الساعة 05:29 PM.
رد مع اقتباس
قديم 01-02-2010, 06:28 PM   رقم المشاركة : [2]
مراقب عام و مشرفة منتدى الشباب والشبات
الصورة الرمزية jesus's girl
 
افتراضي

مُستَشفَى حُكومى ! ما يُحكُومشى
إهمال وِتَسَيُّب ما حَصَلشى
دَه أخويا دَخَلها وما خَرَجشى
لأ دَه خَرَج مِنها . بَس قَتيل

كلمااااااات رووووووعة ومعبرة جداااااااا
ميرسي يا بوب ربنا يعوض تعب محبتك


التوقيع:





jesus's girl غير متواجد حالياً   رد مع اقتباس
قديم 01-02-2010, 10:01 PM   رقم المشاركة : [3]
امين الخدمة

 
افتراضي

كده برضه يا مصر مكانش العشم ابدا يطلع منك كل ده
شكرا بوب على الحاجات الحلوة ديه وشكرا الشاعر الموهوب أ/رمزى بشارة


التوقيع:
[flash=http://up.ava-takla.com/uploads/files/ava-takla-588017e24e.swf]WIDTH=469 HEIGHT=600[/flash]





المصرى الأصيل غير متواجد حالياً   رد مع اقتباس
قديم 01-02-2010, 10:33 PM   رقم المشاركة : [4]
مشرف منتدى الميديا

الصورة الرمزية medhat atef
 
افتراضي

حَسِّيت إن أنا كِدَه مِتأرطَس
وِسَألتُه وقُلت لُه وأنا باأعطَس
طَب قُول إيه أعراض الفَيرَس
وِلاقيتُه شَرَح لى وبالتَّقصيل


الشعر ده من اي عصر هههههههههههههههههه
شكراااااا يا بيبوووووو علي الحاجات الجميلة دي

ربنا يباركك



التوقيع:






منتديات الانبا تكلا هيمانوت





قسم الميديا المسيحية





Dohaaaaaaaaa
medhat atef غير متواجد حالياً   رد مع اقتباس
قديم 01-03-2010, 01:32 AM   رقم المشاركة : [5]
مشرف منتدى الطقوس

الصورة الرمزية bebotop
 
افتراضي

[align=center]
شكرا ميرنا شكرا استاذ المصري شكرا دوحا علي المرور الجميل ربنا يعوضك خير يارب
[/align]


التوقيع:
الدوري للكباااااااااااااار
36 دوري للاهلي
الدوري رقم 7 علي التوالي
وكسبناه يوم 7/7
والفرق 7 نقط
ههههههههههههه





اضغط علي الصورة من فضلك وشارك معانا


bebotop غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حيران كده ليه .. lostlove المنتدى الادبى 2 12-27-2010 08:41 AM
ياااااااااااااااااااااااااه فيه حب كده dede love jesus المنتدى الفكاهى 5 02-12-2010 04:17 AM
حرام كده meno المنتدى الفكاهى 18 01-21-2009 05:36 PM
اوعى تكون كده؟ او تقول كده؟ jesus_4ever المواضيع العامة 20 11-26-2008 04:09 PM
اللى من كنيسة العذراء عين شمس الغربيه يدخل بسرعه ولى مش من هناك يدخل برده مملكة الحب الضائعه مناقشات الأعضاء 7 10-10-2008 02:02 PM


الساعة الآن 09:00 PM


† هدف خدمتنا: "‎ذوقوا وانظروا ما أطيب الرب‎" مزمور 34 : 8 †
† مبدأ خدمتنا: "ملعون من يعمل عمل الرب برخاء‎" ارميا 48 : 10 †
† شعار خدمتنا: "ليس لنا يا رب ليس لنا لكن لاسمك أعط مجدا‎" مزمور 115 : 1 †