كلمات مسروقة من دفتر طفـــل ,,,,نقاااااااااش

كلمات مسروقة من دفتر طفـــل ,,,,نقاااااااااش

كلمات مسروقة من دفتر طفـــل ,,,

---------------------

باسم الثالوث المقدس

هذه كلمات وجدة في دفتر طفل كتبها بعامية اللغه..ودهشة السؤال؟
.
.
.
.
.
.
.
.
.

السبت: فتحت عيوني..أدور عن نور..أمروني:<غمض>..و...غمضت..بعدها ما شفت لا

ابيض ولا اسود!

الأحد: كنت أسمعهم يقولو!<يا حمار>,<يا حيوان>, <يا ثور>,<يا

بقرة>,<يا لوح>,<يا جدار>...فتوقعت اني في حديقة حيوانات..فتحت عيوني عايز
اشوف(الحيوانات) دي..قالوا لي:"ما يصحش تشوف قلة أدب"..سألتهم:طيب..في عصفور؟؟

صرخوا في وشي : اسمع الكلام وغمض ونام

الاثنين: سمحوا لي اشوف التلفزيون..كنتلوحدي منسجم مع أفلام كرتون..دخلت

امي..وكان ابو عائلة ادمز(يبوس) أمهم..جريت امي ..غيرت القناة..وصرخت بأعلى

صوتها.."عيب عليك..قاعد تشوف قلة أدب..!!"بصيت لها بكل براءه وانا متعجب من اللي

حصل:"طيب حصل ايه ابوهم يبوس أمهم!.."قالت لي وهي متعصبه اوي

(البوس..قلة حياء!!)

بعدها بأسبوع..شفت امي تسلم على ام الجيران و(تبوووووسها)..قلت لها وانا كلي

أسى"يا ماما..البوس قلة حياء!!.."

الثلاثاء: كانوا بنات خالتي عندنا..وكنت الولد الوحيد اللي يلعب معهم..وبابا بس بيبصلي

كل ما رحت وجيت..بعد ما روحوا..ناداني بابا وقال:"عيب الواحد

يجلس مع بنات..قلة أدب..!"

بعدها بكام يوم..كان بابا جالس مع عماتي..بصيتله بطرف عين(وعايزين الحق كنت بحقد

عليه)..وقلت له:"اللي يجلس مع بنات..قليل أدب!!"

الأربعاء: كنت اسمعهم يقولو(صدام قوي)..وأعجبني...بعد الأزمه..قالوا(حرامي

ومجرم)..سألتهم:ازاي؟؟!!..قالوا:"حرامي ومجرم..وبس..واسكت..!"

وكنت أسمعهم بعد يقولون (جيم كاري..فاسد)..فكرهته على طول..وكانوا يشوفوا

أفلامه..ويضحكوووا..كنت أسألهم"ليه بتضحكوا؟!..مش بتقولوا انه فاسد"...قالوا..اسكت

الخميس: بابا بيقول<االتدخين>حرام.. واللي يدخن يدخل النار..وفي يوم شفته
قاعد مع صديقه أبو مينا..وأبو مينا ماسك السيجاره بايده..وقفت وسألت بابا""طيب

اللي يقعد مع اللي يدخنو..يدخل النار كمان؟!!!"

الجمعة: بأسمعهم يقولو..ان اللي يطول في مكالمته بيدلع..واللي يروح للسوق

بيدلع..واللي يعرف انترنت بيدلع...وامي تطول على التلفون,,وتروح للسوق,,وتقعد

على الكمبيوتر..رحت لبابا وانا مصدووووم::"بابا الحق.. ماما بتتدلع!!!!

للاسف دي صور من المجتمع

ينهون عن فعل ويأتوا بمثله ..

ولي سؤال .....

ايه رايكم في المجتمع ده عندما يربي مثل هذي التربيه ..؟؟ ننهاهم عن فعل نحن نقوم به ..؟؟
ايه هي الحاجات اللي مش عجباكوا في مصر وايه اللي عجبكوا كمجتع نشأتم فيه ؟؟
مستني الردود

منقوول

اللى بيعملوا كده ناس جهله وراجعيين

شكرا بيشوى على الموضوع دة لان فعلا بيحصل كدة كتير من الناس

وبتبقى تربية غلط وبيعيش الطفل فى تناقد ومش عارف اية الصح واية الغلط ومش عارف هياخد راى مين امة ولا ابوة وازاى هيقتطنع برايهم وهما اصلا بينقدوة

فعلا بتبقىى صعبة والضحية بيكون الطفل للاسف

لازم الام والاب يربوا تربية صح من غير تناقد

ومينفعش يقولوا لحاجةة لا وهما بيعملوها ويجى الطفل ويسال يقولوة اسكت هههههههههه على اساس انة مش فاهم حاجة

لكن هو بيبقى فاهم كل حاجة وبتدور فى دماغة ميت حاجة وهما مفكرينة مش فاهم حاجة

ياريت نغير اسلوب تربيتنا للاطفال ونعرف ان الطفل ذكى جداااااااااااااااااااا فوق مانتخيل

وربنا يرحمنا هنقول اية بس غير ان احنا فى زمن غريب الشكل

ربنا يعينااااااااااااا

الثلاثاء: كانوا بنات خالتي عندنا..وكنت الولد الوحيد اللي يلعب معهم..وبابا بس بيبصلي

انا ليا تعقيب على النقطه دى بالزات

لان غلط انهم يعلوا فروق ما بنهم لان فى الاول والاخرك دول اخوات
لو اتربوا على اساس انهم اخوات هيطلعوا على انهم اخوات ويخافوا على بعض

وفى بعض الكانيس بتعمل كده بتفرق مابنهم وكده غلط لان لو الاطفال من صغرهم طلعوا اخوات طول عمرهم هيفضلوا اخوات ويخافوا على بعض مش هيكون فى

فرق

ميرسى لارائكم الجميله بجد ياجماعه

ربنا يحقظنا ويحفظ ولاده

بجد موضوع جميل يا بيشوي وفعلا بيحصل

ميرسى ليك يامدحت