منتديات الانبا تكلا هيمانوت
 
jquery Ads




العودة   منتديات الانبا تكلا هيمانوت > المنتدى المسيحى > منتدى المواضيع الهامة

الملاحظات

إضافة رد
 
أدوات الموضوع انواع عرض الموضوع
  #1  
قديم 11-16-2009, 12:30 AM
الصورة الرمزية MrMr
MrMr غير متواجد حالياً
مشرفة منتدى الاسرة المسيحية ومنتدى الطفل ومنتدى الصور المسيحية

 


افتراضي إنسان ولا لسه عروسه خشب ذي زمان؟!


يعني إيه إنسان؟

سؤال مهم لكل واحد عايش حيران..سؤال إجابته عندك لأن محدش يعرف نفسه قدك
الإنسان خلقه ربنا علي صورته و مثاله مش عارف ليه بس إتغير حاله..
خلقه فيه كل حاجة جميلة قلب و إحساس و عقل و مشاعر نبيلة..
مفيش إنسان إتولد تعبان ده الطفل بيتولد للدنيا و هو فرحان..
فرحان إن ليه إله بيحبه و ليه أهل بيعيشوا في قربه..
بيتولد و كل حاجة جميلة موجودة جواه و بيكبر و بتكبر هي كمان معاه..
يااااه يا إنسان ربنا بيك فرحان..
الدنيا تبقي مليانه سلام..مليانه حب و صدق كمان..
أصل الأنسان لسه واخد باله من كنوزه..قلب و عقل و مشاعر للكل بالمجان..
مهو ربنا إداله ده زمان و قاله ذي مأخدت إدي أنت كمان..
لكن فجأة بيحصل اللي مكنش في الحسبان ليه يا إنسان إتغير حالك و بقيت في الدنيا تعبان..ليه بقيت تقسي علي نفسك و علي كل الناس و كمان الهك اللي خلقك تعيش فرحان.
من هنا جه السؤال هو انت كده لسه إنسان؟؟

مشاعرك أتبدلت و أفكارك أتلخبطت و أحاسيسك شيلتها و قفلت عليها كل الأبواب و وقفت عليها سجان..فينك يا إنسان؟؟..
بقيت دلوقتي عروسه خشب خلاص مبقتش أنسان ده قلبك خشب في خشب هو كمان..عروسه بتتحرك بخيوط واللي بيحركك حال الدنيا يا مسكين بقيت بيها مربوط..
شهواتها عمت عينيك و خلاص خدت منك كل حاجة حلوة كانت بين إيديك..بقيت مش عارف نفسك بقيت بتهين نفسك..
بقيت فاقد الثقة في كل اللي حواليك مش عارف إن هم اللي فقدوا الثقة فيك..بقيت مش عارف بتحب مين أو بتكره مين و لا حتي عارف تعتذر إمتي و لمين..
مبقاش عندك خوف علي مشاعر الناس بقيت تقول كلام من غير تفكير و خلاص..يا إنسان إمتي هتقول كلمة الحق؟..إمتي هتقول للغلط لأ؟..
مستني أشوفك لو غلطت في يوم تعتذر و تقول اْسف و الإعتذار ليه لزوم..غريبة هي أمورك بتحير كل يوم في غرورك..
ولما تشوف حد محبوب حواليك الحقد يملي عينيك..
جوايا حبة عتاب..حبة أسألة يمكن من غير جواب..
ليه لما بنحب بيبقي صعب و لما نكره بيكون من القلب..ليه ناس بتلعب بمشاعر ناس..ليه في حد مبقاش عنده تقدير و الإحترام كمان خلاص..
عارف يعني إيه تكون صديق ولا هي كلمه تقولها لأي حد تقابله في الطريق..وياما أسألة وياما عتاب دول يألفوا ألف كتاب و كتاب..
يا ناس يا عايشين هو الإنسان راح فين؟
الإنسان ده حاجة جميلة بس هو دلوقتي واخدله تعسيله..يللا بينا نفوقه و باب السجن اللي علي قلبه نفتحه..
خلينا نشوف معني الصداقة اللي كتير كانت تضحيتها أكتر من معني القرابة..
فرق علي الناس كل حاجة حلوة جواك دي نفسها تتشعلق بالحب اللي معاك..إسمع هم غيرك و شيل معاه ..بلاش تعيش من غير متشعر باللي جواه..
يمكن محتاج حد يحكيله أو يترمي في حضنه و يرتاح لما تطبطب عليه و تشيل عنه ألمه..ده كل واحد ليه دور بلاش يكون عندك فتور..
ده إنسان يعني إيمان..نجاح..سلام..أحاسيس و كمان نسيان..أيوه إنسي كل حاجة مؤلمه مريت بيها دي الدنيا لسه حلوة مهما حصل فيها..
بنقع لكن بنقوم..إنسي كل الهموم..كل تجربة لو بقت تحت رجليك هتكون درجة سلم تكمل بيها الطريق..لو حملك بقي فوق ظهرك هتتحني و رجليك مش هتشيلك تكمل الطريق..
إفرح خلي إبتسامتك تفرح العيون دي ناس كتير نفسها الإبتسامة تملي الكون..
الإنسان جواه طاقة عظيمة إبني بيها كل يوم حاجة جميلة جديدة..
إبني واحد من الحزن مكسور إبني المحبة بين الناس اللي فرقتهم من زمان جسور..
بكده إنت إنسان مش عروسه خشب تحركها الدنيا ذي زمان..
يمكن مش كل حاجة قدر يوصفها هنا الكلام..في حاجات كتير جوه كل إنسان بسببها لسه حيران.

التوقيع:
يارب أعنى لانى بلا معين

يارب ساعدنى لانى بلا مساعد

رد مع اقتباس
قديم 11-16-2009, 01:04 AM   رقم المشاركة : [2]
مشرفة منتدى سير القديسين

الصورة الرمزية little angel
 
افتراضي

ده إنسان يعني إيمان..نجاح..سلام..أحاسيس و كمان نسيان..أيوه إنسي كل حاجة مؤلمه مريت بيها دي الدنيا لسه حلوة مهما حصل فيها..

مرمر موضوووع ملوووووووووش حل بجد ...
ميرسي ليكي يا جميله علي تعبك ومجهودك الرائع ده....الرب يبارك المحبة ويبارك خدمتك



التوقيع:











little angel غير متواجد حالياً   رد مع اقتباس
قديم 11-16-2009, 01:05 AM   رقم المشاركة : [3]
مراقب عام و مشرفة منتدى الشباب والشبات
الصورة الرمزية jesus's girl
 
افتراضي

يا ناس يا عايشين هو الإنسان راح فين؟

موضوووووووووووع رااااااااائع يا مرمر ياريت كل واحد فين يشوف الانسان اللي جواه راح فين واتغير ليه

ربنا يعوض تعب محبتك


التوقيع:





jesus's girl غير متواجد حالياً   رد مع اقتباس
قديم 11-16-2009, 01:39 AM   رقم المشاركة : [4]
مراقب و مشرفة قسم التأملات و القسم الطبى
الصورة الرمزية بنت الانبا تكلا
 
افتراضي

كلام جميل قوي واكثر من رائع مررم ربنا يعوضك منتظرين المزيد


بنت الانبا تكلا غير متواجد حالياً   رد مع اقتباس
قديم 11-16-2009, 11:58 PM   رقم المشاركة : [5]
مشرفة منتدى الاسرة المسيحية ومنتدى الطفل ومنتدى الصور المسيحية

الصورة الرمزية MrMr
 
افتراضي

ميرسى لمروركم الجميل دا
ربنا يباركم


التوقيع:
يارب أعنى لانى بلا معين

يارب ساعدنى لانى بلا مساعد

MrMr غير متواجد حالياً   رد مع اقتباس
قديم 11-17-2009, 02:24 AM   رقم المشاركة : [6]
مشرف منتدى الطقوس

الصورة الرمزية bebotop
 
افتراضي

[align=center]لكن فجأة بيحصل اللي مكنش في الحسبان ليه يا إنسان إتغير حالك و بقيت في الدنيا تعبان..ليه بقيت تقسي علي نفسك و علي كل الناس و كمان الهك اللي خلقك تعيش فرحان.

الإنسان ده حاجة جميلة بس هو دلوقتي واخدله تعسيله..يللا بينا نفوقه و باب السجن اللي علي قلبه نفتحه..
خلينا نشوف معني الصداقة اللي كتير كانت تضحيتها أكتر من معني القرابة..

ده إنسان يعني إيمان..نجاح..سلام..أحاسيس و كمان نسيان..أيوه إنسي كل حاجة مؤلمه مريت بيها دي الدنيا لسه حلوة مهما حصل فيها..

موضوع جميل جدا يا مرمر ربنا يعوضك خير يارب
[/align]


التوقيع:
الدوري للكباااااااااااااار
36 دوري للاهلي
الدوري رقم 7 علي التوالي
وكسبناه يوم 7/7
والفرق 7 نقط
ههههههههههههه





اضغط علي الصورة من فضلك وشارك معانا


bebotop غير متواجد حالياً   رد مع اقتباس
قديم 11-21-2009, 12:25 AM   رقم المشاركة : [7]
مشرفة منتدى الاسرة المسيحية ومنتدى الطفل ومنتدى الصور المسيحية

الصورة الرمزية MrMr
 
افتراضي

ميرسى لمرورك
ربنا يباركك


التوقيع:
يارب أعنى لانى بلا معين

يارب ساعدنى لانى بلا مساعد

MrMr غير متواجد حالياً   رد مع اقتباس
قديم 11-21-2009, 03:12 AM   رقم المشاركة : [8]
مراقب المنتدى
الصورة الرمزية حبيب البابا
 
avatakla




يا ناس يا عايشين هو الإنسان راح فين؟
الإنسان ده حاجة جميلة بس هو دلوقتي واخدله تعسيله..يللا بينا نفوقه و باب السجن اللي علي قلبه نفتحه..
خلينا نشوف معني الصداقة اللي كتير كانت تضحيتها أكتر من معني القرابة..

ميرسى كتـــــــير ليكى مرمر على مواضيعك الجميله دى

بجد مجموعه موضيع مميزه جداا ومفيدة جدا

ربنا يباركك ويحافظ على خدمتك



التوقيع:
بقى أنا أستاهل إنك تخبط على قلبي وإنت بجلالك واقف قدامي وتقول إفتح لي ..
مين أنا يمكن نسيت أنا مين أنا التراب إفتكري يا نفسي اياك تنسى.
. أنا لا أستاهل شئ إغفر لي يا ربي وأنت بجلالك انسى لي أثامي وأرحمني يا ربي




[flash1=http://www.ava-takla.com/up//uploads/files/ava-takla-973ec44ed9.swf]width=685 height=500[/flash1]











ليس نجاح الخدمة فى كثرة عدد المخدومين

وإنما فى الذين غيرت الخدمة حياتهم وأوصلتهم إلى الله





حبيب البابا غير متواجد حالياً   رد مع اقتباس
قديم 11-29-2009, 11:58 PM   رقم المشاركة : [9]
مشرفة منتدى الاسرة المسيحية ومنتدى الطفل ومنتدى الصور المسيحية

الصورة الرمزية MrMr
 
افتراضي

ميرسى لمرورك الجميل دا
ربنا يباركك



التوقيع:
يارب أعنى لانى بلا معين

يارب ساعدنى لانى بلا مساعد

MrMr غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
يا ملاك على هيئة إنسان Misho Fayez منتدى السيده العذراء مريم 5 12-11-2010 10:24 PM
ترنيمه خشب في خشب لفريق قلب داود ctv المصرى الأصيل ترانبم كليب 2 10-15-2009 09:51 PM
في النهايه انت إنسان sinfulboy المنتدى الادبى 6 07-21-2009 12:42 AM
الحق اختار عروسه بسرررررررررررررررررعه بولا رفقى منتدى الصور العامه 6 01-16-2009 02:14 AM
هى الاغانى حرام ولا غلط ولا صح ولا عيب ولا ايه بالظبط؟ white_heart مناقشات الأعضاء 6 01-08-2009 02:50 PM


الساعة الآن 08:32 PM


† هدف خدمتنا: "‎ذوقوا وانظروا ما أطيب الرب‎" مزمور 34 : 8 †
† مبدأ خدمتنا: "ملعون من يعمل عمل الرب برخاء‎" ارميا 48 : 10 †
† شعار خدمتنا: "ليس لنا يا رب ليس لنا لكن لاسمك أعط مجدا‎" مزمور 115 : 1 †