|
|
|
#1
11-12-2010, 03:53 AM
|
|||
|
|||
فرفش شوية
واحد بيعيط فى جنازة مراته سألوه: بتحبها؟ قال: لأ ... بس سمعت إن البكا بيعذب الميت -------------------------------- صعيدى دخل الجيش زميله بيسأله: إنت منين؟ قاله: أنا من دشنا، وانت كمان من دشنا؟ قاله: لأ راح ضربه بالنار وقال: تبقى من ديش العدو. هتخسر ايه لو قولت له دشنا ------------------------------------- الشباب الفافى بيشتروا اللبن إزاى؟ عمو عمو عمو ... بليز ممكن عصير بقر. ------------------------------------ مساطيل عاملين ندوة ثقافية كبرى بعنوان: " نجيب محفوظ ولا ما نجيبوش" ---------------------------------- عروسه رفيعه ليلة فرحها لفوها بجرايد عشان تتخن العريس أول ماروح كل ما يفتح جورنال يلاقى جورنال اتصل بحماته وقالها: هى العروسه صفحة كام؟ ---------------------------------- سألوا مصرى: ليه المصريين بيحلفوا كثير؟ قال: طب والله العظيم دى إشاعه قسماً بالله ده افترى والنعمة الشريفة ما صحيح وعهد الله ده ظلم وربنا احنا مش كده. -------------------------------- فى أقوى رد فعل مصرى قررت الحكومة المصرية شطب الجزائر من بنك الحظ شايفين الاجراءات الحاسمة --------------------------------------- بلدياتى مثقف ركب الطياره فقال للمضيفه This is no talking, Istudent one tea from clock. بالمصرى: ده مش كلام أنا طالب واحد شاى من ساعه انا عرفته انتوا هرفتوه؟ --------------------------------------- بشرى ساره لأعزائنا الطلبة والطالبات من فودافون لو اتزنقت فى سؤال ممكن تبعت رسالة غششنى شكراً فقط اطلب *868*برشام# ------------------------------------- عملوا مسابقه "مين اللى يقدر يقعد سنه ياكل نفس الأكله" الفرنساوى قال لهم هاتوا لى طن بطاطس اليابانى قال لهم هاتوا لى طن رز بلدياتنا قال لهم: هاتوا لى سيجاره وبعد سنه فتحوا الباب على الفرنساوى لقوه مات فتحوا الباب على اليابانى لقوه مات فتحوا الباب على بلدياتنا قال لهم هاع ع ع جبتوا الولاعه؟ -------------------------------------- لو عايز تروح القمر ومعاكش غير جنيه تعمل ايه؟ ؟ ؟ ؟ ؟ تعمل مصيبه توديك ورا الشمس ومن هناك تاخد توكتوك بجنيه للقمر ------------------------------------- بلدياتى عنده حسنة فوق عينه وقف قدام المرايا يقول ياربى عين دى ولا غين -------------------------------- ظابط مسك عيل بيشم قاله هو الشمام الصغير اسمه ايه قاله كنتلوب ياباشا -------------------------------- واحد بلدياتي بعت لامه علبة كبريت قالتله مش شغالة قالها ازاي انا مجربهم واحد واحد -------------------------------- جماعة بلدياتي قاعدين ف خيمة وعاوزين يولعوا عشان يطبخوا بعتوا واحد يجيب كبريت خرج من باب الخيمة ودخل من الباب اللي ورا قالهم عندكوا كبريت قالولوا اقعد بعتنا نجيب -------------------------------- صعيدي سال اجنبي انت مرتبك كام قاله 1000 دولار بدل معيشة 1000 دولار بدل سفر 1000 دولار بدل تغذية 1000 دولار بدل ..... قاله وانت قاله 200 جنيه وسكت الاجنبي قاله دا بدل اية الصعيدي قاله بدل ما امد ايدي عليك -------------------------------- بلدياتي كشف نظر جاب 6 علي 6 قال لصاحبه كنت هاجيب اكتر بس الدكتور وترني -------------------------------- واحد جار توتا وعلي فراش الموت بيقول لولادوا: يا ابراهيم قاله اناهنا يا بابا يا مني انا هنا يا بابا يا سعاد انا هنا يابابا امكوا فين يا ولاد اناهنا يا يا سبعى قالهم لما انتوا كلكوا هنا سايبين نور الصالة والع ليه؟؟ -------------------------------- واهد تانى جار تووتا من الناحية التانية راح يزور امه ف المستشفي لقي الباب مكتوب عليه ادفع قال ربنا يقومك بالسلامة يا حاجة اجيلك لما ترجعي البيت ان شاء الله بالسلامة -------------------------------- واحد بلدياتى حب يطور طيارة هليكوبتر شال المروحة وركب تكييف -------------------------------- اتنين مساطيل ركبوا أتوبيس بدورين اللى فوق سأل اللى تحت انتوا ماشين بسرعة كام؟ قالوا 80, وانتوا؟ قاله السواق لسه مجاش -------------------------------- واحد راح مستشفى المجانين لقي كل المجانين عماليين ينطوا ويقولوا إحنا فشار! لقى واحد قاعد على جنب قال بس هو ده العاقل اللى فيهم قاله انت قاعد ليه كده؟ قاله سيبنى دلوقتى انا لازق فى الحلة -------------------------------- مسطول بيقول لصاحبه عايزين نطلع فنانين انت فنان تشكيلى وانا فنان اشكيلك -------------------------------- واحد صعيدي روحه بتطلع واحد قاله قول الشهادة بسرعة قالوا (دبلوم صنايع) -------------------------------- واحد اتصل بواحد صاحبه وقاله انا عارف ان الوقت مش وقت رسالة بس الموضوع مهم وقلقنى ومش مخلينى عارف اركز ولولا ثقتى الكبيرة فيك مكنتش سألتك هيا الطيارة فيها كلاكس؟ -------------------------------- بلدياتى بيكتبوا محاضرة ورا دكتور كل مايمسح السبورة يقطعوا الصفحة -------------------------------- واحد كسب مليون جنيه راح لمراته يفرحها فماتت من شدة الفرحة قال : سبحان الله الخير لما بيجى بيجى مرة واحدة -------------------------------- 
|
|
11-12-2010, 04:14 AM
|
رقم المشاركة : [2] |
|
|
هههههههههههه جميله جدا يا مستر ثروت
بس انا ليا سؤال اشمعنا جيران توتا يعنى هههههههههههههههه |
|
|
|
11-12-2010, 01:33 PM
|
رقم المشاركة : [3] |
|
مراقب عام و مشرفة منتدى الشباب والشبات
|
واهد تانى جار تووتا من الناحية التانية راح يزور امه ف المستشفي
لقي الباب مكتوب عليه ادفع قال ربنا يقومك بالسلامة يا حاجة اجيلك لما ترجعي البيت ان شاء الله بالسلامة هههههههههههههههههههههه جااااااااااااااااامدة ادي اخر اللي يعرف توتا يبيبع مامته نفسها شكرا يا استاذنا علي الفرفشة الجميلة دي |
|
|
|
|
|
|
|
11-14-2010, 06:15 AM
|
رقم المشاركة : [4] |
|
مراقب و مشرفة قسم التأملات
|
هههههههههههههههه جامدين جداااااااااااااااااااااا بس يا عينى عليكى يا توته البت ميرنا خلاص حطتك فى دماغها هى وناس صحابنا تانيين ربنا معاكى بقى |
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| زوجة فوطيفار | sasso | منتدى رجال ونساء الكتاب المقدس | 0 | 03-14-2011 03:51 AM |
| كل سنىة والكل طيب | ربنا موجود | منتدىالمناسبات السعيدة | 5 | 07-14-2009 04:34 AM |
| زوووق شوية !!! | شنوده | المنتدى الفكاهى | 0 | 06-14-2009 10:23 PM |
| شوية ساعات جديدة. | medhat atef | منتدى الصور العامه | 14 | 11-15-2008 02:54 PM |
| فكر شوية وجاوب صح | بنت البابا | المسابقات | 10 | 09-28-2008 11:23 AM |
العرض العادي
