يارب نفسى أحكى معاك !!!

نفسي اكلمك واسمعك بتكلمني

انا تعبت ومحدش حاسس بيا ولا بيفهمني

قلبي حزين قوي يارب عارف ليه

علشان جرحك وخانك وباعك بارخص الاتمان

انت عارف انا قد ايه بحبك ومش عايزة اجرح قلبك الحنان

بس ضعفي تعبني كسرني خلاني مش انسان

ياما قلت هرجع خلاص ياما وعدت اني اتوب

يوم واتنين وارجع تاني اخون واجرح في غافر الزنوب

في حد يحب حد ويجرحه في حد يحب حد ويدبحه؟

فاكرة زمان ايوا زمان كنت في حضنك متشال

كنت حاسة بالامان والسلام والحزن ده في قلبي ملوش مكان

من يوم ماسبتك والحزن بقى عنواني ودموعي ملزماني

نفس ارجع لحضنك تاني نفسي ارتاح

تعبت ربي من الخطية والنواح

مد ايديك وريحنى وانتشلني انا في بحر من الخطية بيغرقني

وانا ضعيف يارب ومجدافي مكسور ومفيش حد بينجدني

انا سامع صوتك من بعيد عمال يندهني

كلي امل انك في يوم هطلعني وتنقذني

نظرو اليه واستناروا ووجوههم لم تخجل

انتظر الرب فليتشدد وليتشجع قلبك وانتظر الرب