القبض على قبطيين بمعرض الكتاب بتهمة توزيع الأناجيل المقدسة

سلام المسيح
تقريبا السنه الى فاتت كانو قبضوا برده على طلبه فى شمال سيناء بنفس التهمه ، وبالنسبه لمعرض الكتاب كانت المكتبات الاسلاميه بتبيع للناس كتب تهدم وتشتم وتكذب العقيده المسيحيه وبتحريف الانجيل ، طبيعى جدا ان نتاج التخلف الثقافى والدينى والتعصب والاصوليه يكون نتيجتها ارهاب وعنف ، وبعدين لما حصل الى حصل فى عين شمس والمطريه والاديره وكل ربوع مصر ده نتاج طبيعى جدا ، حوالى 80 عضو من مجلس الشعب اخوان ، يعنى نشكر ربنا اننا بنعرف نمشى فى الشارع اصلا .
بس الى يغيظ صراحه هى تصريحات رجال الدين والسياسه المسيحيين الى عايشيين فى قصور كلها حراسه ومش حاسيين بالناس الى ساكنين فى منازل بسيطه وبيمشوا الشارع على رجليهم ، احنا عارفين انها بحكمه (كن مراضيا لخصمك ما دمت معه فى الطريق ) بس الخصم ده كل يوم بياكل منى حته وانا حى ، واعتقد انو جه الوقت الى اقوله فيه ( ان كنت فعلت رديا فأحكم والا فلماذا تلطمنى ) يعنى منفضلش كده ساكتين وحتى اخواتنا الى فى المهجر الى بيصرخوا للآلامنا بيتوصموا بالخيانه والعماله واحنا برضه ساكتين.
سلام المسيح

القبض على قبطيين بمعرض الكتاب بتهمة توزيع الأناجيل المقدسة!

خاص الأقباط متحدون – نادر شكري: طالبالمستشار نجيب جبرائيل رئيس الاتحاد المصري لحقوق الإنسان من مباحث أمن الدولة سرعة

الإفراج عن الشابين المسيحيين مينا عادل شوقي وعصام قديس نصيف وشهرته رءوف نبيل والذين تم إحتجازهما أثناء تواجدهما بمعرض القاهرة الدولي للكتاب أمس بتهمة توزيع أناجيل مقدسة.
أشار أن مباحث امن الدولة قامت أمس الأحد بإلقاء القبض على كلا من مينا عادل شوقي الطالب بكلية الصيدلة وعصام قديس نصيف وشهرته رءوف نبيل وكلاهما من ديروط حال تواجدهما بمعرض القاهرة الدولي للكتاب بتهمة توزيع أناجيل مقدسة واعتبرت هذه تهمة تبشير وكان جبرائيل قام بالاتصال بجهاز امن الدولة طالبا الإفراج عن المقبوض عليهما خشية تصعيد الأمر إلى احتقانات طائفية وقد استنكر جبرائيل ما سمي بتهمة التبشير إذ لا وجود لنص في القانون يعاقب على ذلك إن وجد.

وان القبض على هذين الشابين فيه إخلال بقاعدة المساواة واستطرد هل كان ذلك يمكن أن يحدث فيما لو كان هذين الشابين مسلمان ويقوما بتوزيع نسخ من القرآن لاسيما وان هناك أجنحة بكاملها بالمعرض تقوم بتوزيع كتب دينية إسلامية ونسخ قرآنية وأضاف جبرائيل انه في حالة عدم الإفراج عن هذين الشابين سوف يقوم بوقفة احتجاجية لإحراج المسئولين لعدم المساواة بين المواطنين.

معرض الكتاب هل أصبح الساحة الخصبة للتطرف الديني؟

[align=center]ربنا يحافظ على اولاده يا انطونيوس وهو الوحيد اللى يقدر يحافظ علينا من اى حد لانه هو اللى قال (فى العالم سيكون لكم ضيقات لكن ثقوا انا قد غلبت العالم )

شكرا ليك على التغطية دى ونتمنى نشوف المزيد
[/align]

ربنا يحافظ على ولاده من كل سوء

ميرسى ليك يا انطونيوس
بس اكيد ربنا مش هيسيب اولاده