حاسس انى مزعلك

حاسس انى مزعلك ...

تصرفاتى واسلوب حياتى مش عجبك ..

بتكلم عنك كتير لكن مش بكلمك ..

كل يوم بوعدك انى هتغير ومش بوفى..

بقول انك ابويا وحبيبى وانت اخر شخص بفكر فيه ..

مستنيك دايما تسامحنى ,,,

وانا بزعل ومش بسامح على اقل حاجة ..

بتكلم كتير مع كل الناس ,,

وعندك انت بتعب وبيتقل عليا النوم والارهاق..

بقضى وقت كتير فى حاجات ملهاش لازمة ,,

ووقتى معاك باعتبره عبىء تقيل عليا ..

بقرا مجلات وكتب كتير بمتعة,,

واجى عند كتابك المقدس وبحس بملل وعدم فهم ..

بروح الخدمة باستمرار وبقول انى بخدمك ,,

لكن الحقيقة انا بحب نفسى ..


بتناول واحضر قداسات وفاكر نفسى بعمل عمل عظيم ,,

لكنى من جوة فاضى..

بعترف كل شهر بكل حاجة وبرجع اعملهم تانى ,,

لانى مش مهتم بتوبتى..

بسمع صوت ناس كتير وبصدق كلامهم !!!

ولكن صوتك انت بطنشه وانا عارف انك بتنده ..

بدور على الحب وبشحت الحب من العالم !!!

رغم انك ممكن تشبعنى حب وتغمرنى ..

باعاملك بقسوة وبتهمك احياناً بانك مش فاكرنى وسايبنى تعبان ..

لما صديق يسيبنى ولا حبيب يجرحنى بحس ان الدنيا سودا وبنساك



بانسى صليبك وبعتبره ذكريات متخصنيش ,,

ومش حاسس انى انا السبب ..

بسمح لأفكار كتير تتعبنى ومش بفكر اشغل تفكيرى بيك ..

باتمنى الموت لما بتعب من الدنيا !!

وناسى انك انت المفروض تكون هدف حياتى ..


ياااااااااااااااااااااه يا ربى

انا عارف اد ايه انا تاعبك معايا

اد ايه انت حنين ومستحملنى

انا بجد مش عارف اقولك ايه...!!

يا اجمل اب واجمل صديق واجمل وجود فى الوجود

ربى بجد انا بحبك

متزعلش منى انا بحبك بحبك

وان كانت كل حياتى ممكن تظهر غير دة

لكن صدقنى بحبك

جوايا بيحبك

ولما ببعد عنك بتعب

سامحنى ارجوك

عارف انى مش استاهل

لكن عارف برضه

انى ابنك

ارجوك ارفعنى وساعدنى اتغير

انا بجد عاوز اتغير

عاوز اتغير

هتساعدنى يا بويا ....مش كدة؟؟

اكيد هتساعدنى يا ابويا

هتساعدنى يا بويا ....مش كدة؟؟

اكيد هتساعدنى يا ابويا

جميلة جداااااااااا بنت الست العدرا ربنا يعوض تعب محبتك

جميلة جداااااااااا بنت الست العدرا ربنا يعوض تعب محبتك

ميرسى ليكم ميرنا و ساسو على مروركم الجميل