أخيرا البابا زار الرهبان المصابين

البابا شنودة زار رهبان «أبوفانا» المصابين.. وقال لأحد الشاكين «خلاص أنا فاهم كل حاجة»
07/06/2008 كتب عمرو بيومي .

توجه البابا شنودة الثالث، بابا الإسكندرية بطريرك الكرازة المرقسية، بعد ظهر أمس إلي مستشفي برج مينا الطبي بمصر الجديدة لزيارة الرهبان المصابين في أحداث دير أبوفانا.
وصعد البابا علي سلالم المستشفي بسبب تعطل المصعد الكهربائي، مما دعاه للجلوس في الدور الثاني للراحة لمدة ٥ دقائق، رفض خلالها اقتراحاً من إدارة المستشفي بالانتظار في مكتب المدير، وإنزال المرضي علي الترولي للسلام عليه، وقال بحدة «أنا جاي أسأل علي الرهبان مش جاي أستريح»، ثم صعد إلي الدور الثالث ودخل غرفة المصابين وصلي لهم قائلاً لكل واحد منهم: «سلامتك يابونا».
واشتكي أحد الرهبان ـ المرافقين للمرضي ـ للبابا من كثرة الاعتداءات علي الدير والرهبان في الفترة الأخيرة، وقال: «العملية كل مرة بتزيد يا سيدنا» فرد البابا: «خلاص أنا فاهم كل حاجة..وإحنا اتكلمنا كمان علي الأحداث من عام ١٩٢٦»، ثم غادر المستشفي بعد ١٥ دقيقة من حضوره.
وسلم الأنبا يوأنس للأنبا ديمتريوس أسقف ملوي، علي بوابة المستشفي، مظروفاً أبيض كبيراً بداخله أوراق خاصة بالدير، وتوكيلاً من البابا له قائلاً: «ده بتاع سيدنا احتفظ بيه ومختوم بختم النسر لتستخدمه».
وصرح الأنبا يوأنس لـ «المصري اليوم» بأن الكنيسة تريد الحقيقة بلا زيادة ولا نقصان عليها، واعتذر عن الإفاضة في الحديث، قائلاً: «لدي الكثير لأقوله، ولكني كرجل المخابرات لا يمكنني الحديث لوسائل الإعلام، ولكن كل شيء مدروس».

ربنا موجود ...... وهيدخل فى الوقت المناسب ويجازى كل واحد على اللى عملة,,
ونصلى جميعا للابائنا الرهبان لكى يشفيهم الرب

ميرسى للمصرى الاصيل على المعلومات بجد شكرااااا
وكلام ممدوح جلاب صح جدا

اولا شكرا يا ثروت على الاخبار ( ومنقدرش طبعا نقول حاجة على الى بيحصل )
على العموم المسيح هيقف بجانبهم ومش هيسبنا

بجد شكرا على الموضوع المهم دا
ربنا يقف جنب كل المسيحين واكيد ربنا هيدخل فى الوقت المناسب

ربنا موجود يحمينا من الشياطين دول ويشفي الرهبان ويكونوا في اتم حال

ميرسي ليك

وربنا معاهم ويشفيهم

يسوع لا يترك ابناءه

أشكركم ياجماعة ممدوح وتريزا ويويو ودودو وفرفورة واوجا وfredyfire وصلواتكم كلكم من اجل احبائنا الرهبان وكل المسيحيين اللى فى ضيقة .

ربنا معاهم ومعانا ويشفيهم
وبجد ربنا يحميهم
شكرا ليك يا مصري علي الموضوع المهم دة