نفسك تعترف ؟ ومش عارف هتقول اية ؟ تعال اغششك

نفسك تعترف؟
مستنى ايه؟
خايف؟ محرج؟ مش عارف هتقول ايه؟
ساعات بتبقا محضر كلام كتير وبتلاقيك مش بتقوله؟
بتنسا حاجات كتير فى الاعتراف؟
حاسس خطاياك مكررة ومش بتقول غيرها رغم انك حاسس ان فيه اكتر؟

عايز تخرج مرتاح اوى بجد ومتاكد ان مفيش ولا فتفوتة فوتها ؟

آباء كتير بينصحوا بانك تكتب بس ساعات مبتعرفش تكتب ايه!!!

وفيه بيقولوا نمسك مرشد بس مش عارفين نجيبه منين وساعات مبيبقاش كفاية وساعات مش بنلاقيه فى الكنيسة!!

احنا جبنالك المرشد لغاية عندك
كل اللى عليك تنقله او تطبعه
ورقة مش هتكلفك غير 50 قرش
وممكن كمان يكون عندك طابعة وتطبعها ببلاش
بس هتكون عندك غالية اوى
بس جرب
ومش هتندم
وصورها كمان لصحابك



"إن اعترفنا بخطايانا فهو أمين وعادل حتى يغفر لنا خطايانا ويطهرنا من كل إثم " (1يو 9:1)



أولا : من جهة العبادة :


· الصلاة :


1) هل أنت مواظب عليها ؟
2) متى تصلى؟ وهل تختبر الصلاة في كل حين ؟
3) هل تصلى بالمزامير ؟ وان كنت لا تصلى بها فلماذا ؟
4) هل صلاتك بحرارة قلب وشعور بالوجود في حضرة الله ؟
5) هل يشرد عقلك أثناء الصلاة ؟
6) هل تصلى من أجل نموك الروحي – الآخرين – مضايقيك ؟


· الصوم :


1) هل تصوم كل أصوم الكنيسة ؟ الأربعاء والجمعة ؟
2) هل لك فترة انقطاع في أصوامك ؟ وما مقدارها ؟


· العطاء :


1) هل أنت أمين في تقديم العشور؟ أم تعطى أكثر؟
2) ما هو شعورك وأنت تعطى ؟ هل شعور بالحب –أم شعور بالزهو ؟


· الاعتراف والتناول :


1) هل أنت مواظب على الاعتراف ؟ آخر مرة اعترفت فيها ؟
2) هل تشعر أن في نفسك شيئا تحاول أن تخفيه عن أب اعترافك ؟
3) هل تستعد وتحاسب نفسك جيدا قبل الاعتراف ؟
4) هل هناك أشياء مكررة في اعترافاتك تشعر أنها خطايا ثابتة ؟
5) هل أنت مواظب على التناول ؟ آخر مرة تناولت فيها ؟


· القراءات الروحية :


1) هل أنت مواظب على قراءة الكتاب المقدس ؟ كيف تقرأه ؟
2) متوسط الوقت الذي تعطيه للقراءات الروحية يوميا ؟
3) هل تقرأ كتبا دينية أخرى ؟
4) هل لديك قراءات عالمية ؟ هل تقرأ ما يعثر أحيانا ؟


· الذهاب للكنيسة :


1) هل أنت مواظب على ذلك ؟ هل هناك موانع ؟
2) هل تحضر القداسات وأنت صائم أم وأنت مفطر ؟
3) هل تغفل أحيانا أو تسرح في القداس ؟ هل تتحدث أو تمرح أثناء صلاة القداس ؟
4)هل تحضر مبكرا أم متأخرا ؟ وهل تحضر الصلاة كلها ؟
5) هل تحضر اجتماعات أخرى غير القداسات ؟
6) هل لك خدمة في الكنيسة ؟ ما هي ؟ هل أنت أمين عليها ؟ مشاكلها ؟


· التداريب الروحية :


1) هل هناك فضائل تحب أن تدرب نفسك عليها ؟ ما هي؟




ثانيا : بعض أنواع الخطايا :


· خطايا اللسان :


1) كذب . نميمة . إدانة . تجديف . شتيمة . تهكم . مزاح رديء . مناقشات غبية . كلام غير لائق . حلفان . كلام جارح.


2) هل أنت كثير الكلام ؟ هل تفكر قبل الكلام ؟ هل تتدخل أحيانا فيما لا يعنيك ؟ هل تستعمل ألفاظا لا تمجد الله ؟


3) هل تحب أن تعلم وتوبخ وتنصح غيرك حتى من هو أكبر منك سنا ؟ هل تغنى أغاني عالمية ؟


4) طريقتك في الكلام : بصوت عالي . باندفاع . تقاطع من يحادثك ؟


· خطايا الفعل :


1) زنا . قتل . خصام . تسبب فى العثرات . سرقة . رقص . سماع اغانى او اشياء لاتمجد ربنا . شجار . سكر . تدخين . إهمال . عصيان . عادات رديئة . غش . نظرات شريرة . عدد مرات تكرار الخطية ؟ مع من أخطأت ؟


2) ما هي الأسباب التي تقودك للخطية ؟ هل حاولت أن تتوب وما مدى نجاحك في ذلك ؟


· خطايا الفكر :


1) زنا (من نظر إلى امرأة ليشتهيها فقد زنا بها في قلبه) . غضب . خوف . كبرياء . تجديف . نميمة . إدانة. حسد. غيرة . تذمر . حقد . كره . شهوة. طمع . تفكير فى الانتحار . يأس . حزن.


2) هل يحاربك الفكر من الخارج وتحاول أن تطرده أم تستجيب له؟ هل يتحول الفكر إلى شهوة أحيانا فيغريك على الخطية بالفعل ؟


3)هل تشغلك أفكار بخصوص اهتمامات العالم ومشاكله وأحزانه ؟ ما الذي يشغل تفكيرك ويضايقك ويفقدك سلامك في هذه الأيام ؟



ثالثا علاقتك بالناس:


1) هل علاقتك بالناس حسنة؟ كبار . صغار . أفراد الأسرة . زملاء الدراسة أو العمل . الأصحاب والأصدقاء . أساتذتك . رؤساءك . مرؤسيك .


2) هل تسئ إلى الناس أحيانا ؟ بحجة الدفاع عن الحق . المزاح . الجهل . النسيان . هل تعتذر ؟


3) هل أنت سريع الغضب ؟ ما هي مظاهر غضبك ؟ ( غضب داخلي . حدة في الصوت . كلاما جارحا . شتيمة . عراك . ضرب ... )


4) هل تصرف غضبك بسرعة ؟ أم يبقى معك مدة؟ هل تحول إلى حقد.كراهية ؟ إن كنت قد تخاصمت فهل تصالحت؟ وهل بادرت بالمصالحة ؟


5) ما هو مقدار فضيلة الاحتمال عندك ؟ وفضيلة التسامح ؟ ومحبة الأعداء ؟ هل تحسن إلى من يسئ إليك و تحب من تشعر انه يبغضك؟


6)هل أنت مقصر في حق أحد ؟ هل تؤدى واجبك الآن كاملا ؟ أم لازلت مقصرا ؟ هل لك صحبة شريرة مع أحد ؟ مع من ؟


7) هل تحب مديح الناس ؟ هل تسعى إلى ذلك ؟ وكيف ؟ وما هو شعورك إذا ذمك أحد أو تجاهلك أو عارضك .




صلوا من اجلى

منقووووووووووووووووووووووول

الموضوع جميل اوى ومهم اوى ربنا يعوضك

الموضوع رائع وبجد الاسئله دي ممكن تبسطلنا الاعتراف اللي احنا شايفينه صعب اوي

ميرسي ليكي كتير بنت البابا موضوع رائع فعلا يعني كل الحكايه الواحد يحط علامه علي الخطيه اللي عملها من الخطايا دي ولو عنده تعليق عليها يكتبه............كده بقي الاعتراف سهل جدا
ربنا يبارك حياتك

ميرسى ليكى بنت البابا
موضوع فعلا مهم
العدرا تحافظ عليكى

بجد موضوع جميل جدا يا(بنت البابا)
والاسئله دى مهمه جدااا
ربنا يبارككـ

شكرا يا بنت البابا علي الموضوع الجميل ده

بجد الموضوع كويس بس ياتري


فين اب الاعتراف اللي هيستحملك لكل ده متنساش الاب الكاهن


عنده اعترافات كتيييييييييير اول وبعدين فجاه بتلاقي اب الاعتراف


قام وقف وده معناه خلاص كفايه

شكرا جد ا على مرروركم

بس ليا تعليققققق على كلام فرفورة

فرفورة حبيبتى مش علشان اب الاعتراف مستعجل مثلا انا معترفششششششش او اقول اى حاجة وخلاص ومشى حالك لا دة انا كل حياااااااااااااتى بتتوقف على الاعتراف يعنى لو فى حاجة معترفتش بيها هتمنعنى من دخولى للسمااااااااااا

وساعتها مش هقف قدام ربنا واقولة اصل اب اعترافى مكنش عندة وقت
هيرد يقولى " انت بلا عذر ايها الانسان" اختار اب اعتراف تكونى مستريحالة واختارى الوقت الصح الى يكون فية فاضى يعنى مش معقول
مشغول على طول وكمان حتى لو مشغول وعاوز يخلص انتى قوليلة انا لسة مخلصتش ياابونا مش هيقدر يقوللك بعدين لان محدش ضامن عمرررررررة يمكن ميكونش فى بعدين فهيكون زنبمك فى رقبتةةةةةةةةة هو

اشكرك اختى بنت البابا الموضوع اكثر من رائع وياريت لو كل واحد يقدر يطبع المنهج الرائع المتكامل ده ويبروزه ويعلقه امام حجرة الكاهن عشان نراجع قبل ما ندخل وكمان عشان ربنا يدينا نعمة اننا ننشغل بخطايانا ولا نتململ من كثرة الانتظار ويستغل عدو الخير الموضوع ده

ولنتـــــــــذكر

 ليس الاعتراف هو ان تجلس لكى تحكى حكايات إنما الاعتراف هو أن تجلس لتدين نفسك امام الاب الكاهن.

 ليس الاعتراف هو ان تجلس لتشكو غيرك , بل لتشكو نفسك.
 الاعتراف لابد ان تشعر فيه بالندم , تعترف لله فى وجود الاب الكاهن.
 قلب الفهيم يطلب معرفة وفم الجهال يرعى حماقة
 أطلب التوبة فى كل لحظة ، ولا تدع نفسك للكسل لحظة واحدة .

لأنـــــــــــــــــــــــــــــــــــــــــــــه

حين نتوب فإن المسيح يلقي بخطايانا في بحر النسيان ، ويكتب يافطة مكتوب عليها :

ممنوع الصيد .

مرة تانية شكرا ليك جدا على موضوعاتك اللى بتبنى