انا ومنتدى أفا تكلا ومشاكلك

ردا على استفسارك يا اخى بولا ( هى انتى صحبتها الانتيم الوحيدة؟؟ )

فقد افادت :

انا فعلا الصديقة الوحيدة للشخصية دي ودا اللي مخليني احس انها محتجالي جدااااااا وعلى فكرة هي كمان عندها مشكلة في حياتها هي اللي شجعت على وجود هذه العادة


يللا يا جماعة منتظرين رأيكم

اولا شكرا للاصيل
ثاينا تكملت الرد
اوعى تسيبي البنت دى
اتصرفى (بس مش من دماغك)
معاها خطوة بخطوة
احنا عندانا فى الكاتدرائية مركز مكافحة الادمان (من اى حاجة)
المركز مطرور وبيعملو دراسات ثانوية
مش ضرورى تروحى الكاتدرائية بس ممكن تسألى الاب الكاهن الى عندكو فى الكنيسة مين اللى مسؤل عن الموضوع دا فى المحافظة اللى انتى فيها
لو مش هينفع دا رقم الحياة الافضل لمكافحة الادمان
22626168
0189799982

قلب الفهيم يطلب معرفة وفم الجهال يرعى حماقة.
ودى انا شفتها قدامى وانا بكتب الرد مش عارف يمكن تنفعك

انا كده خلصت
اتمنى اكون افدتك

سلام المسيح للجميع
كل سنة و كلكم بخير بمناسبة عيد العدرا

بالنسبة للمشكلة دي انا اعتقد ان كون صحبتك مدخنة ده مش سبب علشان تسبيها
يعني معتقدش انك هاتيجي في يوم و دخني زيها _ بنعمة ربنا_ انا اعتقد ان الناس زي كده بيبقى عايزين حد يقبلهم و يحبهم على وضعهم زي ما هما و مع الصلاة من اجلها و انك تحاولي تدميجيها في مجموعة كويسة ... اعتقد ان الموضوع هايعدي بسلام عليكي و عليها

و ربنا يحافظ عليكي

سوري ياجماعه كالعادة باجي متأخرة بس ممكن اقول راي لا مش هاسيب صاحبتي علشان فيها عيب مش كويس لا بالعكس علشان انا وهيا اصحاب ممكن اساعدها ان تبتعد عن التدخين او اي عيب اخر عايزه اقول ان مع الوقت ومع وجود ربنا في حياتها عن طريقك هتبتعد ساعديها خليكي معاها احضري قداسات واجتماعات وتقعد مع اب اعترافها وصلوا من اجل الموضوع ده نقطه عايزه اقول عليها انا مش عايشه في مصر لكن مصريه طبعا ومن اصل صعيدي كمان ولكن ليا اصحاب في شغلي بيدخنوا ودي حاجه عاديه بالنسبه ليهم وبيشربوا شيشه كمان ولكن عمري ما تأثرت بيهم لو صاحبة المشكله خايف على نفسها لان مش هيفرقوا معايا لان مش مسيحين .

ولكن احنا بنفكر ان هيا تبعد عن التدخين وده مش هيجي غير بالتقرب من ربنا ووجودها في الكنيسة دائما اقفي معاه وخليكي معاها لا تتركيها من اجل عيب فيها لو اصدقاء بجد هافضل معاها لا اتركها ابدا ده راي

سلام ونعمة

انا من رايى انك مش تسيبى صحبتك لانها محتاجالك ودا بان من انها قالتلك انها بتشرب سجاير
وكمان انتى الانتيم ليها فصعب انك تسبيا لانها من تضيع نفسها اكتر وانتى بتقولى انكم بتحبوا بعض فاكيد تقدرى تساعديها فا مش تسبيها اقفى جنبها قربى منها اكتر وقربيها من الكنيسة و اشتركو فى الانشطة اللى تشغل وقتها
وربنا يقف معاكى ويساعدك

يارب اكون قدرت اقول راى مفيد

سلام ونعمة
بصى ياعم انا من راى مش تسبها بس هى شربت من نفييها ولا كان مشية مع واحدة والواحدة دية خلتها

بش بردو مش تسبها وحاول انك تقف معاها وتمنع انها تدخن وروح الكنيسة وخليها تنناول عشان مش تشرب لو اتنولت

مش عارفة بقا انى افتكم ولا لالالالالالا

يلا يا احلى شباب ادخل قول رأيك فى المشكلة المعروضة وانت شايف ايه وبتنصح اختنا صاحبة المشكلة تعمل ايه

وتذكر اننا كلنا اسرة واحدة وايد واحدة

رأيك مهم جدا

فى مشكلة هاعرضها بس اكمل سمعها من صاحبها واكتبها انتظروهااااااااااااااااااااااااا

بسم الاب والابن والروح القدس الة واحد امين

لأن الله لم بعطينا روح الفشل بل روح القوة والمحبة والنصح ( 2 تى 1 : 7 )

لذلك نقول مع معلمنا بولس الرسول : نستطيع كل شئ فى المسيح يسوع الذى يقوينا فى ( 4 : 13

)

المدخن بصفة عامة ضحية أما لمرض نفسى أو ضغوط اجتماعية قاسية كما ذكرتى حضرتك انها عندها

مشكلة أومع أصدقاء السوء (المعاشرات الرديئة التى تفسد الأخلاق الجيدة )

و المسيحية وضعت 3 قوانين نقدر عن طريقهم اننا نعرف الصح من الغلط :

1- " كل الأشياء تحل لى... لكن ليس كل الأشياء توافق" (1كو23:10).

2- " كل الأشياء تحل لى... لكن ليس كل الأشياء تبنى" (1كو 23:10).

3- " كل الأشياء تحل لى... لكن لا يتسلط علىّ شئ " (1كو 12:6).


لما نيجى نطبق القوانين التلاتة دول على التدخين :

1- هل هذا الأمر بيوافق أولاد الله، أم لا يوافقهم؟ طبعا لا يوافقهم لانه المفروض أن يكونوا صورة حسنة

2- وهل هذا الأمر يبنى الإنسان، أم يهدمه؟ وطبعا لا يبنى الإنسان لأنه ضار جدًا بالصحة )

3- ثم هل هو يتسلط عليه أم لا؟! وطبعا التدخين معروف يتسلط على الإنسان، ويصير الإنسان ( عبدًا للسيجارة )،

طبعا اتفقت جميع الاراء ان حضرتك لا تتخلى عنها

و عشان صديقتك نتغلب على هذه العادة الرديئة

1. لابد انها تكون مقتنعة ان العادة ديه مدمرة ومدمرة اكتر بالنسبة للسيدات فالتدخين يؤثر على نضارة


المرأة وكمان بيعمل اضطرابات بالدورة الشهرية وبيأثر على نسبة الخصوبة ويزود من نسبة العقم كمان

بيشكل خطر على الجنين كمان بيأثر على هرموناتها و يدخلها فى سن انقطاع الطمث مبكرا ده غير

السرطانات .

2.طبعا الاقتناع النظرى مش كفاية لازم تاخد قرار انها تمتنع يعنى بمعنى اصح تتوب وتقعدى حضرتك

انتى وهى فى جلسة صلاة وبعدين تاخديها لأب الاعتراف تعترف فيها بالموضوع ده وهو يرشدها ازاى

تتصرف فى مشكلتها اللى متهيأ لى انها سبب تدخينها .

3.كمان هى محتاجة انها تشبع لان الواحد مننا لا يمكن يقدر ينتصر على اى خطية مهما كانت بسيطة

لوحده لان الجسد بيشتهى ضد الروح وعدو الخير بيضغط علينا ويصور لنا ان النفخ فى السيجارة هو الحل

لكن النفس الشبعانة تـــدوس العســل" (أم 7:27)

فلو صديقتك عندها نية حقيقية للتخلص من التدخين لازم تشبع روحيا بالمسيح عن طريق ( الصلاة –

قراءة الانجيل – الاسرار المقدسة من اعتراف وتناول وحضور اجتماعات وتديها كتب روحية تقراها )

حددى معاها يوم تتوقف فيه عن التدخين وتلتزم فيه وشجعيها على كده ويا ريت تشركيها معانا فى

المنتدى وتكلفيها انها تعمل لك مواضيع وتقولى لها انك مش فاضية وانت محتاجة المواضيع ضرورى

ولتكن المواضيع ديه عن الادمان والتوبة والحياة مع المسيح

اما بقى لو كان الموضوع متطور ووصل للادمان فا مافيش قدام حضرتك الا انك تقنعيها تروح مركز تدريب

الحياة الأفضل لمكافحة الإدمان اللى بولا قال عليه

وقولى لها

:"

إن كان أحد يفسد هيكل الله ( الجسد )، فسيفسده الله، لأن هيكل الله مقدس الذى أنتم هو" (1كو 17:3).

لكن لا تتخلى عنها فهى فى احتياج لحضرتك جدا

المشكلة رقم ( 3 )

المشكلة كما وردت من اختنا الغالية كالتالى :

انا متجوزة وزوجي طيب جدا وانا وهو متفاهمين جدا وواخذين بعض عن حب وتفاهم وهو بيحب الناس ولكن مشكلته لما بيكره حد خلاص كل شى بينتهي ...... وبينسى كل شى حتى لو كنت انا المهم
انا مرتبطه باخواتي جدا وبالذات البنات وكمان لاني انا اكبرهم هما مرتبطين بيا جدا فاختي اصغر منى يمكن 7 سنوات ونفس الشى لزوجها هو اصغر منى بنفس العمر المهم زوجي بدأ يغير منه جامد وبعد ماكان بيحبه بدأ مش يحب يكلمه ولا يحب يكلم اختى وعلشان انا بعيد مش عايشه معاهم في مصر بدخل معاهم على النت وكل ما اكلمهم على النت زوجي يضايق ويعمل معايه مشاكل بدأت ابطل ان افتح النت وهو موجود علشان مش يزعل مني واكلمهم في عدم وجوده طبعا لما بيسالني كلمتيهم على النت مش بحب اكذب اقول اه مش يبين انه مضايق وبعد كده يعمل مشاكل معايه فمشي عارفه اعمل ايه ؟؟؟؟ وبعدين يرجع يقولي انا هتكلم معاه واقوله مش يتكلم معاكي على النت وبالنسبه لااختي وزوجها مش عندهم اي فكره خالص ان زوجي مش بيحب يتكلم معاهم والخوف لما انزل مصر هما بيحبوا يقعدوا معايا ونتقابل ونخرج هو بيقولي مش هاخرج معاهم ولا هاروح عندهم فمشي عارفه اعمل ايه ياريت اعرف اعمل ايه مش عايزه ازعل زوجي لان مش بحب ازعله ؟
ولا ازعل اختى وزوجها لاني بحبهم جدا ومش عملوا حاجه تزعلنى ؟؟؟
اه نسيت اقول زوجي بيقولي كمان ان زوج اختك اتكلم في حقه من وراءه كلام مش كويس علشان كده كمان مش عايز يتكلم معاها
مستنيه رايكم

انتهت الرسالة كما وردت من اختنا العزيزة وياريت يا احبائى تشاركونا الرأى كيف تتصرف اختكم