سلوكيات مكهربة

كل بيت مصرى فية طالب على الاقل عندة واحدة من الكارثتين, يا اما الاعدادية او اشدهم قسوة"ثانوية عامية". وطبعا كل واحد فى الاسرة(مش بس صاحب النكبة)بيكونوا على اتم استعداد للفترة دية.خد عندك مثلآ, الاب: مطبق ورديتين فى الشغل علشان يعرف يجيب فلوس للمراجعات اللى بتكون اسعارها رمزية جدا(مش اقل من 50 جنية فى الحصة), والام:اللى اخدت اجازة مفتوحة من الشغل علشان تراقب الاحوال فى البيت وتتأكد ان الامن مستتب.وياسلام بقى لو عندك اخ صغير,دة يبقى المجنى علية,بيسربوة برة البيت علشان يلعب عند الجيران. ويا سلام كمان لو الباشا الاستذ اللى بيذاكر بيصحى بليل وبينام الصبح. و دة معناة ان حياة البيت كلها تتقلب,يعنى اللى عاوز مثلآ يشغل الخلاط , الغسالة أو حتى يعمل تليفون لازم يكون على السريع قبل معاد صحيان البية. ومش غايظنى غير ان الولد بيكون قاعد يلعب ويتنطط طول السنة ويفتكلر يذاكر اخر يومين ,ونشكر ربنا اوى انة افتكر يذاكر لآنة فى ناس بلديتنا كدة مبيعرفوش حاجة عن المنهج غير ليلة الامتحان,لية؟"علشان يبرشموة". بس صدقنى ابن ربنا اللى بيذاكر ومش رايح زى موظفى "هيئة النقل العام"(بيغش يعنى)من اللى حوالية ومش فارق معاة ان المراقب واقف ولالأ,لأن المراقب بتاعة فى السما شايفة ومبسوط وهو شايفة بيذاكر وبينجح وبيحقق هدفة.

هههههههه ياعينى ع الاسرة اللى بتبقى عايشة فى تقشف وزهد وتضحية لا مثيل لها لا حقيقى ده كله يخلينا نذاكر بجد عشان نفرحهم هما وبس ربنا يحميكى توتا

هههههههههههههههههههههههههه

عندك حق يا توتا

انا واحد من الناس اللي كانوا في الثانوية بعيد عنكم و مجرب

شكراااااا بجد علي الموضوع