لتكن يدك لمعونتى

حاسين بالضيق والخنقه والظلم والاضطهاد
حاسين ان الدنيا ضاقيت حوالينا وبقيت ضلمه
حاسين ان ربنا بعيد عننا ومش سامع صراخنا
حاسين اننا مش فاهمين ليه ربنا ساكت على دماء ولادة
حاسين بالجهل لما بنسال ليه ربنا سامح بكل دة يحصل
...حاسين اننا واقفين عاجزين ومفيش في ادينا حاجه نعملها

لا انت تقدر تعمل حجات كتير عارف ممكن تعمل ايه تعالا وانا اقولك
اولا
الصلاه:
"فَرِحِينَ فِي الرَّجَاءِ، صَابِرِينَ فِي الضَّيْقِ، مُواظِبِينَ عَلَى الصَّلاَةِ" (رسالة بولس الرسول إلى أهل رومية 12: 12)
الصلاه معناها الايمان معناها الرجاء معناها تواصل مع الله
الصلاه هى اللى نقلت جبل المقطم
الصلاه بقوتها بتخرج الشياطين تصرخ
الصلاه بلجاجه سمع لها الرب من حنه وايدلها صموئيل ورفع راسها
الصلاه هى اللى حلت قيود السجن
الصلاه هى ملجأنا الوحيد
ثانيا
الصوم:
"صرخ كل الشعب إلى الرب بابتهال عظيم، وذَلَّلوا نفوسهم بالصوم والصلاة هم ونساؤهم" (سفر يهوديت 4: 8)
الصوم هو اللى خلص شعب نيناوى
الصوم هو زل للجسد ورفع من مستوى الروح

ثالثا
التوبه:
"لكنك ترحم الجميع لانك قادر على كل شيء وتتغاضى عن خطايا الناس لكي يتوبوا" (سفر الحكمة 11: 24)
التوبه بتقربنا من ربنا وبتخلينا نحس بحنانه
التوبه بتخلينا نشعر بسلام داخلى
التوبه بتخلينا نتقبل مشيئه ربنا
التوبه بتخلينا دايما مستعدين للقاء الله

لو عملنا ال3 حجات دول من اعماق قلوبنا هنشعر بالخلاص وهنشعر بحضرة الله الله في وسطنا دايما ونعرف ساعتها حكمه ربنا وانه فعلا جه عشان يدعو خطاه مش ابرار واد ايه هو عايزنا نقرب منه ونجري على حضنه
وافتكرو دايما انه قال في العالم سيكون لكم ضيق ولكن ثقو انا قد غلبت العالم
واحنا واثقين انه هيغلب قوة الشر
ربنا يدينا النعمه والقوة اننا ننفذ مشيئته بفرح

ربى والهى يسوع المسيح بعظمك يارب على نعمتك ....كتير فاكرين اننا فى منحة لا بالعكس يارب احنا فى منحة انت مديهالنا بجد بنشكرك عليها .....لكن يارب لينا طلب عندك المس قلوبنا وخلينا دايما فى حالة استعداد اننا نقابلك ...امين
موضوع هايل بنت الست العدرا...ميرسى

شكرا ليكى فوفا على مرورك الجميل
ربنا يعوض تعب محبتك