منتديات الانبا تكلا هيمانوت
 
jquery Ads




العودة   منتديات الانبا تكلا هيمانوت > المنتدى العام > المنتدى الادبى

الملاحظات

إضافة رد
 
أدوات الموضوع انواع عرض الموضوع
  #1  
قديم 05-24-2010, 02:27 PM
lostlove غير متواجد حالياً

 

avatakla الحب 2

الحب 2
في حب كبير ، بس مش بيدوم كتير
بنحب فيه بضمير ، وبالنسبالنا مصير
حب مبيكونش مرير ، بالعكس دا فيه الخير
حب من غير مقابل ، و بيكون دايما ليك قابل
بتزعله بيصالحك ، بتجرحه بيسامحك ، وقلبه بيرتاحلك
بتخاف بيحميك و بيضلل حواليك ، حب بجد بيكون ليك
لو بكيت بتجرحه و لو ضحكت بتفرحه ، حب نفسي ارجعه
معاه بتحس بالامان و الاطمئنان ، مع انه حب علي قده غلبان
لازم تعرف حاجه ان الحنيه اللي بجد مش بتلاقيها في اي مكان
الحنيه اللي بجد هتلاقيها في انسان ، مش هتحس معاه بالحرمان
هتلاقيها في انسان نفسك تشوفه و ترجع بيك الايام ، ايام زمان
.. الحب ده اسمه الفراق و الاشتياق لأعز و أغلي الاحباب ..
بيفارقوك غصب عنك ، مينفعش تقول ايه الاسباب
اول مبيمشوا بنحس اننا في الدنيا دي بجد اغراب
بنبكي و بننده عليهم ، بس في الاخر بيتقفل الباب
...............
انا مهما كتبتلك ، مش هقدر اقولك انا قد ايه مفتقدك
حبك اللي ادتهولي ، خلاني مش حب حد بعدك
الله يرحمك ، دايما فاكرك ، و يا رب صوتي يوصلك
...
ايام من حياتي جنبك عيشتها
ابتسامتك فين ، بجد مشتاقلها
كان قلبي في حبه ليك ، بيموت من الخوف عليك
كنت فاكر هعيش ليك ، ودلوقتي مش بلاقيك
كنت عايز ارضيك ، و امسح دمعه عينيك
كان نفسي ابكي في حضنك ، واجري عليك
كان نفسي ابوس ايديك ، وادلع عليك
اتوحشت منك كلمه ، الله يحنن عليك
اتوحشتك منك نظره ، صعبان عليك
اتوحشتك كلك ، واللهي مشتاق اليك
قلتلي حجات كتير ، وعلقتني ليه بيك
ومنسيتش منهم حاجه ، فاكر كل لياليك
….
فاكر لما قلتلي نفسي اشوفك متخرج وتيجي بعربيتك تزورني
فاكر لما قولتلي هتحضر فرحي ، و هتيجي في الصباحيه تنقطني
و قولتلي كمان هعاكس مراتك ، وانا قلتلك مش هتقدر يا حبيب قلبي
فاكر لما في الشغل عورت نفسي ، وانتا قطعت جلبيتك و لفيت صابعي
علي فكره انا لسه مداويتش جرحي ، سيبته علشان دايما بيك يفكرني
لسه التعويره باينه في صابعي ، واتمني العلامه دي متتشالش مني
فاكر لما كنا بنولع نار علشان ندفي في عز البرد ، والنار كانت بتلسعني
وكنت تقولي خليك بعيد ، هي لوحدها هتدفيك اصبر عليها يا ابني
اديني صابر ، بس مكنتش اعرف ان الصبر حاجه بتخلص مني
فاكر لما كنت بحب اصطاد في الشمس ، وانتا كنت تملي بتزعقلي
فاكر لما كنت بجيبلك زيارتك ، وتقولي لازم تاخد تمنها مني
فاكر برده في يوم كنت جعان ، وانتا حسيت ولقيتك مره واحده بتأكلني
فاكر لما قولتلي انك تعبت و ووصلت ، وقلتلي لازم تتعب يا ابني
انا بتعب كل يوم دانا بقيت مهموم ، انا كبرت اوي من يوم مسبتني
فاكر برده لما كنت بتشوفني الصبح ، وتقولي وشك منور يا ابني
فاكر لما مكنتش بفطر ، وكنت بتقولي لازم تاكل الشغل هيهدني
حملتني المسئوليه من وانا في الابتدائيه ، حاجه زرعتها فيا
فاكر لما قولتلي اللي يغلط فيك ، سيبه وهيرجع يندم عليك
انا فعلا سيبته ، وحلفت برحمتك وقلتله مش عايز تاني الاقيك
فاكر لما قولتلي متبيعش اللي ليك ، علشان الناس هتضحك عليك
انا اسف انا بعت ، بعت نفسي ، بس انا واللهي ملقتش حد ينصحني
انتا اللي علمتتني اعمل الواجب مع الناس ، طلعتني راجل من الاساس
علمتني مخافش اللي بيخاف بينداس من الناس ، و علمتني الاحساس
من كتر ما اديتني طيبتك ، خلتني اطلع زيك ، خلتني احب كل الناس
بتديني كل حاجه ليه وتمشي وتسيبني ، انا واللهي مش قادر خلاص
انتا اكيد قاعد مع ربنا فوق ، قوله هو ليه مش في كل الناس اخلاص
انا بشتري ناس بعمري و بلاقيها بتبعيني ، هو احنا للدرجه دي رخاص
مش عايز اغير طبيعتي وابقي واحد معندهوش احساس ، و اجرح الناس
مش عايز اتغير ، علشان انتا حبيتني كده وانا صغير ، ادعيلي علي الدنيا اقدر
............
في حاجه عايز اقولهالك ، مش عارف صح ولا غلط بس هكتبهالك
في اليوم اللي انتا موت فيه ، كان يوم الاحد انا مش ناسيه
الناس اللي اتصلت كانوا بيقولوا انك تعبان
بس انا حسيت بيك اول معنيك غمضت
حسيت بيك اول مروحك من ربنا قربت
انا قعدت ابكي ، وكل الناس كان بتزعقلي
بيقولولي انك حي ، بس انا حسيت اني مش هشوفك تاني
مكنتش قادر اقف ، اول مره تكون رجليا مش شيلاني
وانا في الطريق رايحلك ، افتكرت معاك كل ايامي
ودمعي زاد قوي ، اكتر مره صليت فيها ، ومش هصلي تاني
كنت بقول لربنا لو بتحبني اوعي تخليه يفارقني في ايامي
بس انتا فارقتني وبعدك بقيت بعاني ، هو ليه ربنا مسمعش لكلامي
واول موصلت لقيت ناس بتنضف ، وناس رايحه هنا وهناك
مكنتش اعرف انها بتنضف المكان اللي هناخد فيه عزاك
الناس بتبصلي و ساكته ، مره واحده جرينا انا وابويا و اخويا عليك
دخلت بيتك لقيتك علي سريرك ، وكل الناس نايمه تحت رجليك
انا قعدت انده عليك ، بس ابويا قالي سيبه مش هيرد عليك
ابويا زعق فيا ، وقالي جدك مات ، واتأكدت لما مسكت ايديك
اول ممسكتها وسيبتها ، لقيتها وقعت بسرعه جنبيك
كل العيله كانت بتبصلي ، كانوا عارفين انا قد ايه متعلق بيك
كل الناس كانت بتقولي شيد حيلك ، وربنا يعزيك كان بيشكر فيك
كنت كل مبسمع كلمه عنك ، دموعي بتنزل عليك بفتكر كل ماضيك
و في الصبح قالوا لازم ننضف المكان اللي هندفندك فيه
انا اللي نضفتهولك بأيدي ، كان التراب اللي باقي من الناس ماليه
اول مدخلوك فيه ، دخلت معاك و بوست الصندوق اللي كنت فيه
وكلنا وقفنا وخدنا عزاك ، كل العيله كانت واقفه هناك
كل الناس جات وعزيت ، كل الناس اللي كانت حباك
ربنا يساعدنا بعدك ، المكان ملهوش طعم من غير هواك
انا بروح وبسأل عليهم ، و في الحزن والفرح بقف جنبيهم
بس مش كتير زي زمان ، اصلي الناس دلوقتي فيهم اللي مكفيهم
ومتخافش انا مش بتكبر عليهم ، دول ناسي وانا بفخر بيهم
....................
كان نفسي تكون عايش في الوقت دا
كل الناس بتيجي عليا ، مش قادر علي كل دا
....................
الحب دا مش هنلاقيه و مش هيتعوض تاني
الحب دا بجد ، مفيش حد بينتظر حاجه من التاني
متزعلش اي حد بيحيك ، اي حد يقربلك
محدش ضامن عمره ، لازم عليك يرضو
انتا متعرفش يعني ايه انك رايح تزور واحد
تلاقي نفسك رايح تدفنه ، في ثانيه مش بيكون معاك
خلاص مهما هتعمل ، هو مش هنا هو هناك
……….
2007
22-5-2010
رد مع اقتباس
قديم 05-24-2010, 04:06 PM   رقم المشاركة : [2]
مراقب عام و مشرفة منتدى الشباب والشبات
الصورة الرمزية jesus's girl
 
افتراضي

الحب دا مش هنلاقيه و مش هيتعوض تاني
الحب دا بجد ، مفيش حد بينتظر حاجه من التاني
متزعلش اي حد بيحيك ، اي حد يقربلك
محدش ضامن عمره ، لازم عليك يرضو
انتا متعرفش يعني ايه انك رايح تزور واحد
تلاقي نفسك رايح تدفنه ، في ثانيه مش بيكون معاك
خلاص مهما هتعمل ، هو مش هنا هو هناك

جميييييلة جدااا ربنا يعوض تعب محبتك



التوقيع:





jesus's girl غير متواجد حالياً   رد مع اقتباس
قديم 05-24-2010, 04:23 PM   رقم المشاركة : [3]

 
افتراضي

thx merna
..........


lostlove غير متواجد حالياً   رد مع اقتباس
قديم 05-24-2010, 04:34 PM   رقم المشاركة : [4]
مراقب عام و مشرفة منتدى الشباب والشبات
الصورة الرمزية jesus's girl
 
افتراضي

لالالا كده في حاجة بقي فين دكتور ميرنا ههههههه ولا عشان عرفت اني سياحة وفنادق يعني


التوقيع:





jesus's girl غير متواجد حالياً   رد مع اقتباس
قديم 05-24-2010, 05:13 PM   رقم المشاركة : [5]

 
افتراضي

la enty DR mn yomek 7ata lw konty aih
thx ya Dr.Merna


lostlove غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الحب++++++ والكراهيه marcoo maher منتدى القصص 1 08-10-2011 10:08 PM
الحب double g منتدى الشباب والشبات 0 07-07-2011 06:13 PM
بمناسبة عيد الحب الله محبة الله هو الحب نفسه بنت الست العدرا منتدى الشباب والشبات 4 02-16-2011 09:22 AM
الحب 1 lostlove المنتدى الادبى 4 05-22-2010 02:10 PM
ما يعمله الحب وما لا يعمله الحب؟؟؟؟؟؟ oja منتدى الشباب والشبات 15 10-22-2008 07:45 PM


الساعة الآن 08:34 PM


† هدف خدمتنا: "‎ذوقوا وانظروا ما أطيب الرب‎" مزمور 34 : 8 †
† مبدأ خدمتنا: "ملعون من يعمل عمل الرب برخاء‎" ارميا 48 : 10 †
† شعار خدمتنا: "ليس لنا يا رب ليس لنا لكن لاسمك أعط مجدا‎" مزمور 115 : 1 †