|
|
|
#1
10-30-2009, 02:21 AM
|
|||
|
|||
تحب تدخل السما بالقانون
في هدوء جلس يونان الي أب اعترافه ... وكان يبدو من ملامحه أنه محبط بشدة ..بدأ أبونا الحديث مع يونان " مالك يا يونان  ..شكلك متغير خالص "" يا أبونا خلاص أنا فقدت الأمل ..أنا منفعش للسما ...حالتي الروحية متدهورة علي الآخر ... اعترافاتي هي هي مش بتتغير .مش بتقدم ..و معنديش حتي حياة روحية " " بالراحة بس يا يونان ..مش انت بتحب ربنا من قلبك " " بحبه صدقني يا أبونا بس مش عارف مالي ..كذا مرة أسمع وعظة أو كلمة و أتحمس جدا و أبدأ أصلي و أكون فرحان جداً بالصلاة .. و شوية شوية الموضوع يهدأ و أرجع تاني زي ما أنا و أكسل ...و أقعد كدة كتير لغاية لما أتحمس أصلي تاني ...ألاقي نفسي ببدأ تاني من الأول ..مش بتقدم ..أنا أكيد مش هدخل السما " ابتسم أبونا و قال" لأ ... هتدخل أكيد ... وكله بالقانون " ووضع أبونا يده علي كتف يونان و قال " عارف .. ربنا لأنه بيحبنا فتح لنا باب سحري في الكنيسة يوصلنا السما بأمان .. وبدون خوف " " باب سحري !! " ""معقولة فيه طريق كدة يا أبونا "" مش بس كدة دة كمان بيخليك مش مسئول عن طريقك ... ويديلك قوة انك مهما وقعت في خطية تقوم تاني بسرعة جدا و تكمل طريقك ..و يخليك كمان قوي جداً جداً في مواجهة أي خطية لأنه بيشبعك قوي قوي حتي انك ماتبقاش محتاج للخطية " " أبونا من فضلك الطريق ده حقيقي موجود "" أيوة يا يونان ..هو دة طريق القانون ... القانون الروحي " " هو حتي الحياة الروحية فيها قانون !! " " أيوة طبعا بس ده قانون لذيذ قوي و سهل ..أربع حاجات أسهل من بعض و مش هيتعبك خالص يادوبك هياخد منك وقت صغير لكنه هيديلك كل الميزات اللي قلتلك عليها " " طيب و ايه الأربع حاجات دي "" أولهم الصلاة .. ودي بتنسقها مع أب اعترافك لازم .. وهو يقولك هتصلي قد ايه بالظبط يعني مثلاتصلي باكر و النوم أو باكر و غروب و نوم علي حسب ما أب اعترافك يقولك " " طيب ما أنا ساعات بكسل " " ما هي دي أخطر حرب بتحارب القانون ..لكن انت دايما فكر نفسك ان ده قانون مينفعش يتكسر أبداً حتي لو هتموت .علي رقابتك زي ما بيقولوا... وكمان افتكر ان كل قانون ليه عقوبة ..و القانون الروحي عقوبته هي الخسارة ..انك كل مرة تكسل في صلوة اعرف انك خسرت بركة حلوة كان ربنا هيديهالك . .. لو قلت هصلي بعدين يبقي أكيد هتأخذ بركة لما تصلي لكنك هتكون ضيعت عليك بركة الصلاة اللي تفوتها "" طيب وتاني حاجة " " تاني حاجة الانجيل ..ودي سهلة قوي ..برضه زي ما أبونا هيقولك ..مثلا اصحاح أو اثنين أو نصف اصحاح أكثر علي حسب قامتك " " حتي لو مش فاهم الكلام " " حتي لو مش فاهم ده هيكن في الأول ...بعد كدة ربنا هينور ذهنك و تفهم و تفرح جدااا و يكون أحلي شئ في حياتك لأنك هتسمع منه كل يوم صوت ربنا... ودايما قبل ما تقرأ الانجيل صلي حاجة بسيطة مثلا ً " يا رب اكشف عن عيني فأري عجائب من شريعتك ..أو افتح يارب عيني بروحك القدوس علشان أفهم كلامك الحلو " " وايه كمان " " ثالث حاجة الميطانيات .. ودي سهلة جدا لكنها قوية جدا جدا في هزيمة الشيطان ..و دي أبونا هيقولك تعمل كام ميطانية بالظبط 5 أو 10 أو أكثر برضه حسب قامتك .. و الميطانيات دي هي سلاح الطهارة يا يونان بدونها الشاب ميقدرش يحافظ علي طهارته " " ياااه ده أنا كنت فاكر ان الموضوع بسيط .لكن الميطانيات دي شكلها مهمة " "جدا يا يونان كل نقطة في القانون الروحي مهمة جداا ..دي خبرة أباء الكنيسة لسنين ووضعوها لنا في قانون بسيط " "طيب و ايه أخر حاجة " " أخر حاجة الصوم الانقطاعي و التناول وده برضه أبونا هيقولك تصوم لغاية امتي بالظبط ..علي حسب قدرتك " " طيب يا أبونا ما أنا كتير بفوت الصيام و بقول مش مهم ..خصوصا يوم الأربع و الجمعة " " لا يا يونان ..ده شئ خطير جدا... ودي حرب الشيطان النهاردة يخليك تتهاون في الصيام ..و يخليك دايما مهزوم في حرب الطهارة " " ايه علاقة الصيام بالطهارة " " لأن الصوم يا يونان ده حرب ضد الجسد لو غلبنا الشيطان فيها نقدر بسهولة جدا نغلبه في حرب الشهوة و النجاسة ...و اللي يتهزم في حرب الصيام يتهزم بسهولة قوي في حرب الشهوة و النجاسة " " بس يا أبونا أنا بصراحة بزهق قوي من كل دة " " ده في الأول بس يا يونان ..لأننا بنكون أكلين الخطية اللي بتخلي طعم المسيح الحلو في فمنا مر ومش حلو ..عارف زي ايه كمان "" زي ايه "" زي عربية حلوة قوي ..عاوزين نسافر بيها من اسكندرية لمصر ..لكن الموتور مش عاوز يدور نعمل ايه "" نديها زقة يا أبونا " " تمام أهو الزقة اللي في الأول دي اسمها تغصب ..اني أغصب نفسي اني أعمل القانون الروحي بتاعي ...أغصب نفسي أصلي أو أغصب نفسي أقرأ الانجيل ..دي بتبقي صعبة و ساعات بتزهق ...لكن ده زقة بس في الأول بعد كدة الموتور بتاع العربية هيدور ....يعني ربنا هيبعت نعمة و تفرح بالصلاة و الانجيل جدا ..و تبقي العربية هي اللي بتأخدك جواها و تجري مش انت اللي بتزقها فهمت ...لازم تفهم دي كويس ..علشان الشيطان حيلته في دي انه ييجي جنبك و انت بتزق العربية في الأول " بتتغصب " و يقول لك " معقولة هتوصل كدة ..هتقعد تزق كدة علي طول !! "علشان تيأس و تكسل ..لكن انت تبقي عارف وواثق ان ربنا بعد كدة هيبعت نعمة و الصلاة دي هتبقي مفرحة جدا و تبقي فعلا صلة بتربطك بيه و تفرحك قوي " " حتي لو كنت في الأول بصلي من غير نفس أو من غير تركيز " " تمام يا يونان ..و الصلاة هي اللي تعلمك تصلي ..زي الكورة ..مهما اديتك معلومات عن أساليب لعب الكورة عمرك ما هتتعلمها غير لو أخذت كورة و نزلت تلعب بنفسك ....يعني مافيش حاجة هتعلمك تصلي غير انك ..تصلي " " تمام يا أبونا ..أنا دلوقتي بس فهمت " " يبقي من النهاردة ..قانونك الروحي ده أهم من حياتك و تقول دايما ً أنا هصلي مهما حصلي صلاة و انجيل و ميطانيات و صوم وقداس " " حتي لو عملت خطية برضه أعمله " " ده أكيد ولازم ..شعارنا في المسيحية ان الايجابيات( القانون الروحي ) الحلوة تستمر مهما كانت السلبيات (الخطية ) ... و بمرور الوقت صدقني يا يونان الايجابيات الحلوة دي هتقلع السلبيات و يبقي كلك حلو قوي للمسيح حبيبك " " بس أنا ببقي مسكوف من ربنا اني أصلي بعد الخطية " " لأ طبعا دي خدعة من الشيطان ..انت لو غلطت في بابا الأحسن انك تعتذر حتي لو كانت غلطة كبيرة ولا انك تطنش وتدخل تنام و تسيبه زعلان "" لأ طبعا أعتذر " " تمام أهو بالظبط الصلاة كدة كأنك بتعتذر لربنا و بتقوله ان الخطية دي كانت غلطة غصب عني و سامحني و أنا بحبك وهكمل معاك السكة " " ياه يا بونا ده كدة الصلاة تبقي حلوة و مفرحة قوي " " تمام يا يونان ..بس أهم حاجة انك ولا توقف ولا تكسل في ولا يوم " " طيب و لو كسلت " " أقوم بسرعة أكمل قانوني .. و أعترف عنها " "أعترف عنها ..هي خطية "" دي أكبر و أهم من الخطية لأنك بدون القانون الروحي بتبعد عن مصدر قوتك و بالتالي تقع بسهولة في أي خطية أي كانت ...لأن اللي مش لاقي أكل حلو لازم - مهما قدر يقاوم - بعد فترة هيضطر يأكل من الزبالة ..يأكل من الخطية " " طيب يا أبونا بس كدة القانون ده هيلغي الحب و تبقي الصلاة عادة " " لا بالعكس ده القانون الروحي ده عمق الحب انك بتحب ربنا و بلتزم نفسك بالصلاة لأجله حتي لو فيه أي معطلات ..و بدون القانون الروحي هتصلي وتبدأ و تكسل وترجع تبدأ تاني من نفس النقطة القديمة وبكدة حياتك عمرها ما تتقدم أبداً " " طيب وده مينفعش أعمله أنا لوحدي..لازم أب اعترافي " أيوة طبعا ... مش بس علشان هو عنده خبرة روحية كبيرة...ومش بس علشان هو عارف مقدرتك بالظبط ..لكن كمان علشان ربنا بيدي قوة مخصوص علي كلام أبونا " "تمام يا أبونا .... طيب و لو عملت القانون الروحي بأمانة و مقدرتش أبطل خطية ""لأ دي مش مسئوليتك ...دي مسئولية ربنا هو اللي هيتوبك و يقويك مش انت ... "يااه للدرجة دي ..ان أنا مش مسئول عن الطريق تماما ..و المسئولية كلها علي أب اعترافي !! " " بس ده لو عملت قانونك الروحي بأمانة " " بقوة ربنا أكيد يا أبونا ..ده سهل جدا ً .. ومش هياخد مني 10 دقايق لكل حاجة " " أهم حاجة الانتظام ..و اوعي تكسل ولا يوم " " بقوة ربنا يا أبونا " وخرج يونان يتهلل فرحاً ..و أنت يا صديقي هل تريد أن تتهلل مثله ..هل تود أن تكون مسيحي حقيقي مختلف عن العالم ..تتذوق أفراح السماء و أنت تعيش علي الأرض ...لما لا ..كله بالقانون ..القانون الروحي تشجع و تقوي ..اذهب لأبيك الروحي في أقرب فرصة و اطلب منه أن يعطيك قانون روحي في -الصلاة ...تصلي قد ايه -الإنجيل ...تقرأ قد ايه -الميطانيات ...تعمل كام ميطانية -الصوم الانقطاعي و القداس صدقني كلام بسيط جدا و ستعمله بمجهود قليل لكنه سيحفظك ..و يعطيك نعمة وقوة ..و حب كثير ..وفرح لا ينقطع لا تتردد و لا تكسل ..فالسماء تنتظرك بكل أفراحها 
|
|
10-30-2009, 02:49 AM
|
رقم المشاركة : [2] |
|
امين الخدمة
|
تشجع و تقوي ..اذهب لأبيك الروحي في أقرب فرصة و اطلب منه أن يعطيك قانون روحي في -الصلاة ...تصلي قد ايه -الإنجيل ...تقرأ قد ايه -الميطانيات ...تعمل كام ميطانية -الصوم الانقطاعي و القداس صدقني كلام بسيط جدا و ستعمله بمجهود قليل لكنه سيحفظك ..و يعطيك نعمة وقوة ..و حب كثير ..وفرح لا ينقطع لا تتردد و لا تكسل ..فالسماء تنتظرك بكل أفراحها فعلا كله بالقانون ومفيش احلى من كده قانون ولا احلى من كده موضوع فعلا غاية فى الروعة ربنا يباركك يا دودومرثا |
|
|
|
|
|
|
10-30-2009, 02:51 AM
|
رقم المشاركة : [3] |
|
مشرف منتدى الطقوس
|
[align=center]" تمام أهو الزقة اللي في الأول دي اسمها تغصب ..اني أغصب نفسي اني أعمل القانون الروحي بتاعي ...أغصب نفسي أصلي أو أغصب نفسي أقرأ الانجيل
ثانكيو يا دودو مارثا موضوع جميل جدا وهادف قوي ربنا يعوضك خير يارب [/align] |
|
|
|
|
|
|
|
10-30-2009, 12:18 PM
|
رقم المشاركة : [4] |
|
مراقب عام و مشرفة منتدى الشباب والشبات
|
لا تتردد و لا تكسل ..فالسماء تنتظرك بكل أفراحها
موضوع رااااائع يا دودو ربنا يعوض تعب محبتك |
|
|
|
|
|
|
|
10-30-2009, 05:40 PM
|
رقم المشاركة : [5] |
|
|
[align=center]
موضوع اكثر من راااااائع يادودو الرب يبارك خدمتك ويحفظ حياتك [/align] |
|
|
|
|
|
|
|
11-16-2009, 12:33 AM
|
رقم المشاركة : [6] |
|
عضو مبارك
|
حلو اوى القانون ده يا دودو بجد رائع ربنا يعوضك يا جميل
|
|
|
|
|
11-16-2009, 01:52 AM
|
رقم المشاركة : [7] |
|
عضو مبارك
|
ميرسى يانورا على مرورك
ربنا يعوض تعب محبتك |
|
|
|
|
|
|
|
11-16-2009, 02:33 AM
|
رقم المشاركة : [8] |
|
مشرفة منتدى سير القديسين
|
لا تتردد و لا تكسل ..فالسماء تنتظرك بكل أفراحها
موضووووع راااائع يا دودو بجد....فعلا قوانين مفيش احلي منها ميرسي علي تعبك والرب يبارك خدمتك ومحبتك |
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ترنيمة انا رايح السما - فتيات الانبا رويس - سولو سيلفيا اسعد | sallymessiha | ترانبم كليب | 2 | 10-28-2011 12:52 PM |
| لقاءات جديدة جداً ومؤثرة مع أبو الشهيد أبانوب وأحد الأشخاص يروي له ما رآه له في السما | جون2006 | منتدى الافلام الدينيه | 5 | 07-10-2010 04:59 AM |
| تخيل..............تخيل ......و.........تخــــــــيـــــــــــــــــــل | nanajesus | مناقشات الأعضاء | 4 | 04-08-2010 11:22 PM |
| ترانيم فيلم ضيف من السما ابونا اندراوس الصمؤيلى | بنت البابا | منتدى الترانيم | 6 | 12-06-2008 12:36 PM |
| ........تخيل نفسك.............. | bola samir | منتدى الشباب والشبات | 3 | 09-20-2008 12:50 AM |
العرض العادي
