الهي عايز كده

حضر الى الدير احد السادة الوزاراء مع زوجتة فى فترة المشاكل الكثيرة بالساحل الشمالى
وبعد مقابلتهم مع امنا الغالية طلبا منها ان تحكى لهما سيرة الشهيد ابى سيفين , فقصتها عليهما ثم سمعا منها بعض المعجزات التى يجريها اللة ببركة صلوات وطلبات الشهيد وكانا ينصتان متعجبين ... فقال السيد الوزير:
طيب انا زوجتى تعانى من ازمات ربو حادة متكررة وعرضتها على العديد من الاطباء داخل وخارج مصر لكن حالتها لم تتحسن ولابد من وجود شخص يلازمها باستمرار لكى يعطيها حقنة معينة لاسعافها .. فهل ممكن تصلى لها وتطلبى من الشهيد انة يشفيها ؟
سالتهما تماف ان كان يمكنها ان تصطحبهما الى رفات الشهيد بكنيستة فى الدير فوافقا .. وضعت تماف انبوبة رفات الشهيد على صدر السيدة ثم سالتها ان كانت تحب ان تدهنها بالزيت المصلى فبعد تردد وتفكير وافقت ...
اما امنا الغالية فقد داومت على الصلاة من اجل ان يتحنن اللة ويمد يمينة الشافية لهذة السيدة ليكون هذا سبب بركة لها
وذات يوم بينما كانت امنا الغالية منتصبة للصلاة فى قلايتها رات الشهيد العظيم ابى سيفين امامها وقال لها :
تعالى معايا علشان السيدة (أ) فى ازمة شديدة
توسلت امنا الغالية الى الشهيد بان يذهب بمفردة ولكنة قال لها :
" الهى عايز كدة "
فاخذها معه الى حجرة هذة السيدة فوجدتها ملقاة على الارض وفى ازمة ربو شديدة ولا تقوى على الحركة وكان جسمها عبارة عن كتلة من الثلج ولا يوجد احد بجوارها فقامت تماف بتدليك ذراعيها واقامتها من على الارض واخذتها بين يديها وصلت لها ودهنتها بالزيت المصلى ... وبمجرد ان عادت السيدة الى وعيها ورات امنا الغالية امامها قالت لها فى تعجب
" ازاى دخلت هنا ؟ مافيش اى حد فى البيت وكل الابواب مقفولة !!!
فقالت لها تماف " بقوة ربى والهى يسوع المسيح دخلت هنا
وتقول السيدة ( أ)
زالت الازمة واسترددت قواى وحاولت ان اقدم لها اى شئ لتشربة ولكنها رفضت واختفت من امامى ولما رجع زوجى رويت لة ما حدث ... العجيب انى شفيت تماما منذ ذلك اليوم ولم تعاودنى الازمات مرة ثانية فاخذنى زوجى الى الخارج واجريت هناك كافة الفحوص الطبية اللازمة وقد اكدت جميعها شفائى التام وبعد مرور عدة اشهر حضرت مع زوجى الى الدير لاحمد اللة على ما انعم على بة من كرامة.
المعجزة دى من كتاب ( تماف ايرينى وحياة رهبانية متقدة بالحب ساهرة تحت اقدام المسيح )

[align=center]معجزه جميله قوى يا ميرنا

شكرا ليكى كتيييييييييييير[/align]

الله بجد معجززززة روووووعة يا ميرنا بجد...ميرسي لتعبك

الرب يبارك حياتك

شكرا لمروركوا الجميل ميمو & توتا ربنا يبارككوا

†


معجزة روووووعة اوى ميرنا

ربنا يباركك ويعوضك

معجزة رووووعة رووووووعة بجد يا ميرنا

ربنا يباركك

ميرسي لمروركوا الجميل جاكوو & مدحت ربنا يبارككوا

مييييييرسى كتير يا ميرنا ياعسل ع المعجزة الجميلة دى بجد تماف ايرينى تكون معاكى ومعانا كلنا لانها بجد قديسة عظيمة ربنا يحميكى

ميرسي لمرورك الجميل حبيبتي white_heart ربنا يباركك

معجزه جميله جداااا يا ميرنا بجد بركه تماف ايرينى تكون معانا امييين ربنا يحميكى