|
|
|
#1
11-22-2009, 10:06 PM
|
|||
|
|||
عاوزين ترخموا على حد مضايقكوا قوى تابعوا درس الرخامة دة
اولاً موضوعنا انهارده عن الرخامه و الغتاته
وازاي تكون رخم محترف يعني بعد ما تقرا الموضوع ده هيكون عندك القدرة انك ترخم على طوب الارض مثال صغير ممكن انا ارخم و مكتبش الموضوع و كفايه اوي كدا لكن انا مش رخم خاااااالص ================================ أولاً : ازاي ترخم على ضيوفك ! لو عازم صحابك على العشاء مثلاً .. خليك انت خلص اكل اول واحد و بعدين روح بسرعة علشان تغسل ايديك .. و بعد ما تغسل ايديك افتح الميه على السخن بس .. و اقفل الساقع خالص . و استنى شوية 10 ثواني كدا و بعدين اقفل الميه و شوف بقى اللي بعدك هيحصله ايه ---- لو جالك ضيف رخم .. روح اعمل شاي و خلي الشاي سخن موحوح و ما تحطهوش في (مج) .. حطه في كوبيات عادية و املاها للاخر علشان مايعرفش يمسكها ---- و لو عندك ضيف دمه تقيل و عاوز تفلسعه .. اظبط المنبه بتاع الموبايل بحيث كل شوية يرن يرن و اعمل ان في واحد بيتصل بيك و قوله ( ايه ؟ .. دلوقتي لالا .. عندي ضيف .. يمكن بعد 10 دقايق ولا حاجه ). و ما تلبسش ساعة علشان كل شوية تسأله الساعه كام و لما يكلمك ما تردش عليه من اول مرة .. اعمل نفسك ما سمعتوش ---- و لو واحد رخم و رغاي اتصل بيك حاول ترد عليه بكلام مختصر (ايوه .. ماشي .. حاضر .. اوكي .. لا .. هشوف) .. و لو فضل يرغي كتير ما تردش عليه و اعمل نفسك بتكلم واحد جنبك و بعدين قوله (آسف معلش كنت بكلم اخويا) و اعملها كذا مرة .. و لو طول قوي قوي بقى و مش عارف تخلص منه .. اعمل ان الخط قطع .. و انك مش سامعه و قول (الو .. الو .. الو .. انت روحت فين ؟؟ ... الو) و بعدين قوم قافل السكة ================================ ثانياً : ازاي ترخم على ناس في اوتوبيس ! اول حاجة انت مثلا مسافرسفر طويل باتوبيس يعنى حوالى 8 او9 ساعات فى الطريق طبعا هيبقى الكل على اخره ودى فرصتك يامعلم عشان تزهق فى خلق الله اشطه يا باشك كدا اول متروح تحجز وتخلص حجز روح بدرى اول واحد وحط شنطتك اول شنطة فى شنطة الاتوبيس دخلها جوة اوى عشان كل الى يجى يحط فوقها وتستخبى وانزل بدرى شوية قبل ما الاتوبيس يقف والناس تنزل انزل قلب فى الشنط وطلعها برة وقعها وافردها فى الشارع وتوه الشنط فى بعض بحجة انك بتجيب شنطتك مهى اول شنطة من جوة هتلاقيها بعيد اوى هتلاقى كل الناس بتجرى فى الشارع تدور على شنطها تانى حاجة وانت بتحجز خلى كرسيك جمب الشباك ادخل انت الاول ومتقعدش فى الكرسى الى انت حاجزه لا اقعد فى الى جمبه طبعا الراجل الى جمبك فى الكرسى هايجى هيلاقى الكرسى الى جمب الشباك فاضى هايتبسط اوى هيدخل يقعد فيه جرى خليه يقعد سيبه متكلموش سيبه ساعة واتنين لحد مايكيف على المكان وياسلام لو كان نام وفى عز نومة ازغدة فى قلبة وقوله دا مكانى ياعم هيزعق ويقول انا قعدت فيه الاول طلع التذكرة وحطها فى عينه او انده للسواق او وقف الاتوبيس واعمل خناقة لحد ماتقعد مكانك تالت حاجة قعدت مكانك وظبطت نفسك ياعم طبعا الراجل الى جمبك دا مش طايق يبص فى خلقتك خليك مبتسم دايما ومبسوط فى وشة عشان يتغاظ اكتر واديله رست شوية خش على الى قدامك شوية افرد رجلك من تحت الكرسى وخبط فى رجليه كل شوية وان اكلم قوله اعملك ايه رجلى طويلة ابقى احجزلك كرسيين ورا بعض ويسلام لو حاطط اكل تحت الكرسى اخبطه وقعه فى الارض و انت طبعاً برئ مش واخد بالك وكدة يبقى خلصت على الى قدامك ارجع للى جمبك تانى اول مينام ويريح نفسة صحيه وقوله عدينى اروح الحمام لو سمحت هيقوم متغاظ طبعا وانت بتعدى حط ايدك على وشه دخلت الحمام وخلصت وانت خارج لاقيت واحد مستنى يدخل الحمام دى فرصتك يبقى فيه ضحية تالتة قوله سورى نسيت حاجة وادخل تانى واقعد جوة ساعتين لحد مايولع فى نفسة برة طبعا مفيش غير حمام واحد واما تخرج لو لاقيتة لسة مستنى قولة على فكرة الميه قطعة وسيبة وامشى كدة يبق انت كفرت كل اللى فى الاتوبيس تقولى ياعم انت مزهقتش غير تلاتة هقولك لا بطريقة الشنط زهقت شوية واتمنى ليكم رحلة خنيقة ملحوظة وأوعى حد يقولى مولتلناش : اوعوا يا جماعة حد يعمل كدة الناس مش ناقصة الناس بتكلم نفسها في الشارع لو حاولت تغتت عليهم كدة هيقتلوووووووك وفي النهاية اوعى حد يفتكر اني رخم دا انا غلبااااااان بس كل الحكاية ان دي معلومات عامة ولو عجبكم ممكن نكملة دة لية تكملة هايلة بس حبيت ماكترش عليكم لو قلتولى كملى هكمل ذى ماتحبوا لسة الكلية والمحلات والسواقين يعنى بس محبتش اطول عليكوا لللامانة م ن ق و و ل  
|
|
11-22-2009, 11:44 PM
|
رقم المشاركة : [2] |
|
مراقب عام و مشرفة منتدى الشباب والشبات
|
وهي دي قمة الرخاااااااااااااااااااااااااامة ههههههههههههههههههههههههههههه
ميرسي كتير يا قمر ربنا يعوض تعب محبتك |
|
|
|
|
|
|
12-30-2009, 04:05 AM
|
رقم المشاركة : [3] |
|
|
heehehhehehhehehehhehheheheheh
thx Rabna y3awad T  b Ma7btek |
|
|
|
|
|
|
|
12-30-2009, 12:23 PM
|
رقم المشاركة : [4] |
|
مشرف منتدى الميديا
|
بقى و مش عارف تخلص منه .. اعمل ان الخط قطع .. و انك مش سامعه و قول (الو ..
الو .. الو .. انت روحت فين ؟؟ ... الو) و بعدين قوم قافل السكة عملت حاجة زي دي قبل كدة ههههههههههههههههههههه شكرا يا نانا علي الموضوع ربنا يباركك |
|
|
|
|
|
|
|
04-07-2010, 02:47 AM
|
رقم المشاركة : [5] |
|
|
ههههههههههههههههههههه ميرسي نانا علي الموضوع ربنا يبارك حياتك
فين تكملته؟؟؟؟؟؟؟؟؟؟؟؟؟؟ |
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| فيديو ::: رد قوي علي وجدي غنيم من شاب مسيحي | avatakla | منتدى اخبارالعالم المسيحى | 0 | 03-24-2012 03:54 AM |
| فوز "متعدد المكاسب" للأهلي على حرس الحدود | المصرى الأصيل | قسم مشجعى النادى الاهلى | 0 | 05-26-2011 02:48 AM |
| شاهد رد قوى من ابونا فلوباتير جميل على الشيخ الزغبى ومطالبتة بـ اقالة البابا شنودة وشيخ الازهر | بنت الست العدرا | منتدى اخبارالعالم المسيحى | 0 | 05-09-2011 01:45 AM |
| دروس فى الرخامة | meno | المنتدى الفكاهى | 5 | 12-31-2009 01:03 PM |
| البنات عاوزين إية !!! | شنوده | منتدى الشباب والشبات | 7 | 07-10-2009 11:57 PM |
العرض العادي
