منتديات الانبا تكلا هيمانوت
 
jquery Ads




العودة   منتديات الانبا تكلا هيمانوت > المنتدى المسيحى > منتدى القصص

الملاحظات

إضافة رد
 
أدوات الموضوع انواع عرض الموضوع
  #1  
قديم 06-01-2008, 07:25 AM
ميلاد ابن المسيح غير متواجد حالياً

 

avatakla ** قصة خيالية ** فيها معاني كتير

يوميات تلات شياطين


المكان : الاستراحه الخاصه بالشياطين العاملين في جهنم

الزمان : اول يوم في الدينونه

الشياطين ابطال القصه : قباض الارواح - حارس الفرن - ابو شوكه

يدخل ابو شوكه و يترمي علي الارض من الاجهاد و يرمي الشوكه اللي اسنانها غرقانه دم جنبه علي الارض

ابو شوكه : انا خلااااااااص حاموت من التعب ..عمري ما شفت يوم زى ده

حارس الفرن : امال انا اعمل ايه ؟؟ ده انا ايديه اتشوت من نار الفرن و عمال احط مرهم حريق و معجون سنان و برضه مافيش فايده

قباض الارواح (و هو مستلقي علي سريره ) : هاهاهاها ...انتو لسه شوفتو حاجه ...امال فاكرينها لعبه ...هو كل واحد بقي شيطان بيفكر روحه لما هايتعين في جهنم حايقعد علي مكتب

حارس الفرن : ايوه ياعم ..مين قدك ..واخد اجازه مفتوحه و سويت معاش مبكر و قاعد طبعا طول النهار تتفرج عالافلام الممنوعه بتاعة بروسلي و توم و جيرى



قباض الارواح : انا يا حبيبي خلصت شغلي و عملت كل اللي عليه..
الدور و الباقي عليكوا..



ابو شوكه : اما النهارده كان حتة يوم ..لكن علي قد التعب علي قد ما كنت حاموت من الضحك

حارس الفرن : قول يا خويا ضحكنا .. خلللينا نضحك و ننسي التعب شويه

ابو شوكه : اول واحد اشيله بالشوكه النهارده و ارميه في جهنم كان واحد بيفكر نفسه مبشر ..شكله كده هندى او باكستانى ..

حارس الفرن: و ايه اللي حصل ؟؟؟؟

ابو شوكه : راجل مغرور قوى ..اول ما وقف قدام المسيح قاله " انت بقي هاتقعدنى في اى حته في الملكوت ؟؟ انا لازم اقعد في مكان يكون فيه اكل كتير و جوارى و يكون مكيف و فيه حمام سباحه


حارس الفرن: و بعدين ؟؟

ابو شوكه : رد المسيح و قال له " ما اعرفكش "

حارس الفرن : و حصل ايه ؟؟؟

ابو شوكه : الراجل استغرب قوى -- اصله كان مغرور قوى و بيفكر نفسه من الابرار-

و قال للمسيح " ازاى ماتعرفنيش ؟؟ انا اللي كنت باطلع في التليفزيون و كل القنوات الفضائيه المسيحيه ..
طب ده انا كنت باحط ايدى علي وش العيان من دول و اقول " حابس كابس قالع لابس " يقوم يقع علي الارض علي طول ..
وكنا بنلم فلوس كتير في صورة تبرعات من ورا الموضوع ده ..


قام المسيح قاله تاني " ما اعرفكش "

حارس الفرن : و بعدين؟؟؟؟

ابو شوكه : صرخ صاحبنا و قال "ازاى ..ده انا كنت باعمل معجزات و بامر الشياطين تخرج من الناس باسمك و كانوا بيخرجوا يصرخوا و الناس تقع علي الارض و تتشنج

حارس الفرن : شوفوا الراجل الكداب ...ايش حال لو ماكانتشي دي تمثيليه عاملها بالاتفاق مع شوية النصابين دول عشان يضحك علي الناس الطيبين السذج و يخليهم يصدقوا انه صانع معجزات و يلم منهم فلوس يصرفها علي نفسه و يحطها في حسابه في البنك

ابو شوكه : برضه المسيح قاله " ما اعرفكش ...ابعد عنى يا فاعل الاثم

حارس الفرن : و ايه اللي حصل ؟؟؟

ابو شوكه : صرخ الراجل الكداب " يا ام يسوع..يا ايتها العذراء الطاهره ..انجديني ..انا ابنك ..اشفعي لي عند المسيح

حارس الفرن: اما ده راجل بجح بشكل ..و كمان ليه عين يطلب شفاعة العدرا ؟؟؟


ابو شوكه : رديت انا بقي عليه و انا حاموت من الضحك " العذراء ام النور ما تعرفش كدابين و ما بتتشفعش لشياطين

حارس الفرن : و قالك ايه؟؟؟

ابو شوكه : استغرب قوى لما شافنى حاطط الشوكه في ضهره و بازقه ناحية باب الفرن

و قاللي " ليه ؟؟ هو انتو شايفيني شيطان و ليه ديل ؟؟ثم انت بتزقني ليه ؟؟ وايه الشوكه دى اللي في ايدك ؟؟ و حاتوديني فين ؟؟انا مش عاوز اخش جهنم ..انا مكاني في الفردوس..اللي زيي لازم يكون في الفردوس

حارس الفرن : هاهاهاهاها.. اما صحيح راجل مش معقول ..قعد طول حياته يكدب علي الناس و يخدعهم و يوهمهم انه صانع معجزات ويتفنن في الكدب و الخداع لدرجة انه هو نفسه في النهايه صدق الكدب و الاونطه اللي كان
بياكلهم للناس


ابو شوكه :.. ده انا كنت حاموت من الضحك ..و لما لقيته مصر انه يكون مع الابرار قلت لما اضحك عليه و اتسلي بيه شو يه زي ماكان بيضحك علي الناس قبل ما ارميه في جهنم :

ابو شوكه : هو انت اسمك ايه ؟؟؟

المبشر الكداب : بني ..بني جن (بكسر الباء)

ابو شوكه :اااااه...تقصد تقول انك ابن الجن يعني؟؟؟

المبشر الكداب:مش بالظبط .. لكن زي بعضه .. زي ماتحسبها

ابو شوكه :عموما الاسم ده مش غريب عليه ..
هو مش انت اللي كنت بتقول للناس انك ممكن تخرج الشياطين منهم و تعالج الامراض زي الصرع و السرطان باسم المسيح ؟؟؟

بني جن : ( وهو بيبتسم و باين عليه الزهو بنفسه ) ايوه ..انا ..انت كنت بتشوفنى في التليفزيون ؟؟

ابو شوكه : كتييييييييير ...ده انت اسمك بيجلجل في المملكه السفليه...
انما انت صحيح تعرف مين هو المسيح اللي انت كنت بتقول للناس انك تقدر تعمل معجزات و تخرج الشياطين باسمه ؟؟؟

بني جن : ايوه طبعا ..هو فيه حد في الدنيا كلها يعرفه قدى ؟؟؟

ابو شوكه : طيب هو مييييين؟؟؟ و عمل اييييييه ؟؟؟؟لو صحيح تعرف المسيح جاوبني علي السؤالين دول

بني جن : مش ده اللي خرج بني اسرائيل من ارض الموعد في فلسطين عشان يوديهم ارض العبوديه في السودان و ضرب نهر النيل بالتوب اللي هو كان لابسه قام النيل اتحول لجليد و بني اسرائيل اتزحلقوا عليه و عبروه ..لكن لما جه نبوخذ نصر اللي كان بيطاردهم يعبر هو و جيوشه النيل ساح تاني و غرق هو و اللي معاه ...شفت بقي انا اعرف المسيح كويس ازاى ؟؟؟؟

ابو شوكه : امااااااااال ..انت حاتقوللي...هيه...و عمل ايه كمااااااان ؟؟؟؟

بني جن : لما فرعون مصر شاف انه راجل كويس عينه وزير و خلاه الراجل التاني في مصر

ابو شوكه : ( و هو مش قادر يمسك نفسه من الضحك ) ..يا سلام علي معلوماتك ..لكن فيه حاجه مشهوره قوى عملها المسيح و نزل للارض مخصوص عشانها ..دى بقه انت لسه ماقلتهاش...لكن لو قلتها .. لك عندى جايزه كبيييييييره قوى ...ايه هيه ؟؟؟؟

بني جن :ايوه انا عارف ..ما تقولش..لما بني اسرائيل كانوا بيحاربوا هو اللي جه عشان يموت لهم واحد اسمه جليات الجبار لانه كان قتل بطل بني اسرئيل شمشون الجبار


ابو شوكه : يا سلام علي المعلومات...ايه الشطاره دى...و كنت بتوعظ للناس في التليفزيون ؟؟؟؟؟

بني جن : مرتين في الاسبوع

ابو شوكه : روح الله يخرب بيتك يا راجل يا جاهل يا كداب ... هي افران جهنم اتملت من شويه..ما هو كله من عمايلك...ده انت استاذ في الكدب والتضليل...ده احنا كنا بنقعد في مملكة ابليس نتفرج علي البرنامج بتاعك
في التليفزيون عشان نتعلم منك الكدب و التضليل ..ده انت سمعتك زى الطين و صيتك واصل ...و عاوز تخش الفردوس كمان ؟؟؟؟
امال جهنم عملوها لمين ؟؟؟

بني جن : يعني انا مش حاروح الفردوس ؟؟؟

ابو شوكه :انت لسه عندك امل ؟؟؟؟

بني جن : امال حاروح فين ؟؟؟

ابو شوكه : حالا حاتعرف

حارس الفرن: و بعدين ؟؟؟

ابو شوكه :ما لحقش يقول "اى" حتى...شيلته بالشوكه و حدفته حدف جوه الفرن

حارس الفرن:ايوه ..بس.. افتكرته الراجل ده..ده حتى بعد ما دخل الفرن قعد يصرخ و يقول " طب رجعونى الدنيا تانى..يا يسوع..يا ابن الله الوحيد..ادينى فرصه اخيره و انا حاتوب و حاعترف قدامك و قدام الناس كلها انى كنت باخدغهم و باكدب عليهم ..سامحنى يا يسوع"..و من كتر ما كان صوته عالى و هو بيصرخ اضطريت افتح باب الفرن عشان اشوف فيه ايه

ابو شوكه :و بعدين؟؟

حارس الفرن:قلتله.. ما خلاص..وقت التوبه فات ..كنت فين.. و ضميرك كان فين من بدرى..جاى دلوقتى تصرخ وتقول عايز تتوب..ما ربنا اداك ميت الف فرصه قبل كده..لكنك كنت بتموت فى الشهره و المجد و بتحب المال و الخطيه زى عينيك..و مش بس كده..ده انت اتسببت فى دخول ناس كتير ابرياء لجهنم بفسادك و كدبك و تعليمك المضل

ابو شوكه :و قالك ايه؟؟؟

حارس الفرن:قاللى طب بس خلليني اكلم اى حد من القديسين و انا متاكد انهم ها يشفعولي عند المسيح

ابو شوكه : هيه... وقلتله ايه؟؟

حارس الفرن:قلتله ..اخرس..اوعى تجيب سيرة القديسين علي لسانك..و بعدين انا عندى اوامر مشدده انى احمى الفرن عالاخر لما سعادتك تشرف فى جهنم


ابو شوكه :و بعدين؟؟

حارس الفرن:رد و قاللي..ليه بس ؟؟هو انا عملت ايه عشان تعذبونى العذاب ده كله؟؟..


ابو شوكه :مش با قول لكم انه مغرور و مش حاسس انه كان بيضل ناس كتير

حارس الفرن:قلتله ..اصل انت ليك مكانه خاصه عندنا ..زى مكانة يهوذا الاسخريوطي و هتلر بالظبط

قباض الارواح: انا دلوقتى بس افتكرته..ده حتى قبل ما يموت بلحظات قعد يصرخ."مش عايز امووووووت..سيبوني اعييييش..انا باحب الدنيا..انا لسه ما شبعتش منها"

ابو شوكه :و بعدين؟؟؟

قباض الارواح: قلتله مالك خايف و مرعوب من الموت كده ليه؟؟؟ امال فين ايمانك بقيامة الاموات و الحياه الابديه.. و الكلام اللى كنت بتقوله للناس اللي كنت بتوعظهم

حارس الفرن:و قال لك ايه؟؟؟

قباض الارواح: رد و قال...ده كلااااااااام...يا راجل انت برضه بتصدق...هو فيه احلي من الدنيا و حياة الدنيا

ابو شوكه :و بعدين؟؟؟ قلتله ايه؟؟؟

قباض الارواح : ما قلتش...بصراحه اتقرفت منه قوى.. و احتقرته و انا باطلع روحه...راجل كداب صحيح



منقوولة
من احدي المنتديات المسيحية


التوقيع:


++++++++++++++++++++
يــــــــارب
كن مــــــــــلازي عندما ينعدم السلام
يــــــــارب
كن عكـــــــــازي عندما تهتز الاقدام
كن بابي المفتوح عندما تغلق الابواب
وصديقي النصوح عندما يجفوا الأحباب
وحينما ينتابوني غضبك
ويلاحقني عقابك
دعني .... دعني ... دعني
اهــــرب مـــنك الــــيك

++++++++++++++++++++

صلوا من اجل ضعفى
ميلاد ابن المسيح
رد مع اقتباس
قديم 06-01-2008, 11:21 AM   رقم المشاركة : [2]

 
افتراضي

شكرا بجد القصة دى جميلة اوى مع انها خيالية
ربنا يباركك ومستنين المزيد


التوقيع:
اللى تكون العدرا امه محدش يشيل همه يرتاح ولا يهمه ولحضن يسوع تضمه
dodo1 غير متواجد حالياً   رد مع اقتباس
قديم 06-01-2008, 02:39 PM   رقم المشاركة : [3]

 
افتراضي

شكرا القصة جميلة اوىىىىىىىى


التوقيع:
__________________

حبيبتى ...............
اذا امسكت بسيف لتقتلنينى .........
فاحذرى الا تجرحى نفسك بيه فاتؤلمنى..........



Lord jesus i love you

and i need you

come into my heart today



without you i can do nothing
JESUS LOVE غير متواجد حالياً   رد مع اقتباس
قديم 06-01-2008, 03:33 PM   رقم المشاركة : [4]

 
افتراضي

اقتباس:
المشاركة الأصلية كتبت بواسطة dodo1 مشاهدة المشاركة
شكرا بجد القصة دى جميلة اوى مع انها خيالية
ربنا يباركك ومستنين المزيد
شكرااااااااا اختي الغالية dodo1
للمرور المميز جداااااااا
والرد الجميل
الرب يعوض تعب محبتك
ياحبيبة رب المجد يسوع

سبشسبسبشسبسبشسبسبشسبسبشسب


التوقيع:


++++++++++++++++++++
يــــــــارب
كن مــــــــــلازي عندما ينعدم السلام
يــــــــارب
كن عكـــــــــازي عندما تهتز الاقدام
كن بابي المفتوح عندما تغلق الابواب
وصديقي النصوح عندما يجفوا الأحباب
وحينما ينتابوني غضبك
ويلاحقني عقابك
دعني .... دعني ... دعني
اهــــرب مـــنك الــــيك

++++++++++++++++++++

صلوا من اجل ضعفى
ميلاد ابن المسيح
ميلاد ابن المسيح غير متواجد حالياً   رد مع اقتباس
قديم 06-01-2008, 03:34 PM   رقم المشاركة : [5]

 
avatakla شكراااااا

اقتباس:
المشاركة الأصلية كتبت بواسطة ميرنا مشاهدة المشاركة
شكرا القصة جميلة اوىىىىىىىى
شكرااااااااا اختي الغالية ميرنا
للمرور المميز جداااااااا
والرد الجميل
الرب يعوض تعب محبتك
ياحبيبة رب المجد يسوع

سبشسبسبشسبسبشسبسبشسبسبشسب


التوقيع:


++++++++++++++++++++
يــــــــارب
كن مــــــــــلازي عندما ينعدم السلام
يــــــــارب
كن عكـــــــــازي عندما تهتز الاقدام
كن بابي المفتوح عندما تغلق الابواب
وصديقي النصوح عندما يجفوا الأحباب
وحينما ينتابوني غضبك
ويلاحقني عقابك
دعني .... دعني ... دعني
اهــــرب مـــنك الــــيك

++++++++++++++++++++

صلوا من اجل ضعفى
ميلاد ابن المسيح
ميلاد ابن المسيح غير متواجد حالياً   رد مع اقتباس
قديم 06-12-2008, 04:18 AM   رقم المشاركة : [6]
موقوف
 
افتراضي

مرسى على القصة الجميلة


fredyfire غير متواجد حالياً   رد مع اقتباس
قديم 06-15-2008, 04:46 PM   رقم المشاركة : [7]
عضو مبارك
 
avatakla

ميرسى جدا ميلاد قصه حلوه


pinknora غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصة قصيرة معناها كبير بنت الست العدرا منتدى التأملات 2 05-21-2011 04:59 PM
الحياة فيها jesus_4ever المنتدى الادبى 12 08-06-2009 03:04 AM
كل مره بحاول فيها اتغلب.....................................توتو جناح المسيح المنتدى الادبى 8 03-25-2009 06:23 AM
كلمات فيها عبرة jesus_4ever المواضيع العامة 15 10-15-2008 12:50 AM
منتدى الدنيا فيها ايه؟؟ the black eagle منتدى المقترحات 18 08-17-2008 12:20 PM


الساعة الآن 01:02 PM


† هدف خدمتنا: "‎ذوقوا وانظروا ما أطيب الرب‎" مزمور 34 : 8 †
† مبدأ خدمتنا: "ملعون من يعمل عمل الرب برخاء‎" ارميا 48 : 10 †
† شعار خدمتنا: "ليس لنا يا رب ليس لنا لكن لاسمك أعط مجدا‎" مزمور 115 : 1 †