إخراج روح شريره

معجزه للقديس العظيم ابونا سمعان الاخميمي

إخراج روح شريره




السيدة / رحمه – شبرا الخيمة

كانت السيدة بها روح شريرة وكانت عندما تذهب للكنيسة ويصلي لها الكاهن يصرخ الشيطان ويقول ( حخرج منها, حخرج منها) وكانت تعتقد أنها خرج فعلاً .

وعند رجوعها إلى البيت كأن شئ لم يكن ويظهربها الروح مرة أخري, وفي أحد المرات صلى لها أحد الكهنة فهرب منها الشيطان قبل صلاة الكاهن, وعندما لم يجده الكاهن إعتقد الكاهن أنها حالة نفسية فقط وليس بها روح شريرة , وعند رجوعها إلى البيت يظهر مرة أخرى , إلى أن أحضرت إبنة عمتها صورة أبونا سمعان الأخميمي صانع المعجزات ووضعتها على رأسها وفي الحال صرخ الروح وكأنه يتعذب ( حخرج ياأبونا سمعان , حاضر حخرج )

فقررت الحضور إلى الكنيسة وبالفعل جاءت إلى الكنيسة وصلي أبونا أبانوب كاهن الكنيسة لها وأخذت بركة الجسد وفي الحال صرخ الروح الشريرة بقوة وقال ( إنت قديس عظيم يا أبونا سمعان , أنا مش قدك يا أبونا سمعان ) ثم قال ( أنا معاها من 18 سنة , ومش عارف أعملك إيه يا قديس يا عظيم , كل ما أنزل لرجلها ألاقيك فيها وأطلع على رأسها ألاقيك فيها وفى كل مكان فى جسمها ألاقيك فيه )

وأخيراً صرخ الشيطان
( أنا خارج , أنا خارج , القديس أبونا سمعان عمل معاكى معجزة كبيرة )
وخرج الروح الشريرة منها مهزوم. بركة وشفاعة أبونا سمعان الأخميمي تكون معنا آمين.

فصرخ بصوت عظيم قائلاً آه مالنا ولك يايسوع الناصري.أتيت لتُهلكنا . أنا أعرفك من أنت قدوس الله. (لوقا 4 : 34)

†

بجد معجزة روووووعة و جميلة جداااااا

وانا فى يوم واحد شوفت اكتر من 11 معجزة فى كنيسة ابونا سمعان

ميرسى كتـــــير ليكى أوجــــا على المعجزة الجميلة دى

بركة وشفاعة ابونا سمعان تكون معانا ومعكم أميــــــن

معجزة جميييييييييييييييلة جداااااااااااااااا وده مش غريب علي ابونا سمعان اللي معجزاته يوميا بنسمع عنها

بركة صلاته تكون معاكي

معجزة حلوة اوى يا اوجا شفاعته تكون معانا وميرسى ليكى