منتديات الانبا تكلا هيمانوت
 
jquery Ads




العودة   منتديات الانبا تكلا هيمانوت > المنتدى المسيحى > منتدى المواضيع الهامة

الملاحظات

إضافة رد
 
أدوات الموضوع انواع عرض الموضوع
  #1  
قديم 12-21-2009, 02:02 AM
الصورة الرمزية little angel
little angel غير متواجد حالياً
مشرفة منتدى سير القديسين

 


avatakla كلمة السر....!!!!

لما كنت طفل صُغيَّر .. كان يوم عيد ميلادي بالنسبة لي هو"أحلي يوم" في السنة ! .. حفلة كبيرة وهدايا ! .. كل ده ليه ! .. لأني شرَّفت العالم بإني اتوَلَدت ! ..



كبرت شوية ... ودَخَلت المدرسة .. وتَخَيَّلت إن "أحلي يوم" في حياتي .. هايكون يوم ما اتفَوَّق في دراستي .. ويختاروني "الطالب المثالي" ! .. وفعلا ً حَصَل ! .. وفِرحت جداً طبعاً ! .. لكن بعد شوية حَسِّيت إن مش هوه ده اللي أنا بادَوَّر عليه ! ...



انتهت دراستي .. وقلت لنفسي : يِمكِن "أحلي يوم" في حياتي .. هايكون يوم ما اشتغل وأكون شخص مستقل ! .. ولا حَد يقوللي : هاحرِمَك من المصروف !.. ولا حَد يقوللي : رايح فين وجاى منين وفعلا ًحَصَل ! .. واشتَغَلت .. لكن في الشُغل شُفت العَجَب ! .. ويا بَخت مَن كان المدير خاله ! .. كله بيقول : ياللا مصلحتي ! .. وشُفت أشخاص معندهاش مانع عشان تِطلَع دَرَجَة .. تِطلعها على حساب اللي حواليه ! ...


بعدها قلت لنفسي : الحياة من غير الحب .. عاملة زي الصحرا ! .. غالباً "أحلي يوم" في حياتي ... هايكون يوم ما أحِب وأتجوز البنت اللى بحبها ! .. أكيد وقتها هامسك نجوم السما بإيدَيّا ! .. وفعلاً حَصَل ! .. حَبِّيت وإتجَوِّزت ... لكن يا خسارة يا حُب ! .. ماكَنش العَشَم ! .. مالقيتش فيك اللي بادوَّر عليه ! ...



قلت لنفسي : الاولاد ! .. أكيد "أحلي يوم" في حياتي .. هايكون يوم ما ربنا يرزقني بطفل ! .. أكيد هو اللي هايعَوَّضني عن أي خسارة ! .. وفعلاً حَصَل ! .. ورَزَقني ربنا بوَلَد يفرِح .. مَا افرَحش إزاي ! .. يا خبر ! .. ده هو الغالي ! .. تِعِبت ورَبِّيت وكَبَّرت .. وفي الآخر .. معلش يا بابا ! .. أصل ظروف الحياة شغلاني وبَعدَاني عنك ! ....


قعَدت مع نفسي .. واسترجَعت كل الأحداث اللي مَرِّيت بيها في حياتي .. واستغربت جداً .. لأن مفيهاش حاجة أنا أتمنِّيتها .. ما حَصَلتش عليها ! .. ومع كده .. لا مال ولا جمال شبَّعنِي ! .. ولا حَسَب ولا نَسَب رَوَاني ! ..



في قَرَارِة نَفسي شاعر إني حزين ومش مرتاح ! .. شوية ظروف حلوة .. بترفعني فوق فوق ! .. وشوية ظروف صعبة .. بتنَزِّلني تحت تحت ! .. أنا فعلاً تَعبان !!! ...



-فجأة ! سِمِعت صوت هَمس في ودني بيقول : " تكثُر أوجاعهم الذين أسرعوا وراء اله آخر" مزمور 16: 4.
"لأن شعبي عَمِلَ شَرَّين: تركوني أنا ينبوع المياة الحَيَّة، ليَنقروا لأنفسهم آباراً، آباراً مُشقَّقَة لا تَضبُط ماء "إرميا13:2"



- خُفت ! .. " لأن كلامه كان بسُلطان " لوقا 4: 32 .. وقلت له : إنتَ مين ؟!؟! ...



- " فقال لي : أنا يسوع الذي أنتَ (تَستَهين بوجوده في حياتك) " أعمال الرسل 9: 5..



- سألته بمنتهي السذَاجة : هوه إنت يسوع بتاع يوم "الحَد" الصُبح ؟! .. يسوع اللي في الكنيسة !!! ...


- صِعِبت عليه ! .. وبحَنان ماشفتهوش قبل كده قاللي:
وهوه فيه حاجة تَعباك ومِمَرَّرة حياتك غير إن إنت فاكر إن أنا يسوع بتاع يوم الحَد الصُبح بَس !!! ..

لأ يا حبيبي .. أنا يسوع بتاع الاتنين والتلات وكل يوم ! .. أنا يسوع بتاع العُمر كله ! ...


- ارتَحت له ! .. وقررت أفَضفَض له ع اللي في قلبي .. قلت له : أنا تَعبان ! .. كل ما أتمني حاجة .. بافضَل وَرَاها لغاية ما أحصُل عليها .. ولما باطولها .. باشعر إني مِسِكت الهوا بإيديَّا ! .. مش لاقي حاجة تِشبَّعني ! .. مش لاقي حاجة ترويني ! .. " كل الأنهار تَجرِي إلى البحر ، والبحر ليسَ بِمَلآن " جامعة7:1 ..



- " فقال يسوع : أنا هو خُبز الحياة .. مَن يُقبل إليَّ فلا يجوع ، ومَن يُؤمن بي فلا يعطش أبداً " يوحنا 6: 35..

عشان كده ما تِستَغرَبش إنك جَعان وعطشان ! ...

إنت سيبتِني وجِريت ورا آبار ناشفة ! .. كنت مُتَخَيِّل إن هي اللي هاتِسعِدَك ! ..

يوم ما ابتديت تِشتَغل .. ما أخَدتِنيش معاك وإنت رايح الشُغل ! ...

يوم ما فكَّرت ترتَبط .. ما أخَدتِش رأيي وإنت بتِختار شريك حياتك ! ..

يوم ما رزقتك بطفل .. ما سألتِنيش تِرَّبي ابنك إزاي ! ..

مشكلتك كانت دايماً إنك فاكر إن أنا يسوع اللي في الكنيسة بَس ! ..




صَدَّق إني كِتيـر حَبِّيتك .. صَدَّق إني عشانك جيت

صَدَّق إني أنـا مِستَنِّي .. مهما بِعِدت ومهما جريت

صَدَّق إني راح أنسَى ماضيك

صَدَّق إني راح أسـكن فيـك

ليـه الهَـم يسُودَك .. ليـه بيحنِي عُـودَك

خَلليني أمسِك إيدَك .. ويبقي اليوم يوم عِيدَك




- لما الناس بيسألوني : إيه السِر ورا التغيير ده كله !؟!؟ ..

- اقول لهم : كلمة السر هيَّه : ( يسوع إتوَلَد ! ) ..



- بيقولولي : وإيه الجديد في كده ! ... إنت جِبت إيه مِن عندك !؟! .. ما كلِّنا عارفين إن (يسوع إتوَلَد) !!! ....



- باقول : فعلا ً .. لو الأمر انتهي عند (يسوع إتولد) وبَس .. كنت هافضَل أنا زي ما أنا ! .. لكن كلمة السر هيَّه :

(يسوع إتوَلَد جُوَّايا !) ...



وقِفت قدَّام عينيَّ المقفولة ! .. وقلت لها : إنفتحى يا عينى ! .. قالت لي : إيه كلمة السر ؟ ..




قلت لها : (يسوع إتوَلَد جُوَّايا !) .. فانفَتَحِت في الحال ! ... وقالت لي : ياه ! .. أخيراً هاتِبتِدِي تشوف إيدُه اللي ورا "كل" نجاح في حياتك ! ..



ووقِفت قدَّام وِدانِي المَسدُودة ! .. وقلت لها : إنفتحى يا وداني ! .. قالت لي : إيه كلمة السر ؟ ..

قلت لها : (يسوع إتوَلَد جُوَّايا !) .. فانفَتَحِت في الحال ! .. وقالت لي : ياه ! .. أخيراً هتِبتِدي تِسمَع صوته وهوه مِتعَلَّق ع الصليب .. وبيقول لك : (بَــحِــبَّــك)! ...




ووقِفت قدَّام قلبي المِتحَجَّر .. وقلت له : افتح يا قلبى.. قاللي : إيه كلمة السر ؟ ..


قلت له : (يسوع إتوَلَد جُوَّايا !) .. فانفَتَح في الحال ! .. وقال لي : ياه ! .. أخيراً هتِبتِدي تُشعُر بحِنِّيته ! .. أخيراً هاتِبتِدي تِحِس بتعزيَّاته و طَبطَبتُه عليك وإنت بتتألِم !!! ...


بَس قلبي بالذات لما إنفَتَح قدَّامي .. شُفت فيه اللي لا يسُر عدو ولا حبيب !!! .. فقلت لـ"قلبي" : يادي المصيبة !!! .. هاعمِل فيك إيه !؟! .. ده إنت هتوَدِّيني على جُهَنَّم حَدف !!! ...




رَد قلبي عليَّ و قاللي : اطَّمِّن ! .. " في ابتِدَاء تَضَرُّعاتك خَرَج الأمر ( مِن عند الرب ) ، وأنا جِئتُ لأخبِرَك لأنك أنت مَحبُوب " دانيال23:9 .. و هتِبقَى مِن طينة غير الطينة ! .. " الكُل قد صَار جَديداً "كو 2 17:5




زمان كنت فاكر إن المعجزة هى إن ظروفي تِتغَيَّر ..
لكن "دلوقتي" اكتشفت إن معجزة المعجزات هى إن أنا اللي أتغيرت! .. .. إن أنا " أتولِدت " من جديد ..


م
ن
ق
و
ل

التوقيع:











رد مع اقتباس
قديم 12-21-2009, 03:17 AM   رقم المشاركة : [2]
مراقب عام و مشرفة منتدى الشباب والشبات
الصورة الرمزية jesus's girl
 
افتراضي

لأ يا حبيبي .. أنا يسوع بتاع الاتنين والتلات وكل يوم ! .. أنا يسوع بتاع العُمر كله ! ...
موضوووووووووووووع رااااااااااااااائع رااااااااااااااااااااااائع يا توتا ربنا يعوض تعب محبتك


التوقيع:





jesus's girl غير متواجد حالياً   رد مع اقتباس
قديم 12-21-2009, 03:36 AM   رقم المشاركة : [3]
مشرف منتدى الطقوس

الصورة الرمزية bebotop
 
افتراضي


موضوع جميل جدا يا توتا وجه علي الجرح ربنا يعوضك خير يارب ويبارك في خدمتك ويزيدك من نعمته



التوقيع:
الدوري للكباااااااااااااار
36 دوري للاهلي
الدوري رقم 7 علي التوالي
وكسبناه يوم 7/7
والفرق 7 نقط
ههههههههههههه





اضغط علي الصورة من فضلك وشارك معانا


bebotop غير متواجد حالياً   رد مع اقتباس
قديم 12-21-2009, 05:53 PM   رقم المشاركة : [4]
مشرفة منتدى سير القديسين

الصورة الرمزية little angel
 
افتراضي

1 - ميرسي ليكي يا ميرناااا لمروورك وردك الجميل والمستمر ده بجد


2 - ميرسي ليك جداا يا Beboo لمروورك وردك الجميل ....وياريت بجد يسوع يتولد جواناا

اشكر محبتكم....الرب يبارك خدمتكم


التوقيع:











little angel غير متواجد حالياً   رد مع اقتباس
قديم 12-21-2009, 06:59 PM   رقم المشاركة : [5]
مراقب المنتدى
الصورة الرمزية حبيب البابا
 
avatakla



.
.


(يسوع إتوَلَد جُوَّايا !)

ياااااااااااااه

بجد موضوع جميل جداااا

وقد ايه بيحسسنا اننا بعيد بعيد اوى عن يسوع

وبيأكد ان كل نجاح وراه يسوع حتى لو مكناش

حاسين انه موجود فى حياتنا

بس هو مش سايبنا وديما عينه علينا

تسلم ايدك
توتـــــــــــااااا على المرور الجميل دا

ربنا يباركك ويبارك خدمتك



التوقيع:
بقى أنا أستاهل إنك تخبط على قلبي وإنت بجلالك واقف قدامي وتقول إفتح لي ..
مين أنا يمكن نسيت أنا مين أنا التراب إفتكري يا نفسي اياك تنسى.
. أنا لا أستاهل شئ إغفر لي يا ربي وأنت بجلالك انسى لي أثامي وأرحمني يا ربي




[flash1=http://www.ava-takla.com/up//uploads/files/ava-takla-973ec44ed9.swf]width=685 height=500[/flash1]











ليس نجاح الخدمة فى كثرة عدد المخدومين

وإنما فى الذين غيرت الخدمة حياتهم وأوصلتهم إلى الله





حبيب البابا غير متواجد حالياً   رد مع اقتباس
قديم 12-21-2009, 07:05 PM   رقم المشاركة : [6]
مشرفة منتدى سير القديسين

الصورة الرمزية little angel
 
افتراضي

ميررسي ليك جدااا يا JakoOoOo لمروورك وردك وتعلييقك الراااائع ده بجد...

اشكر محبتك....الرب يبارك حياتك وخدمتك


التوقيع:











little angel غير متواجد حالياً   رد مع اقتباس
قديم 12-21-2009, 10:22 PM   رقم المشاركة : [7]
مشرف منتدى الميديا

الصورة الرمزية medhat atef
 
افتراضي

ووقِفت قدَّام قلبي المِتحَجَّر .. وقلت له : افتح يا قلبى.. قاللي : إيه كلمة السر ؟ ..


قلت له : (يسوع إتوَلَد جُوَّايا !) .. فانفَتَح في الحال ! .. وقال لي : ياه ! .. أخيراً هتِبتِدي تُشعُر بحِنِّيته ! .. أخيراً هاتِبتِدي تِحِس بتعزيَّاته و طَبطَبتُه عليك وإنت بتتألِم !!! ...




يااااااااااااااااااااااه بجد مش عارف اوصفلك ان ده موضوع مؤثر قد ايه

ربنا يبارك خدمتك



التوقيع:






منتديات الانبا تكلا هيمانوت





قسم الميديا المسيحية





Dohaaaaaaaaa
medhat atef غير متواجد حالياً   رد مع اقتباس
قديم 12-21-2009, 11:35 PM   رقم المشاركة : [8]
مشرفة منتدى سير القديسين

الصورة الرمزية little angel
 
افتراضي

بجد ميررررسي ليك يا Med7at لمرورك وردك الجميييل والمستمر عاطول ...وفعلا زي مانت قولت موضوع مؤثر اوي وياريت بجد المسيح يتولد في كل واحد فينا

اشكر محبتك والرب يبارك خدمتك


التوقيع:











little angel غير متواجد حالياً   رد مع اقتباس
قديم 12-22-2009, 12:42 AM   رقم المشاركة : [9]

 
افتراضي

بجد بجد يا توتا موضوع رائع
ميرسى ليكى كتيير


التوقيع:




ميكو غير متواجد حالياً   رد مع اقتباس
قديم 12-22-2009, 01:07 AM   رقم المشاركة : [10]
مشرفة منتدى سير القديسين

الصورة الرمزية little angel
 
افتراضي

ميرسي ليك كتير يا ميكو لمرورك وردك الجميل ده....نورت الموضوع والمنتدي

الرب يبارك حياتك


التوقيع:











little angel غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
لا يغلبنك الشر بل اغلب الشر بالخير sasso منتدى التأملات 0 12-03-2011 12:17 AM
الشر ساد terymaria صور السيده العذراء 1 03-01-2011 05:00 PM
الرجل المطلوب يواجه الشر sasso منتدى التأملات 4 06-01-2010 01:58 PM
هل الله خلق الشر ؟ ؟!!!! ميكو منتدى المرشد الروحى 6 04-21-2009 03:43 PM
كف عن الغضب واترك السخط ولا تغر لفعل الشر - مزمور ٣٧ : ٨ pinknora منتدى المرشد الروحى 7 12-26-2008 03:31 AM


الساعة الآن 04:05 PM


† هدف خدمتنا: "‎ذوقوا وانظروا ما أطيب الرب‎" مزمور 34 : 8 †
† مبدأ خدمتنا: "ملعون من يعمل عمل الرب برخاء‎" ارميا 48 : 10 †
† شعار خدمتنا: "ليس لنا يا رب ليس لنا لكن لاسمك أعط مجدا‎" مزمور 115 : 1 †