مكرونه بالبشاميل صيامي

مكرونه بالبشاميل صياااامي


المقادير:
• كيلو مكرونة أقلام.
• كيلو مشروم.
• 3 بصلات.
• نصف كوب دقيق.
• 1/4 كوب زيت.
• كوب ماء.
• ملح وفلفل وتوابل.


الطريقة:
1- هنسلق المكرونة وأثناء ما المكرونة بتتسلق هنقطع البصل والمشروم قطع صغيرة ونحمر البصل والمشروم مع بعض في الزيت.
2- هنجيب صينية ونسخن فيها الزيت على النار وبعد كده نضيف إليه الدقيق ونقلبه لغاية لونه ما يبقى دهبي ونضيف إليه المية بالتدريج مع التقليب المستمر وبعد كده نضيف الملح والتوابل.
3- هنجيب صينية فرن وندهنها بالزيت ونرص فيها المكرونة ومن فوقها البشاميل والبصل والمشروم وبعد كده نحط طبقة تانية من المكرونة ومن فوقها طبقة أخرى من البشاميل وندخلها في فرن متوسط الحرارة لمدة نص ساعة أو لغاية ما وشها يحمر نطلعها ونقطعها. وبألف هنا وشفا


إضافة لهذه الوصفة لتكون أطعم:

- يمكن عمل البشاميل بالكريمر.
- لحشو الصينية:
يمكن استعمال فول الصويا (يعطي طعم مثل اللحم المفروم تماماً) ينقع لمدة 10 دقائق.
ثم نحمر بصل + فلفل أخضر + مشروم حتى يصفر البصل ثم نضيف فول الصويا ويحمر الخليط قليلاً ثم نضيف عصير طماطم + توابل ونترك الخليط ليغلي حتى يمتص الماء.
يمكن إضافة ملعقة صلصة علي آخر طبقة من البشاميل حتى يحمر الوجه. أو يمكن إضافة بعض البقسماط على وجه الصينية.

انا شميت رحيتها اول ما فتحت المنتدى
تسلم ايدك
بس عندى سؤال غتيت شوية :::))) ؟؟
جربتيها فى حد ولا هتجربيها فينا ؟؟

اوعوا حد يمشى وراها دى هتجرب فينا احنا

دى اخرها تسلق بيضه تحمر شوية بطاطس

تاكل المكرونه دى لو حد غيرها عمله

جميلة قوي اوجا ربنا يباركك

شوفت بقي يا جاكو انت شميت ريحتها ازاي علشان تعرف بس ان نفسي حلو في الاكل

بقي كده يا بيشوووو طيب مااااااااشي ماااااااشي مش هاتأكل منها بقي

ميرسي ليكي يا بنت الانبا تكلا وجربيها وبالهنا والشفا