10 صنايع والبخت ضايع ادخل وشوف

انا هقولكو على بعض الحاجات المهمة احفظوها يارب تكون موسوعة لمعظم مشاكلكوا :_

1-لكل مشاكل الشعر دى للشعر الضعيف المجهد التالف المتساقط الخشن الخفيف المقصف والمراد تطويلة(دهان مرتين فى اليوم من خليط من زيوت الخروع-اللوز الحلو-السمسم-حبة البركة-الثوم-الجوجوبا0 يتحطوا مع بعض فى زجاجة ويدهن منهم+ماسك للشعر من ثمرة افوكادو+زيت جنين القمح ودة مناسب لكل انواع الشعر)

2- للبشرة اللى فيها حبوب ونقط سودة ونقط سودة فى الأنف (تستعمل ماسك صنفرة(صنفرى يعنى ادعكى لفترة قصيرة) من 6 اسبيرين ريفو مطحون+ماء للعجن يتحط ربع ساعة على الوش وبعدين يتصنفر ويتشطف الوش بعد كدة وفى كمان لوسيون مطهر عبارة عن ماء الشاى الأخضر وطريقتة تنقعى كيس الشاى الأخضر فى ماء مغلى وتاخدى الماء وتستعملى منة مرتين فى اليوم وفى كمان كريم كويس اسمة ريتين اية دة فى الصيدلية ودهان كمان من زيت حبة البركة بردة للحبوب)0


3-لأثار الحبوب وللبقع الغامقة والوحمات والنقط البنى واثار الجروح الغامقة فى البشرة والجسم استعملى زيت الخروع وزيت اللوز المر مخلوط بخل التفاح وحطيهم فى زجاجة وادهنى مرتين فى اليوم منة)0

4-للتبييض البشرة وللتجاعيد (استعملى النشا مع مسحوق الرز النى مع عصير الليمون واللبن ماسك لمدة تلت ساعة واعمليةاقصاها 3مرات فى الاسبوع مع دهان مرتين فى اليوم من زيت اللوز المر)0

5-لتجاعيد البشرة وتجاعيد الجسم عموما فى اى مكان(ماسك من 1موزة مهروسة مع زيت جنين القمح والعسل النحل وتسيبية تلت ساعة تعملية 3مرات فى الاسبوع )0

6- لتفتيح الأماكن الحساسة وتحت الأبط : (استعملى معجون من النشا مع زيت اللوز المر واللبن وادعكى بية المناطق دى لمدة ربع ساعة وبعدين اشطفية اعملية مرتين فى اليوم وكل يوم)

7-للشعر الكثيف فى الجسم (استخدمى نبات السعت تجيبية من عند العطار وتطحنية وتغلية فى الماء لمدة عشر دقائق وبعدين تصفية من الماء وتحطية على اى كريم جسم عندك وادهنى بية اماكن الشعر مرتين فى اليوم كل يوم)

-8- للتخسيس : (معلقتين خل التفاح على كوب ماء يشرب مرتين فى اليوم بعد الأكل مع منع الدهون تماما وتقليل النشويات والحلويات)0

9- للخطوط البيضا والتشققات فى البطن والجسم عموما لسان البحر من عند العطار ويطحن ويضاف الية خل التفاح للعجن ويدهن بة الناطق دى مرتين فى اليوم ويتساب ساعة ويشطف ولازم معاة رياضة)0

10-لخشونة الكوعين والكعبين هاتى نص ليمونة ورشى عليها ملح ناعم وادعكى بيها لمدة ربع ساعة وبعدين اشطفى ونشفى وبعدين ادعكى بالجليسيرين عادى وسيبية بعد كدة عادى الحكاية دى مرتين فى اليوم كل يوم )0

11- لجفاف البشرة عموما وللجفاف حول الفم زيت اللوز المر مع زيت السمسم ويتحطو فى زجاجة ويدهن منهم مرتين فى اليوم)0

12- لقشرة الشعر : (ادعكى فروة الرأس لمدة عشر دقائق قبل غسيل الشعر ب 6 قرص اسبيرين مطحون ريفو معجون بالماء وبعدين اغسلى الشعر عادى اعملى الحكاية دى كل ما تغسلى شعرك )0

13- علاج الأكزيما : (أدهنى الأكزيما بزيت شجرة الشاى مرتين فى اليوم وكل يوم

14- للمسام الواسعة فى الوجة :- (عمل ماسك من طماطم مهروسة مع عصير الليمون ويترك تلت ساعة ثم يشطف يتعمل مرتين فى الاسبوع)

15- للتسمين (استعملى غذاء ملكات النحل بكمية يحددها اللبان اللى هتجبيها من عندة وتحطيها على كيلو عسل نحل طبيعى وتاخدى منة مرتين فى اليوم مع الاكثار من النشويات والسعرات الحرارية )0


16 - لأزالة الشعر من الجسم عموما بسهولة (اجلسى فى ماء دافىء قبل ازالة الشعر ونشفى جسمك وزيلى الشعر بسرعة وجسمك دافىء )0

17- لتسمين الوجة (هتجيبى حلبة مطحونة من عند العطار وتاخدى منها 1ملعقة كبيرة وتضيفيلها زيت زيتون دافىء وتحطيها على الاماكن اللى عايزة تسمنيها لمدة تلت ساعة وتشطفى بعد كدة تعملى الماسك دة 3مرات فى الاسبوع )يارب اكون افدتكو

ميرسي ليكي يا فرفوره علي المعلومات الجامده دي

ميرسى ليكى فرفوره على المعلومات المفيده دى
مستنين المزيد

ميرسي على مرورك اوجا ربنا يبارك حياتك

ميرسي دودو على المرور

ايه يا فرفورة الشغل الجامد ده على فكرة نقابة الصيادلة حاسة من كام يوم ان فيه خطورة عليها انا عرفت هما قلقانين ليه طلعت انت السبب لانك هتوقفى حالهم ربنا يستر

شكرا ليكى جدااااااااااااااااااا

بس انا عايز اسال سوال واحد هى الحاجات دى للبنات بس كل حاجه للشعر والبشره

ينفع كده


هننقرض بعد كده

ميرسي ليكي يا فرفورة
علي المعلومات الجامده

مرسى على الموضوع