احنا خايفين من بكرة يابونا

الشخصيات:-
ابونا جرجس
جورج
سامى
مايكل

الاحداث:-

دخل ابونا جرجس من باب مدخل الكنيسة وشاف الشباب واقفين مع بعض ومستنين لما ابونا يجي ولما شافوة وصل جريوا وسلموا علية ودخلوا معة الكنيسة علشان كان الشباب مقعدوش مع ابونا من فترة طويلة وكانوا بيتمنى هذا الوقت اللي هيقعودوا في مع ابونا وكانةا بيفولوا انهم عيزين ابونا علشان يحكوا الموضوع اللي محيرهم

ياتري اية الموضوع اللي عامل قلق كبيركدة؟

تعالوا نشوف هو اية الموضوع

ابونا جرجس:-اية اخباركم ياشباب؟عاملين اية؟

جورج:- الحمد للة كويسين.

سامى:-كويسين!كويسين اية ياعم جورج لايا ابونا احنا مش كويسين ولا حاجة . احنا في حاجة محيرانا ومش عرفين نعمل اي حاجة منها.

ابونا:-يارب ارحم! انت شغلتنى جدا يا سامح في اية.

جورج:- متصدقش كلامة يابونا قدسك عارف سامح بيحب يكبر الموضوع.

مايكل:بصراحة يا ابونا الموضوع ببساطة احنا خايقين من بكرة لما نخلص دراسة ياترى هنعمل اية وهنعمل اية في الامتحانات وهنجيب مجموع ولا مش هنجيب وهندخل كلية اية وياترى هنتجرج بعد كام سنة وهنلاقى شغل لما نخلص ولا هنضم لكشف العاطلين كل دة يا ابونا محيرنا.

ابونا:-ياة! بتفكروا تشتغلوا اية لما تتخرجوا وانتم لسة تدرسوا .دة انتم رحتم لبعيد .بصوا ياشباب حلو اوي انكم بتفكروا في مستقبلكم وفي بكرة بس مش لدرجة القلق.لاكن انا عايز اعرفكم حاجة مهمه القلق المعقول مطلوب لكن القلق الزيادة مرفوض انم معندكوش اهم صفة في الانسان المسيحى.

مايكل:- هى اية يا ابونا؟

ابونا:-الايمان.

جورج:- اية اللي دخل الايمان في موضوعنا؟

ابونا:-ازى بقي ياجورج هو لما بتصدق كلام ربنا يبقي انت عندك ايمان فية وفي كلامة.
وربنا قال(ومن منكم اذا اهتم يقدر ان يزيد علي قامته زراعاواعدا)(مت27:6)
(عينى عليكم من اول السنة الي اخرها)
(تث12:11)يعنى اعمل انت اللي عليك وتسيب الباقي علي ربنا . تصدقوا ان انتم فكرتونى بحاجة حصلت معايا وانا في سنكم.

مايكل:-هي اية يا ابونا؟

ابونا:-مرة كنت انا وزميلي وقت النتيحة في الدير وخايفين من النتيجة نفطر مع ابونا وحكيت لقدس ابونا الموضوع ضحك وحكى لينا حكاية حصلت معاة وقال لما كنت في سنكم كنت جد قوى من البيت للكلية والكنيسة وكانت المذكرة واخدة وقت كير منى وكنت مجتهد جدا وفي وقت الامتحان مذكرة طول الليل لحد الصبح ويمكن مكنتش بنام وظهرت النتيجة وسقطت في الايمتحان رحت الكنيسة وكلت رنا وقلت كده برضة يارب اللي حصل معايا علشان انا كنت واخد الحياة جد وبخدمك امانة ده يبقي جزائي طب انا مش هخدم ثانى ومش هصلي ولا هصوم وخلص الكلام علي كدة وبعد كده كام يوم قامت الحر وصدر قرار بالتعبئة العامة في الجيش وكان قرار التعبئة عبار عن (اي حد يخلص ثانوية او كلية يتاخد في الجيش علشان يروح يحار)
وطبعا انا محاربتش علشان كنت ساقط في الايمتحان واصحابي كلهم اللي نجحوا راحوا حاروا واللي راجع من غير ايدة واللى رجع مجروح واللي مرجعش
وشكرت ربنا علي اللي عمله معايا ودة كان كلام ابونا لينا
وانا حكيت الحكاية دية ليكم علشان اقولكم ان كل حاجة تخصكم قدام ربنا ,يبقي ازى نقلك بالمنظر ده, سامح اتعلمت اية من الموضوع ده؟

سامح:-ان اسلم امرى لربنا عشان هو ماسك امور حياتى في امور حياتى في ايدة واعمل اللي علي وهو مش هيسبنى.

ابونا:-صح كدة ياسامح وهو ده الكلام.

ممكن نعرف بقي اية ري بقي الاعضاء في الموضوع دة

الموضوع عجبنى وقلت احطة هنا واعرف اية رايكم ؟

شكرا ليكى على الموضوع الرائع وانا رايى اننا لازم اولا اجتهد فى الشىء اللى انا بعمله واسيب الباقى على ربنا وان لازم اسلم امرى لربنا لانه هو ضابط الكل وهو ماسك امور حياتى فى ايده وحتى لو الموضوع اللى بطلبه من ربنا اتاخر شوية لازم اعرف ان ربنا بيختار لينا الصالح وفى الوقت المناسب .

شكرا جدا استاذ ثروت على ردك الجميل والافادة الحلوة

سلمنا فصرنا نحمل