#1
|
|||
|
|||
الحب والاحتياج للحب (هناك فرق)
النهاردة موضوع رومانسى شوية هوضح فيه شوية حاجات كدا بتغيب عن بالنا كتير وبتوقعنا فى مشاكل كتير ساعات فى بعض علاقات الحب نلاقى نفسنا جينا عند النص ووقفنا مش قادرين نكمل وزهقنا وخلاص بنتلكك لبعض وده بيرجعله اسباب كتير اوى بس انا النهاردة جبت الحاجة الغامضة شوية وهى الاحتياج للحب نشوف الفرق الاول الفرق بين الحب والاحتياج للحب الحب شعور جميل بيتولد بين شخصين من غير اتفاق مشاعر بتطلع بالتبادل بتاخد وبتدى ومن غير ما تحسب انت اديت ايه واخدت ايه القلب فيه مضخة بتضخ الحب لجميع اجزاء الجسم مع الدم عقلك بيفكر فيه /عينك دايما عليه/ شفايفك دايما تنطق باسمه/ رجليك دايما تروح للمكان اللى هو فيه مشاعر جميلة بتطلع من غير قصد ومن غير ما تتحسب ومن غير حتى ما تصرحله انك بتحبه مشاعر رقيقة لعلاقة بريئة بعيدة عن المصالح والمجاملة والروتين الحاجة الوحيدة اللى تحس فيها انك على طبيعتك وبحريتك وبتعيش اسعد لحظات حياتك الاحتياج للحب: شعور بيحسه الانسان الوحيد ويمكن يكون عايش مع ناس بس مش حاسين بيه او مش حواليه بيحس انه محتاج لقلب يشاركه همومه والامه ووحدته اوقات فرحه يديله حنان وحب وعطاء ولكن ..............واه من قسوتها لكن ربما بعد ما ياخد ويحس بكل اللى كان فاقده ميبقاش محتاج للقلب ده فى اى شئ ودى مش خيانة او جحود دى غلطة ابتدت من الاول الطرفين ملهمش ذنب فيها هو حس باحتياج لحب وحنان ولقاه ف انسان من غير ما يتاكد اذا كان بيحبه ذاته او لا كتير مننا بيغلط اوى وبيخلط الامور ببعضها ومش بيتاكد من مشاعره ويندفع لدخول فى تجربة وهو مش مدرك انى دى مسؤلية كبيرة اوى مش مجرد كلمتين حب وخلاص ومن هنا جه الفرق بين الحب والاحتياج للحب كتير مننا بيحس ان بابا وماما واخواتى مش سالين فيا اصحابى كل اللى طالع عليهم الهزار مش بيتكلموا جد ابدا كل اما احكى لحد على حاجة يتريق ويهرج طيب هو ده معناه انك تربط نفسك بعلاقة انت مش واثق من مشاعرك فيها يا سيدى عارفين انك قرفان من الدنيا وعاوز حد تحط راسك على كتفه(معنويا فقط )وتشكيله همومك بس مش كدا يا اخى ......... يا اختى اوعى تورط او تروطى نفسك فى حاجة انتى مش قدها اتاكد من نفسك الاول قبل ما تربط حياة شخص بيك محتاج لحب دور فيه على اللى حواليك اكيد فى ناس بتسال عليك جرب تحكى لحد بلاش اصحابك اهلك حتى عجبتنى جدا اغنية بتاعة مسلسل بتقول (ولاحد يشيل عنك همك الا اللى دمه من دمك) دور على الحب فى اخواتك فى مامتك فى باباك اكيد لاو انت حتى بدات هما كان هيبادولك نفس الشعور اسال على الناس هيسالوا عليك ومتقربش لعلاقة حب الا لو ............. كنت واثق ومتاكد من مشاعرك منقووووووول |
10-04-2008, 04:57 PM | رقم المشاركة : [2] |
مشرف منتدى الكمبيوترو الانترنت
|
ومتقربش لعلاقة حب الا لو ............. كنت واثق ومتاكد من مشاعرك عندك حق ياتريزا اغلب العلاقات دلوقتى بتنتهى بالفشل نتيجة التسرع وحب التجربه وغالبا اللى بيبقى خسران البنت |
|
|
10-05-2008, 11:45 PM | رقم المشاركة : [3] |
|
ميرسى لمرورك يا بيشوى
ربنا يحميك |
|
|
10-11-2008, 04:05 AM | رقم المشاركة : [4] |
عضو مبارك
|
بجد الحب ده مش حاجه سهله زي ماحنا متخيلين
ده مسئوليه بجد ومش مجرد كلام وينتهي وياريت نحافظ علي مشاعرنا ومنستهونش بيها |
|
|
10-13-2008, 03:19 AM | رقم المشاركة : [5] |
|
ميرسى لكلامك اوجاااااااا
ربنا يحميكى |
|
|
10-14-2008, 01:57 AM | رقم المشاركة : [6] |
|
شكرا تريزا بامانة موضوع مفيد وانا استفدت اوى
|
|
|
10-20-2008, 12:00 PM | رقم المشاركة : [7] |
|
ميرسى لمرورك يا يوحنا وردك
ويارب كلنا نستفاد دايما ربنا يحميك |
|
|
10-25-2008, 03:15 AM | رقم المشاركة : [8] |
|
ميرسى جدا على الموضوع الرائع ده
ربنا يعوضك |
11-02-2008, 01:44 AM | رقم المشاركة : [9] |
|
ميرسى مارو ع مرورك الجميل
ربنا يحميكى |
|
|
11-02-2008, 02:21 AM | رقم المشاركة : [10] |
مشرف قسم البرامج وقسم العالم فيه ايه ومنتدى الكشافه ومنتدى الكمبيوترو الانترنت
|
بصراحة الموضوع فى غاية الاهمية
وياريت لو تعرفي تتكلمى عن الفراغ العاطفى دي هتبقي جامدة جدا بس فعلا يارت ما حدش يدخل علاقة غير لما يكون متأكد من حبه شكرا لتعبك فى الموضوع |
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
أمية التصرف | حبيب يسوع | منتدى المرشد الروحى | 0 | 05-08-2012 09:47 PM |
القس فيلوباتير جميل: لا فرق بين السلفيين و«الإخوان».. وكلاهما خطر على مصر | بنت الست العدرا | منتدى اخبارالعالم المسيحى | 0 | 06-22-2011 03:01 PM |
حيثما هناك حياة. هناك أمل | sasso | منتدى التأملات | 5 | 07-16-2010 06:58 PM |
احذروا00هناك فرق | sherine magdy | كمبيوتر و انترنت | 1 | 02-04-2010 10:14 PM |
احدث قصيده لقداسه البابا با الهي اعمق الحب هواك | ARLPRESENT1 | منتدى قداسة البابا شنودة | 4 | 09-22-2008 05:28 PM |