اختي ولكن....!!!!!

دخلت الهيكل و أخذت أبكي و أبكي,,, ....

لم تكن دموع يأس بل كانت دموع فرح و توبة .
فبعد سنتين كاملتين استطعت الانتصار على الخطية
و التوبة و الاعتراف . سأحكي لكم قصتي لكي تستفيدوا .

**أنا شاب ، كنت متدينا جدا ، لم أكن أعرف شيئا سوى الكنيسة
و الاجتماعات و الصلوات و القداسات
و الأصوام و الكتب المقدسة و التسبحة الجميلة .
كنت متدين بمعنى الكلمة و كانت حياتي سعيدة
و كنت فرحان و شبعان و ممتلئ بربنا
و لم يكن يوجد شيئا ينغص علي حياتي .

لقد كنت أيضا متفوقا و استطعت دخول كلية الهندسة ،
و من هنا ابتدأت المشكلة .

ملحوظة : لقد كنت لا أعرف شيئا عن عالم البنات
. فلم أقف قط مع إي فتاة و حتى الكلام مع الفتيات كان قليلا جدا ،
إي إنني كنت ، بلغة العصر ، قفل كبير ...!!!!

لقد دخلت الكلية مع صديقي الذي كان شغوف بموضوع البنات
و له خبرة كبيرة . لقد حاول إقناعي بأننا نقف شلة مع بعض
( أولاد و بنات ) و أن نذهب معا للسينما أو للمسرح أو .....
و إننا كلنا اخوة و لا داعي للتعقيد .

في أول الأمر ، رفضت بإصرار
، و لكن تحت ضغطه المستمر فترت عزيمتي
و وجدت نفسي أتساهل و أتساهل
. في البداية كنت لا أركز على الحديث مع فتاة معينة .
و لكن شيئا فشيئا وجدت نفسي منشغل بفتاة متدينة من وجهة نظري .
يا لحيل الشيطان الغريبة ،
لقد انجذبت إليها لأنها قالت ذات مرة :
إنني أصلي باكر و غروب و نوم ،
و أقرأ 3 إصحاحات يوميا . و كنت أنا ،
رغم تديني ، أصلي باكر و نوم فقط ،
و أقرأ إصحاح واحد يوميا .
و كانت هي تشجعني على المزيد من الصلاة ،
فأحسست ، خطئا ، إنها صوت الله .

و من هنا انتقلت من خانة الزميلة إلى خانة الصديقة .
و أصبحت أتحدث معها كل يوم في الكلية ،
و ذات يوم تغيبت لأنها كانت مريضة ،
فاتصلت بالتليفون للاطمئنان عليها ،
و ازدادت العلاقة بشكل خطير .

لقد كنا نصلي معا صلاة نصف الليل يوميا في التليفون
ثم نأخذ إصحاح للتأمل في التليفون ،
و اشتعلت فاتورة التليفون ، و اشتعلت أعصاب بابا .
و كنا نحضر الاجتماعات معا ، و نحضر القداسات معا ،
و أحيانا التسبحة أيضا .

كم أنت بارع أيها الشيطان في وضع السكر على السم القاتل ،
كم أنت بارع أيها الشيطان في تزييف و تزوير الأمور .

لقد كنت سعيدا بهذه العلاقة في البداية ، ثم بدأت أحس بفتور روحي رهيب .
مللت الصلاة ، زهقت من القداس ،
أهملت دراستي و الأكثر من ذلك الأفكار ،
لقد كانت تهاجمني الأفكار بطريقة بشعة .
كنت أفكر فيها و أنا مستيقظ و أنا نائم و أنا أأكل و أنا أشرب ،
حتى و أنا أصلي ، حتى في القداس .

و ذات يوم كادت أن تحدث الطامة الكبرى .
فقد ذهبت للاطمئنان عليها في البيت لأنها لم تحضر الكلية ذلك اليوم .
فذهبت لأعطي لها كراسة المحاضرات .
و كانت وحيدة في المنزل لسوء حظي و حظها .
و أوشكنا أن نقع في الخطية ،
ولكن
قبل أن أقع تماما سمعت صوت ضعيف
( صوت ضميري المذبوح ) يقول : اهرب لحياتك و .....

فتركتها
و ذهبت و أخذت أجري و أجري في الشوارع تائها ضالا ,,,

إلى أن وجدت نفسي قدام باب الكنيسة .

و كانت التوبة ، صحيح كان الابتعاد عنها صعب للغاية .
و لكني صممت على الابتعاد عنها بعد أن رأيت كم تطورت الأمور
. و بالتأكيد كانت الأفكار تقتلني كل يوم ،
ولكني استطعت الانتصار عليها بمعونة ربنا و بإرشاد أب اعترافي .

لا ألومها بل ألوم نفسي ،
فقد كنت أقع في خطية عظيمة بسبب عبارة

" إنها أختي "

مذكرات شاب تائب

++ليست هذه القصة تدعونا لرفض الاختلاط ،
فالاختلاط أصبح واقع نعيشه الآن في مجتمعنا ،
إنما تدعونا للحذر من حيل الشيطان . إن الشيطان يعرف المدخل إلي كل إنسان
و لا يعرض بضاعته بدون غلاف ،
فلو عرض على بطل القصة الخطية مباشرة لرفضها بشدة ،
لكنه عرف كيف يجذبه بالإعجاب بتدينها و بعبارة " إنها أختي " .
عليك أن تدرك حيل إبليس كما أدركها بولس الرسول الذي قال
: إننا لا نجهل حيله .

**++و المطلوب منك ، يا صديقي ،
ألا ترفض الاختلاط بل أن تتصرف بحكمة
و تدرك إي بادرة للانحراف و تسعى لتصحيح المسار .
فعندما تتحول الأحاديث الجماعية الدراسية إلي أحاديث فردية عاطفية ،
و تجد نفسك لا تستطيع الاستغناء عن هذه الوقفة ,,فأنت في خطر
فالاختلاط المقدس يكون في إطار الجماعة مع وجود هدف
أو عمل مشترك و ليس في الخفاء,,..!!

اذكروني في صلواتكم,,,

tota

كم أنت بارع أيها الشيطان في وضع السكر على السم القاتل ،
كم أنت بارع أيها الشيطان في تزييف و تزوير الأمور .
ميرررررررررسي يا توتا علي القصة الروووووووعة دي والهدف واضح ويارب فعلا كلنا نفهم معني كلمة اختلاط ومنميشيش في طريق نهايته ضلمة .. ربنا يعوض تعب محبتك

ميررسي ليكي يا ميرنا علي مروورك وردك المشجععع والجمييل ده....وياريت كلنا نستفيد

الرب يبارك المحبة ويبارك حياتك

[align=center]انا بقى لي راي تاني

لكنه عرف كيف يجذبه بالإعجاب بتدينها و بعبارة " إنها أختي "
دي بتحصل كتير وحصلت قدام عيني

ملحوظة : لقد كنت لا أعرف شيئا عن عالم البنات
. فلم أقف قط مع إي فتاة و حتى الكلام مع الفتيات كان قليلا جدا ،
إي إنني كنت ، بلغة العصر ، قفل كبير ...!!!!

والسبب ان في بعض الكنايس بتمنع الاختلاط الشخص ده بسبب كده ماكنش بيعرف يتعامل في البدايه لكن اول لما دخل الجامعه تعامله مع الجنس الاخر كان غلط في غلط وبالتالي حصل اللي حصل
يعني من صغره مش اتعلم ازاي يعامل الجنس الاخر فلما يكبر ويتحتم عليه المعامله مع الجنس الاخر في العمل في الدراسه في الحياه الزوجيه بالظبط كأنه واحد في ابتدائي بياخد منهج ثانوي
يارب ناخد بالنا من دي ده مش كلامي ده كلام الانبا موسى ( سمات الاختلاط السليم)

أنا شاب ، كنت متدينا جدا ، لم أكن أعرف شيئا سوى الكنيسة
و الاجتماعات و الصلوات و القداسات
و الأصوام و الكتب المقدسة و التسبحة الجميلة .
لقد انجذبت إليها لأنها قالت ذات مرة :
إنني أصلي باكر و غروب و نوم ،
و أقرأ 3 إصحاحات يوميا . و كنت أنا ،
رغم تديني ، أصلي باكر و نوم فقط ،
و أقرأ إصحاح واحد يوميا .
و كانت هي تشجعني على المزيد من الصلاة ،
فأحسست ، خطئا ، إنها صوت الله .

الحكايه فعلا في معظم الظروف بتبتدي كده وبعدين بتنقلب العكس بسبب جهله في التعامل
انا اسف علي اللفظ ده بس دي جقيقه
اما بقى بالنسبه لانه بدأ يزود في صلواته وكده
غلط تماماااااا
كان لازم ياخد مشورة اب اعترافه هو بس اللي يقلك تعمل ايه في صلاتك
مش تزود ياحبيبي في قانون صلاتك من غير ما اب اعترافك يقلك عشان ده غلط تماما وبتاتا مش تعمل كده خالص


الخطوه بقى المهمه في القصه انه كان لازم يقوم
ومش كل الناس بتعرف تقوم بسرعه العكس في ناس بتقع ودي حقيقه



انا اسف جدا اني طولت في الرد

[/align]

ميرررررسي يا بيبووو بجد علي مروورك و تعليقك الراائع ده بجد......يارب نستفيد واكيد ربنا هيسندنا ويحافظ علينا

الرب يبارك المحبة ويبارك حياتك

احب بس اضيف علي كلام بيبو
الانبا موسي قال :-وهو أختلاط في إطار الجماعة، فالكل يتعاون في نقاوة وبراءة، أنها كنيسة أي جماعة متحدة بالروح، تعمل لمجد المسيح ولسعادة الكل، لذلك فالتركيز الفردى مرفوض تماما، فهو خروج عن الخط السليم، وعن الجماعة المترابطة بالمسيح وداخل إطار القداسة، أي إن علاقة فردية بشخص معين هى نذير بخطر يحدق بالطرفين،

يعني الكنيسة اللي بترفض الاختلاط ده معانا مش ضددنا هما رافضين الاختلاط اللي ملوش هدف روحي
رافضين الاختلاط الفردي اللي زي ما الانبا موسي قال هيودينا لطريق غلط
رافضين ان الكنيسة تبقي مكان لمقابلة الشاب والبنت بدون هدف روحي او اي خدمة داخل الكنيسة

والقصة اللي موجودة قدامنا دي اكبر دليل علي خوفهم ده

[align=center]اضيف انا كمان تاني علي كلام ميرنا

كلامك صح مليون الميه يا ميرنا


انا بس عاوز اقول بقى حاجه مهمه

بداية مجالات الاختلاط السليم هي
الكنيسه محيط العيله الدراسه العمل الجيران الاصدقاء

ايه بقى فوائد الاختلاط
1 فهم طبيعة الاخر
2 الثراء الفكري يعني الواحد عقله بيكبر شويه بشويه
3 اللياقه والاخلاق في التعامل
4 عدم الغموض يعني كله يعرف شخصية اللي قدامه


شروط بقى الاختلاط اللي هي كالاتي

1 ان يكون اختلاط موافقا لفكر المسيح زي ما بنشوف بعض الخدام
2 ان يكون في خضرة المسيح زي ما يوسف الصديق عمل ( كيف اصنع هذا الشر العظيم واخطئ امام الله ))))

راجعو كتاب الانبا موسي سمات الاختلاط السليم ص 130

3 عدم رفع الكلفه في التعامل يعني كل واحد يبقى عارف مين اللي قدامه
يعني برضه اختلاط في ظل هدف روحي بحدود ومن غير داله مفسده
4 في حدود مكانيه معينه يعني في الكنيسه في العمل المدرسه في الشارع لا خطر جدا
5 مجموعات ولا للفرديه بتاتااااااااااااا
6 ان يكون لهدف مقدس فقط لاغير وباسلوب مقدس اي لاختيار شريك الحياة
في كتييييييييييييييير بس كفايه كده عشان اكمل الباقي



ايه بقى اللي بيخلي الدنيا تبوظ في الاختلاااااااااااط اقرو وانتو اعرفو
1 تجاهل وجود الغريزه الجنسيه بمطالبها
2 رفع الكلفه وزيادة الالفه خلو بالكم من دي خطيره جدا
3 محاولة لفت الانتباه وجزب النظر والاعجاب
4 الاهتمام الزائد بالشخص الاخر والتعلق بيه زياده عن اللزوم
5 الرغبه في امتلاك الطرف الاخر يؤدي الي
التساهل وعدم التحفظ , التنازلات عن بعض المبادئ , اشتعال اشهوه , الاستسلام والتورط في الخطأ

قد يكون الانزلاق هو هدف الشخص
ولكنه لم يحسب حساب المفاجأت التي قد يفاجأ بها في مسرة العلاقه
مثال حوادث السيارات وغيرها محدش بيعرف دي هاتحصل امته


كل واحد لازم يبقى عنده تحفظات تجاه الموضوع ده
1 عدم الانفراد
2 عدم الالفه الزائده
3 عدم الكلام الخارج
4 الشبع بالرب ليعطي الطهاره


المشاكل بقى اللي بتعوق الاختلاط السليم
1 الغيره والشكوك
2 الاختلاف في الراي
3 عدم القدره علي التفاهم
4 الاعتداد بالري في عناد
5 ثورة الكرامه والذات
6 تحطيم كل شئ


المهم بقى واللي كله لازم يعرفه هنا كملو بس قرايه دي اخر حاجه
العلاج في الانحرافات في التعاملات
1 اتخاذ قرار حاسم في تحويل العلاقه الخاصه الي علاقه عامه
2 الابتعاد عن الطرف الاخر لتهيئ الظروف للتأثر علي العاطفه
3 اعادة التفكير بمنطق العقل ومراجعة الموقف بحكمه شديده
4 طلب معونة ربنا عشان تعرف تسيطر علي الموقف
5 الشبع الحقيقي بالرب يسوع ( النفس الشبعانه تدوس العسل )
6 تحويل كل صداقه لتصبح من خلال المسيح ولمجده


يااااااه اخيرا خلصت
انا اسف بجد انا طولت جداااااااااااااااااا في الرد سامحوني بجد

[/align]

موضوع جميل جدااااااااااااااااااا مع انة مش موضوع واحد دة عدة موضيع
ربنا يعوض تعب محبتك وتسلم ايدك

ميرسي كتيير ميرنا وبيبو بجد ...وفي الاخر اتوصلنا من كلام ميرنا وبيبو ان زي ما ميرنا قالت هما مش رافضين الاختلاط اللي ملهوش هدف روحي والقصة هدفها واضح جداا

وميرسي injury_heart علي مروورك وردك الجميل ده بجد.......وياريت كلنا نستفاد

الرب يبارك المحبة ويبارك حياتكم