منتديات الانبا تكلا هيمانوت
 
jquery Ads




العودة   منتديات الانبا تكلا هيمانوت > المنتدى الترفيهى > المنتدى الفكاهى

الملاحظات

إضافة رد
 
أدوات الموضوع انواع عرض الموضوع
  #1  
قديم 06-25-2008, 10:04 AM
زائر
 

افتراضي حكايه كل شباب النهارده

حكايه كل شباب النهارده...حنشوفها في شخص(ميزو) الطالب الجامعي المتخرج من 4 سنين من صيدله السنبلاوين..و حبيبته (سمسمه), بكالوريوس هندسه قسم ( كهربه أفراح ) !



اول مره شافها فيها........
ميزو:تتجوزيني؟
سمسمه:أفندم؟
ميزو:بقولك تتجوزيني؟
سمسمه:لأ طبعا!
ميزو:ليه بقى؟
سمسمه:بصراحة كدة شكلك مش عاجبني..
ميزو:إزاي يعني؟
سمسمه:أصل أنا ليا مواصفات معينة لفارس أحلامي.
ميزو:مواصفات معينة؟..هو انتي هتتجوزي عربية؟
*****



و بعدها بسنه....
ميزو:تتجوزيني ؟
سمسمه:إيه ده؟ شكلك اتغير!
ميزو:إيه رأيك ؟
سمسمه:حلو النيو لوك ده..شعرك بقة ناعم!
ميزو:دي باروكه
سمسمه:ودي عدسات خضراء ؟
ميزو:أيوة
سمسمه:بس بجد .. بقيت وسيم .. بقيت شبه نيكولاس كيج !
ميزو:مين بنكرياس كيج ده ؟
سمسمه:بنكرياس ؟!! ياي ..ده انت مش ستايل خالص..
ميزو:ستايل دي تبقى شتيمه ؟
*****



و بعدها بسنه كمان....
ميزو:تتجوزيني ؟
سمسمه:عندك عربية موديل كام ؟
ميزو:موديل دي تبقى شتيمة ؟
*****



كمان سنه....
ميزو:تتجوزيني ؟
سمسمه:قوللي الأول .. حاطط أنهي نغمة عالموبايل ؟
ميزو:موبايل دي تبقى شتيمة ؟
*****



.....سنه.....
ميزو:تتجوزيني ؟
سمسمه:ما قلتليش .. إنت بتشتغل إيه ؟
ميزو:أنا -بلا فخر- عاطل
سمسمه:عاطل ؟
ميزو:مش أحسن من اللي ما بيشتغلش ؟
*****



............ ........
ميزو:تتجوزيني ؟
سمسمه:لقيت شغل ؟
ميزو:أيوة طبعًا .. سنتين وأنا بادور .. أخيرًا لقيت
سمسمه:وإيه هو ؟
ميزو:سواق تاكسي
سمسمه:ياي !
ميزو:ياي دي تبقى شتيمه ؟
*****



مش فاكر بعدها بأد ايه....
ميزو:تتجوزيني ؟
سمسمه:جمعت مبلغ كويس ؟
ميزو:طبعًا .. مبلغ كبير جدًا
سمسمه:قد إيه يعني ؟
ميزو:ألف جنيه
سمسمه:نعم ؟!!!
ميزو:يعني موافقة ؟
سمسمه:بقولك ايه..شيل الموضوع ده من دماغك و خليك فريش
ميزو:فريش دي تبقى شتيمه ؟
*****



انتو معايه ولا نمتو ؟؟؟؟؟
ميزو:تتجوزيني ؟
سمسمه:عندك شقة ؟
ميزو:طبعًا .. أودة على السطوح
سمسمه:نعم ؟!!
ميزو:إيه المشكلة ؟! .. أحسن ما ننام في الشارع !
سمسمه:في الشارع ؟!
ميزو:وكلها كام سنة وأجيبلك أحسن شقة في الدنيا
سمسمه:بس اعمل حسابك...انا عايزه شقه تكون فانتاستيك
ميزو:فانتاستيك دي تبقى شتيمه ؟
*****



والله ما فاكر بعدها بكام سنه....
ميزو:تتجوزيني ؟
سمسمه:جبت الشقة ؟
ميزو:أيوة...خدت شقه في مساكن الزلزال
سمسمه:نعم ؟!!
ميزو:بس ما فيهاش حمام
*****



ميزو:تتجوزيني ؟
سمسمه:إنت تاني ؟
ميزو:جبتلك حمّام إنما إيه
سمسمه:خليه ينفعك
ميزو:خلاص...هاكتبه باسمك!!!
*****



بعد سنين....
ميزو:هتتجوزيني ولا أولع فيكي ؟
سمسمه:ومالك محروق كدة ؟
ميزو:ماهو حكايتنا طولت قوي .. طولت أكتر من اللازم
سمسمه:إنت ليه متمسك بيا أوي كدة يا ميزو؟
ميزو:أصل .. أصل ..
سمسمه:أصل إيه ؟
ميزو:أصل أنا بحبك
سمسمه:بحبك ؟!! اسمها i love u يا جاهل
ميزو: i love u دي تبقى شتيمة ؟
*****



بعدها بسنين تانيه......
ميزو:تتجوزيني ؟
سمسمه:أنا بصراحة .. مش شايفة إن في حد في العالم يستاهلني
ميزو:يا سلام ! .. ليه ؟
سمسمه:عشان أنا جميلة .. دمي خفيف .. رشيقة .. رقيقة
ميزو:رقيقة ؟! .. ده انت بدأتي تقشفي
سمسمه:فشر !
ميزو:فوقي لنفسك .. العمر بيجري
سمسمه:أنا مصرة على رأيي
ميزو:يعني إيه ؟
سمسمه:يعني اقطع معايا
ميزو:بعد كل السنين دي ؟! .. بعد كل الحب ده ؟!!
سمسمه:بقولك ايه..بلاش تراجيديا
ميزو:تراجيديا دي تبقى شتيمة ؟
*****



بعد سنين أكتر من اللي فاتو ....
ميزو:تتجوشيني ؟
سمسمه:إيه ؟
ميزو:تتجوشييينييييييي ؟
سمسمه:إنت مين ؟
ميزو:أنا حبيبك يا هبلة .. البشي النضارة عشان تشوفيني
سمسمه:أشلي مش شايفاها
ميزو:ماهي قدامك على الترابيزة
سمسمه:أنا لزيزه ؟!!
ميزو:على الترابيييييييييزه
سمسمه:أيوة لقيتها
ميزو:البشيها بقة
سمسمه:ططييبب
ميزو:عينيكي فوق شوية يا سماسم .. ده بقك ..
سمسمه:طيب لبشهالي إنت
ميزو:عقبال ما البشك الدبلة
سمسمه:ما تكشفنيش يا ميشو بقي .. كنت بتقول إيه بقى ؟
ميزو:كنت بقول تتجوشينيي ؟
سمسمه:أكوشك ؟ .. إزاي ؟
ميزو:يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
سمسمه:شيبني أفكر
ميزو:أفكر دي تبقى شتيمه ؟!!
*****



على فراش الموت......
ميزو:تـ…كوح..تتـ..كوح كاح..تتكو..كوح..تتكوشـ..كوح كوح..يني ؟
سمسمه:مش شامعة
ميزو:هـ..و..ه..كوح كاح ..هوه إنتي..كوح..معرفتيـ..ش..كوح
سمسمه:إيه ؟
ميزو:لا.. كوح..أبدًا .. كوح .. كنت … كح كح .. بأكح
سمسمه:بتكح ؟!!!! .. شلامتك .. ما قلتليش ليه ؟
ميزو:هو .. كوح .. إنتي .. لشة .. عارفـ .. ـة .. كوح كوح
سمسمه:بتقول إيه ؟
ميزو:قو..كوح..لتي..كيح..ايه..يا..كوح..ولية..تتـ..ج و..شيـ..نـي ؟
سمسمه:أجوشك ؟!! .. طب بش خد الدوا الأول
ميزو:يا وليـ .. ـة..كوح..مش..كوح..وقته..كوح
سمسمه:موافقة .. موافقة يا حاج..
ميزو:أخيـ..راااااً..كوح..كدة...أموت..كوح..وأنا..كو ح...مرتاااااااح
سمسمه:مرتاح دي تبقى شتيمه ؟؟؟؟؟؟؟؟؟!!!!!!!!!!!!
رد مع اقتباس
قديم 06-25-2008, 03:09 PM   رقم المشاركة : [2]
عضو مبارك
 
avatakla

هههههههههههههههههه

ايه المأساه دى يا ابانوب ليه كدة يابنى حرام عليك

لذيذه يا ابانوب ميرسى


pinknora غير متواجد حالياً   رد مع اقتباس
قديم 06-25-2008, 03:13 PM   رقم المشاركة : [3]
مشرف منتدى الكمبيوترو الانترنت

الصورة الرمزية pishoy
 
افتراضي

هههههههههههههههه

قطيعه تقطع الحب وسنينه


pishoy غير متواجد حالياً   رد مع اقتباس
قديم 06-25-2008, 03:40 PM   رقم المشاركة : [4]
عضو مبارك
 
افتراضي

يا حول الله يارب ليه كل ده كوح كوح


ايه اللي رمي ميزو علي المر ده كله كوح كوح


بس الحمد لله النهايه كانت سعيده


oja غير متواجد حالياً   رد مع اقتباس
قديم 06-25-2008, 05:20 PM   رقم المشاركة : [5]

 
افتراضي

بجد جامده اوى
ميزو صعبان عليا اووووووووى


التوقيع:
اللى تكون العدرا امه محدش يشيل همه يرتاح ولا يهمه ولحضن يسوع تضمه
dodo1 غير متواجد حالياً   رد مع اقتباس
قديم 06-25-2008, 05:45 PM   رقم المشاركة : [6]

 
افتراضي

كوح كاح كوح
يارب يا ساتر
هههههههههههههههههه
حلوة اوى يا ابانوب
متخفش حلوة دى مش شتيمة هههههههههههههه


white_heart غير متواجد حالياً   رد مع اقتباس
قديم 06-29-2008, 02:36 PM   رقم المشاركة : [7]

 
افتراضي

ههههههههههههههههههههههههههه
بصراحه انا اتعديت من ميزو
كوح كوح كوح


التوقيع: عندما تبكي بشده ويعتصر قلبك بالحزن ........ثق ان الله يعد دموعك دمعه دمعه
Mero_love غير متواجد حالياً   رد مع اقتباس
قديم 06-29-2008, 03:16 PM   رقم المشاركة : [8]

 
افتراضي

عسل عسل يا بيتهوفن هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههه


التوقيع:
"على هدبي ظل الموت,روحي تلفت,أيامي أنطفأت,انما القبور لي"(أي61,17)









yoyo2008 غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
جاى يا ابنى اعاتبك النهارده بنت الست العدرا منتدى التأملات 1 09-02-2011 05:35 AM
حكايه صديقي فينا منتدى التأملات 3 03-07-2011 05:49 PM
حكايه ولد lostlove المنتدى الادبى 13 04-13-2010 03:24 AM
حكايه فيلم lostlove المنتدى الادبى 8 04-11-2010 06:24 PM
شباب شبات عاوزين شغل مريح و مربح و مش عن طرق النت ام هارفى منتدى وظائف 1 02-27-2010 01:58 PM


الساعة الآن 08:38 PM


† هدف خدمتنا: "‎ذوقوا وانظروا ما أطيب الرب‎" مزمور 34 : 8 †
† مبدأ خدمتنا: "ملعون من يعمل عمل الرب برخاء‎" ارميا 48 : 10 †
† شعار خدمتنا: "ليس لنا يا رب ليس لنا لكن لاسمك أعط مجدا‎" مزمور 115 : 1 †