منتديات الانبا تكلا هيمانوت
 
jquery Ads




العودة   منتديات الانبا تكلا هيمانوت > المنتدى المسيحى > منتدى المعجزات

الملاحظات

إضافة رد
 
أدوات الموضوع انواع عرض الموضوع
  #1  
قديم 05-16-2011, 11:29 PM
فينا غير متواجد حالياً

 


افتراضي معجزة عظيمة للانبا كاراس

معجزة عظيمة للانبا كاراس السرد لصاحبة المعجزة


في البداية المعجزة اشترك فيها قديسين كتير

القصة بدايتها أنى بعد ولادتي لابني فيلوباتير واللي تم بمعجزة برده ذكرتها قبل كده اتاخر الحمل جدا لمدة سنتين ونصف وبصراحة كنت أنا وجوزي زعلانين جدا فلجانا للدكتور اللي قال إن جوزي عنده دوالي كتيره لازم لها عملية لأنها بتأثر على الإنجاب طبعا جوزي زعل بشكل ما تتخيلهوش وعشان جوزي يخاف موت من العمليات رحنا لدكتور تانى فقاله إحنا نجرب كورس علاج لمدة 3 شهور ونشوف وفعلا ده اللي حصل وفى يوم وهو نايم شاف حلم إن فيه اتنين من الرهبان واحد لونه اسمر ودقنه بيضه وباين عليه الوقار قوى والتاني ابيض ودقنه بيضه للأسف هو مش قادر يحدد مين دول المهم راح جوزي يسلم عليهم ويا خد بركتهم بس كان زعلان بسبب موضوع الحمل وهو ماشى مسكه الأب الأبيض وقاله يا عماد ربنا هيديلك رد جوزي وهو حزين ماشى يا أبونا فقررها أبونا تانى صدقني ربنا هيديلك جوزي برده كان زعلان فرد أبونا وقاله يا عماد مش هيعدى شهر 8 إلا وربنا يديلك ودول أول اللي اشتركوا في المعجزة


تانى حاجه رحنا رحله لأديرة الصعيد ومن الأديرة الرائعة دير الشهداء بأخميم أتشفعنا هناك بكل الشهداء عشان ربنا يدينا طفل تانى ورجعنا من الرحلة وإحنا فرحانين ومرتاحين وفى الفترة دي جوزي صمم انه ما يكملش العلاج وفى يوم جوزي وهو نايم شاف انه موجود جوه كنيسة ورهبان قاعدين أخد بركتهم ولقي شماس قاعد لوحده فراح عنده وطلب منه انه يصلي له فرد الشماس وقاله أنا مين عشان اصلي لك جوزي قاله صلى لي ربنا يدينا فقاله يا عماد أول ما تقوم من النوم الصبح خلى مراتك تدهن لك بزيت شهداء اخميم مكان الدوالي 3 صلبان وربنا هيديلك جوزي قاله بس أنا مش عارف الزيت بتاع الشهداء لانى جبت زيت كتير فرد الشماس وقاله كلهم بركة بعض فقاله جوزي طيب انا هعمل تحليل اتاكد إن ربنا شفاني قاله الشماس ادهن وبعدين روح حلل على طول وفعلا عملنا كده بالظبط أول ما قام جوزي وحكى لى الحلم وراح حلل وكانت المفاجأة الدكتور قاله لايمكن التحليل الأول يكون بتاع نفس الشخص اللى عمل التحليل التانى التحليل الأول واحد لازم يعمل عملية والتحليل التانى بتاع شخص سليم ممكن يخلف مع العلم ان جوزي بطل علاج يعنى الطبيعى يبقى التحليل اسوأ من الاول وتمت المعجزه يبقى شهداء اخميم تانى اللى اشتركوا فى المعجزة


احنا متعودين انا وجوزى من 3 سنين نعمل ندر للانبا كاراس يوم 15/7 من كل سنه فى عيده
وفى يوم 10/8 عرفت انى حامل وما تتخيلوش مدى سعادتنا لانها معجزه بكل المقاييس ولما رحت للدكتور اتفاجئنا انه بيقول ان اول يوم من الحمل هو 15/7 شفتوا بقى المعجزه كمان الانبا كاراس كان معانا وبكده اتحققت الرؤيا اللى شافها جوزى انه مش هيعدى شهر 8 الا وربنا هيدينا


صلولى بقى عشان ربنا يكمل الحمل بخير وماتنسوش حفلة كبيرة يوم 15/4 ميعاد الولادة

بركه كل القديسين وشهداء اخميم والانبا كاراس تكون معاكم وتفرحكم


اذكروني في صلاتكم
التوقيع:
رد مع اقتباس
قديم 08-03-2011, 04:51 PM   رقم المشاركة : [2]
عضو مبارك
 
افتراضي

شفاعة الانبا كاراس معاكم ومعنا

اميييييييييييييييييييييييين


التوقيع:

نصيف خلف قديس غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
معجزة بشفاعة الانبا كاراس السائح نصيف خلف قديس منتدى المعجزات 8 11-30-2010 09:18 AM
تمجيد للانبا كاراس نصيف خلف قديس مدائح القديسين و الشهداء 3 06-28-2010 10:06 PM
سيرة الأنبا كاراس السائح toti منتدى سير القديسين 1 02-14-2009 12:53 AM
معجزه انجب ابنى كاراس بعد اربع سنوات بشفاعة الانبا كاراس فايز فوزى منتدى المعجزات 8 11-13-2008 04:56 PM
مديح للانبا كاراس انهاردة عيدة بنت البابا مدائح القديسين و الشهداء 7 08-02-2008 01:38 AM


الساعة الآن 04:13 PM


† هدف خدمتنا: "‎ذوقوا وانظروا ما أطيب الرب‎" مزمور 34 : 8 †
† مبدأ خدمتنا: "ملعون من يعمل عمل الرب برخاء‎" ارميا 48 : 10 †
† شعار خدمتنا: "ليس لنا يا رب ليس لنا لكن لاسمك أعط مجدا‎" مزمور 115 : 1 †