#1
|
|||
|
|||
لو انتا مسيحي هتبكي
لو انتا مسيحي هتبكي يوم انا من زمان مستنيه ، واول مجيه مهدتش ثانيه فيه صحيت وابويا عيدت عليه، و بوست ايد امي هتعشيني ايه واخويا بيلبس لبس العيد ، خليه لبكره نفاجئ الناس بيه واختي صاحيا مبسوطه ، رايحه معانا الكنيسه علشان نصلي والليل بيجي ، اوعي تتأخر يا ابني الساعه 12 تكون عندي حاضر يا ابويا مش سامع حاجه ، الناس بترمي صواريخ جنبي خلي بالك من نفسك وتعالي انتا واخواتك ، سلام يا ابني ايه يا ابويا ، ســـــــــــــــــــــــــــــلام يا ابني فين العيال ، فرحانين ، اعملي العشا شويه وجايين يلا عيد سعيد عليكم وكل سنه وانتو طيبين ومره واحده بيتغير المشوار، ونسمع صرخه مرار وناس بتخبط علي الدار، الحق عيالنا مضروبه بالنار بيجري وهو ملهوف ، وكان بيموت من الخوف هو انا ابني ماله ، قلبه عليه مخطوف عمري مشوفت كده ، بس اللي يعيش ياما يشوف ويبص لابنه يلاقي الدم ، في كل حته فيه بيحضن فيه ، قوم ياد بكره العيد اللي مستنيه الابن مش بيرد ، والاب عمال يزعق فيه بس يا مقدس ، البقيه في حياتك ، الناس بتهدي فيه وابنه و بنته بيحضنه فيه ، والام بترمي نفسها عليه وناس تغطي جسمه ، و عربيه اسعاف بتمشي بيه وفي العيد الصغير بيروح ابنه الصغير ، اللي عايش بيه ولو انتا مسيحي هتبكي وازاي يعني متبكيش شايف ام بتصرخ ، قوم يا ابني ، وابنها مفيش واخ من بعيد بيجري ، ازاي اخويا مش هيعيش والاب من كتر حزنه ، بيقول رجليا مشيلانيش كل الببان مقفوله ، حتي ابراج الحمام مكسوره ودموع بنت بس قموره ، بتبكي وهي مقهوره و ولاد بتلعب كوره ، وضرب نار بيخلص الفوره وبتبكي ليه يا امي في العيد ، بتبكي ليه ابنك شهيد كان نفسي اشوفك جنبي يا ابني ، دا منايا الوحيد افرحي يا امي ابنك فوق هيعيش سعيد سلميلي علي اخواتي و صحابي هتوحشوني اكيد قوم يا ابويا و لم اخواتي في حضنك، ومتزعلش نفسك ازاي يا ابني وانا اللي فضلي منك ، قميص مليان بدمك وعمري في يوم متخيلت انك ، تموت متتهناش بفرحك يا اخويا انتا اللي فيهم ، روح البيت وهديهم اهدي مين يا اخويا متسبنيش وحيد ليهم مفيش حاجه بعدك هتهنيهم .................................. الي شهداء نجع حمادي ............................... 18-4-2010 |
04-18-2010, 03:13 PM | رقم المشاركة : [2] |
مشرفة منتدى سير القديسين
|
وبتبكي ليه يا امي في العيد ، بتبكي ليه ابنك شهيد
كان نفسي اشوفك جنبي يا ابني ، دا منايا الوحيد افرحي يا امي ابنك فوق هيعيش سعيد سلميلي علي اخواتي و صحابي هتوحشوني اكيد بجد كلماااات جاامدة جداا جداا جداا ومؤثرة قووي فعلااا ميرسي lostlove علي نعبك ومحبتك الجميلة.....مستنين كتير من اشعارك الجامدة |
|
|
04-18-2010, 03:18 PM | رقم المشاركة : [3] |
|
شكرا ليكي اوي
علي فكره هي لسه ليها جزء تاني ، بس انا بقول دول كفايه برده انتي اول واحده |
04-18-2010, 03:46 PM | رقم المشاركة : [4] |
مراقب عام و مشرفة منتدى الشباب والشبات
|
ومره واحده بيتغير المشوار، ونسمع صرخه مرار
وناس بتخبط علي الدار، الحق عيالنا مضروبه بالنار بيجري وهو ملهوف ، وكان بيموت من الخوف هو انا ابني ماله ، قلبه عليه مخطوف عمري مشوفت كده ، بس اللي يعيش ياما يشوف صمت الكلاااااااااااام بجد مش عارفة اقولك ايه علي موهبتك الجميلة دي ربنا يقويك وتكبر اكتر واكتر ويعوض تعب محبتك |
|
|
04-18-2010, 03:49 PM | رقم المشاركة : [5] |
|
شكرا يا ميرنا ............
|
04-20-2010, 02:51 PM | رقم المشاركة : [6] |
|
بجد كلمات رااااااااااااااااااائع ومؤثره انا عيط وانا قاعده
ربنا يبارك حياتك |
|
|
04-20-2010, 08:16 PM | رقم المشاركة : [7] |
|
شكرا ليكي ديدي
....... |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
هتبكى زيهم ولا هتكون زى الحشائش | بنت البابا | منتدى القصص | 4 | 10-24-2010 10:01 PM |
انتا ليه سايبني | rag3lak | المنتدى الادبى | 12 | 02-03-2009 02:28 PM |
يا انبا يسطس | rag3lak | المنتدى الادبى | 7 | 01-14-2009 07:19 PM |
قصة قصيرة عن انبا بضابا | theblackdragon | منتدى سير القديسين | 6 | 09-16-2008 03:33 AM |
انتا جايب كام فى الامتحان | JESUS LOVE | مناقشات الأعضاء | 72 | 08-18-2008 11:55 PM |