جه الوقت انك ترجع لربنا؟؟؟؟؟؟؟؟

[BIMG]http://www.ava-takla.com/up//uploads/images/ava-takla-4ae813e951.jpg[/BIMG]


واحد:اوف
نفسه:مالك
واحد:معرفش مالي مخنوق حاسس حاجة ناقصاني معرفش هي ايه
نفسه:طب وتفتكر ده سببه ايه او ايه الحل
واحد:حاسس ان انا تايه مش عارف حاجة ولا قادر افكر
نفسه:دور على حد يسمعك فضفض لحد
واحد:دورت كتير. لحد دلوقت بدور.نفسي حد يحبني
نفسه:طب ماتجرب تحب او تصاحب اكيد في حد كويس ينفعك
واحد:اه في ناس كتير بس مش لاقي حد مناسب دايما في حاجة ناقصاهم بحس ان مش ده الي محتاجه واما بطمن لحد بطلع مخدوع فيه
نفسه:طب ايه اللي بيريحك
واحد:معرفش بس ساعات ترانيم او اغاني مش حاجة معينة
نفسه:جربت طيب تحب ربنا
واحد:انت عبيط منا بحبه طبعا
نفسه:ياض انت هتضحك على نفسك ما انا عارف كل حاجة
واحد:طيب طيب انا بحبه بس بالكلام بس اشعرفك اني هرتاح معاه
نفسه:وهو يعني انت كنت ضامن الناس قبل كدة ما أنت ياما آمنت لناس وطلعوا خانوك ومش بيحبوك قبل كدة ولا هو بس تمشي على هواك
واحد:طيب هجرب
نفسه:ماشي ياعم
واحد لربنا:يارب انا محتاجلك عشان انا تعبان يارب وحاسس بفراغ جوايا وعاوزك جنبي
عارف ان انا بعرفك لمصلحتي وياما بقول خلاص معاك وفى اقل اختبار بجري بسرعة منك
انا يارب حاسس بفراغ حاسس ان انا فاضي من جوة تعبان قوي يارب بجد محدش قادر يفهمني ولا قادر اواجه الدنيا وحدي
"تعالوا اليّ يا جميع المتعبين والثقيلي الاحمال وانا اريحكم." (متى 11:28).
فعلا يا رب انا فعلا برتاح معاك لدرجة انا بحتار ايه بيخليني ابعد عنك تاني
ساعدني يارب من الي مكتفني ده
"انا الكرمة وانتم الاغصان. الذي يثبت فيّ وانا فيه هذا يأتي بثمر كثير. لانكم بدوني لا تقدرون ان تفعلوا شيئا." (يوحنا 15:5).
طب يارب انا نفسي تبقي جنبي ساعدني ارجوك
"من ايام آبائكم حدتم عن فرائضي ولم تحفظوها. ارجعوا اليّ ارجع اليكم قال رب الجنود." (ملاخى 3:7).
يارب انا خاطي وهرجع هرجع عشان راحتي معاك وبس معاك
الواحد:انا كلمت ربنا
نفسه :هاه عملت ايه
واحد:ارتاحت قوي كدة حاسس ان كان جوايا عاصفة وهديت يااه
بس انا خايف لحسن ارجع تاني زي الأول
نفسه:ياعم انت نسيت "لان الصدّيق يسقط سبع مرات ويقوم. اما الاشرار فيعثرون بالشر." (الأمثال 24:16).
واحد:صح.حتي لو انا تاني سبته حبه مش هيروح من قلبي ولو تهت اكيد هرجع شكرا يارب على رحمتك شكرا على احتمالك ليا واهتمامك بيا
وانت كمان جه الوقت انك ترجع لربنا واوعي تأجل


منقوووووووووووووول