#1
|
|||
|
|||
اعترافات † المسمار † القبر † الحربة † اكليل الشــوك
المسمار: انا كنت قاعد ويا اخواتي مكنش في قيمه في لحياتي بس في يوم جه اخدني جندي قلت ربي استجاب لصلاتي سمعت اسم يسوع قات بركه هاسكن في بيته هادق في بابه او في حيطه بس لما بصيت لقيته مجروح ونايم عالصليب قلت لا مش انا سمعت الجندي بيقول خلاص المسمار خلاص انا دقيته بس انا مش ذنبي هما اللي خدوني صنعوني ودقوني في ايده بس الحقيقه انهم قتلوني جرحوني لما خلوني بكيت عنيه بس البار ابطل مشوره الاشرار وبقي المسمار رمز المسيحي في كل دار بيدق في كل ايد حتي في ايادي الاطفال القبر : انا لما اتبنيت سعتها اتمنيت اني اكون بيت ليسوع يسكن فيه بس المره اللي جه يزرني كان ميت وبيبكوا عليه علي بابي دموع ام حزينه كأن عيونها بيعتبوني كأن انا اخدت ابنها منها فكرهت نفسي والناس كرهوني بس انا مش ذنبي هما اللي خدوني وبنوني وقال ايه حضروني اكون فبر يسوع معقوله اكون قبر الحياه بس الحقيقه انهم قتلوني جرحوني لما حسسوني انه مات اللي ملناش سواه بس رئيس السلام انتصر علي الموت وقام والخلاص خلاص مبقاش اوهام دي حقيقه شفتها بعنيا مش كلام فالمسيح قام حقا حقا قام الحربه: انا طول عمري باشوف الدم بس انا عمري ما شلت الهم اللي جرحتهم كانوا اشرار بس لما جرحت البار سعتها حسيت اني في حلم سعتها مصدقتش عنيا بقي اللي ايديه ما شفتش خطيه يخلوني اجرحه بأيديا يموت وتعيش قوات الظلم بس انا مش ذنبي هما اللي خدوني صنعوني وضربوني في جنبه بس الحقيقه انهم قتلوني جرحوني لما جرحته وهو ايه ذنبه بس البار ابطل مشوره الاشرار وشفت بعيني الانتصار والحربه اللي اتجرح بيها يسوع اتكسر بيها الشيطان اصل انا اخر حكايه في خلاصه واخر كاس مر يسوع شربه اكليل الشوك : انا الجبار في النباتات ياما جرحت وياما اذيت كان يقدر حد يقرب مني واللي يقرب يقول يريت فمين يصدق اني اكون في يوم تاج ملك الملوك بدل ما يلبس تاج دهب يعملوله تاج من شوك بس انا مش ذنبي هما اللي خدوني قطعوني وضفروني ليسوع تاح والحقيقه انهم قتلوني جرحوني لما خدوني ازود المه وهو يعني كان محتاج بس البار ابطل مشوره الاشرار وبقي الابرار بيحبوا طريق الشوك طريق الغلبه والانتصار اصل الشوك زمان كان تاج الملك البار التعديل الأخير تم بواسطة بنت الست العدرا ; 05-22-2011 الساعة 10:09 PM. |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
المزمار الحزين | sasso | منتدى القصص | 0 | 06-09-2011 04:00 AM |
ما تقفليش القبر يامه | بنت الست العدرا | المنتدى الادبى | 1 | 05-12-2011 01:21 AM |
اعترافات سيجارة !!!! | sasso | منتدى المواضيع الهامة | 6 | 08-01-2010 05:13 PM |
احدث فساتين اكليل | MAVOOO | قسم الاناقة | 9 | 06-18-2009 09:25 PM |
اعترافات شيطان | بنت البابا | منتدى المواضيع الهامة | 4 | 03-06-2009 01:14 AM |