بجد بجد آسفة...

نفســــى اقولّك بجد اسفــــة .. عارفة انى غلطت فيك ، عارفة
كانت عينك علىّ و شايفـــــة .. و انا فاكرة انى غافلتك صُدفــة


امواج و رياح عليت علىّ .. و عشان اغلبهم ، كسرت الدفّة
بقيت تايهة ف بحر كبيــر .. و فاكــــرة انــى وصلـــت لمرفـــا


بحلم بشط بعيد و نسمة هوا .. و حبة رمل و كــــام صَدَفـــة
و اتارى الحلم اصله كابــــوس .. و انا ف بحرى تايهة و خايفة


مش هتيجى؟ مش هتساعدنى؟ .. مش هتنقذنى من دى حدفَة
و لا انا مـــش بنتـــــــــــــــــك ؟! .. مجرد حاجة جماد و لا تُحْفـــة


انت معايا ع السفينــــة ؟! .. بجد ؟! بجد يا دى الكَسْفَة
ازاى لا شفت و لا حسيت .. بشوق قلبــــك و اللـهفة ؟!


قِسى قلبى اوى كدا ؟! .. و لا الخطية عملت ضدى وقفة ؟
نستنى انى انا بنتك ؟! .. و لا انا اساسا ماكنتش عارفة ؟

نفسى اقولّك بجد .. بجد اسفة

منقوووووول