معجزة لمار مينا و البابا كيرلس

الاستاذ الدكتور/..........يقول:
في معجزة مهمة جداً في حياتي، ففي عيد لمار مينا يوم 22 يونيه ، وفي كل عام اذهب و احتفل بهذا العيد ، و في عام 1987 قبض عليا و دخلت المعتقل ولم اكن اعلم مصيري ، و لا يمكن لانسان ان يعرف مصيره حيث تعذيب لا مثيل له و لا يحتمله الا الذي كتب له الله الحياة ، و قضيت في المعتقل 11 يوم اردد بلا سكوت : يا مار مينا ........يا مار مينا ....يا عجايبي ..انا مظلوم ......انا مظلوم " . و كنت مضطربا جداً و لم اكن اكف عن نداء مار مينا و كنت اتعجب ان مار مينا تاخر عليّ و لما اتي يوم 21 يونيه قلت " يا مار مينا انا لما بكون في امريكا و يجي عيدك ارجع مصر و اروح لديرك ، انا دلوقتي علي قيد خطوات و مقدرش احضر عيدك انت اتغيرت ولا ايه ... ؟" كنت اقول هذا في سري . و ثاني يوم اي 22يونيه يفرج عني و كنت الوحيد الذي يفرج عنه في هذا اليوم لان مار مينا كان عايزني اروح لديره . ذهبت ثاني يوم للبابا كيرلس و كان يصحبني نيافة الانبا صموئيل و كانت اعصابي منهارة ، ولا استطيع المشي في الشارع و اثار التعذيب بادية عليَ حليق الراس و ظهري كانت قطع اللحم تسقط منه من شدة التعذيب .
و لما دخلنا للبابا كيرلس اذ به يبادرني بقوله " انت زعلان من مار مينا " اجبته " لا يا سيدنا " فقال البابا " مار مينا بيقولك ما تزعلش هو جالي و قال لي لما يجيلك (.......) قوله ميزعلش ..هوناداني كتير قوي لكن في اولاد كتير قوي كانوا في سيناء و كانوا بينادوني و لازم انجدهم ، و انا حفظت عظام (.....) و حياته " .
فقلت للبابا عجبككدة يا سيدنا و كشفت له ظهري وكان اللحم متساقط و الحفر في ظهري مؤلمة لدرجة ان البابا كيرلس بكي ، والدموع انسابت و بللت لحيته ثم دهن البابا كيرلس ظهري بزيت من قنديل ايقونه مار مينا و كان و هو بيدهن بيصلي بكلمات لا افهمها وكنت سامع صوت بكاءه لانى كنت مديه ظهري و ظل علي هذا نصف ساعة و بعدين قال لي " اهو مار مينا اوفي بوعده بص كدا في المرايه "
وافاجأ اذ اللحم يعود كما كان و بشرتي ترجع كما كانت .
بركة صلوات البابا كيرلس و مار مينا تكون معانا امين

الللللللله معجزة قوية قوي يا مرمر ربنا يباركك

ميرسى ليكى يا سنسن
ربنا يباركك

ياااااااه يا مرمر معجزه جميله اوي
مش غريبه علي البابا كيرلس ومارمينا

ميرسى ليكى اوجا
ربنا يباركك

فعلا معجزه جميله واول مره اسمعها
شكرا لكى يا مرمر

ميرسى ليك يا ميمو
ربنا يباركك

ميرسي جدا يا مرمر علي المعجزة الجميلة دي

ربنا يباركك

ميرسى ليك مدحت
ربنا يباركك

ميرسى يا مرمر على المعجزة الجميلة اوى دى
ربنا يعوض تعب محبتك