لعبه كرسى الاعتراف

يا جماعه هو ايه النظام بعد كده

مش المفروض الاستاذ ثروت يختار واحد

ولا ايه انا مش فاهم

[align=center]
المفروض ان الاستاذ ثروت يختار واحد

واكيد مش هيكسفنا ويختار ارسانى
[/align]

لا طبعا اكيد هكسفكم استاذنا كلنا لسه مخلص باقى الاسئله


صح ولا ايه وبعدين اكيد هو هيختار حد غيرى ودى حاجه انا واثق منها

انا منفعش انا اتسئل بس ممكن اسائل لالالالالالالا

وبعدين الكبير الاول وانت اكبر يا بيشوى وميناوبنت الانبا تكلا هتيجوا عليا انا عيب كده بجد

حرام ده ظلم

ارسو ع حد بقى الواحد قرب يحوووووول

هو المفروض بس الاستاذ يخلص اجابات على الاسئلة وبعدين هو اللى هيختار كبير او صوغير مش هتفرق الكرسي مش بيشوف مين عليه المهم انو هتسأل

كده الموضوع فى ايد الاستاذ هو صاحب القرار

[align=center]
احنا نستنى بس لما النت يتظبط عنده ويخلص بقيت الاسئله

ويختار هو
[/align]

خلو الكلام اوى يا ريت بسورعا شوىة

خليكوا شاهدين على ارسانى لف ووقف فى الطابور مرة تانى وبيسأل وهو مش عارف ان ما يزرعه الانسان اياه يحصد وانا هيجى اليوم اللى هيقعد هيقعد على الكرسى بس بصراحة على قلبى زى العسل .

نيجى بقى نجاوب بقية الاسئلة عشان انا محضر لكم مفاجأة كبيرة اوى فى اللى هيفعد على الكرسى ده المرة اللى جاية .

بتعرف تطبخ ولا لأ؟؟؟؟
بصرف نفسى كده فى حاجات بسيطة تفك زنقة .

لو كنت برة وقابلت ناس مهمة وادبست فى عزومة تمااام وبعد ما خلصتوا أكل أكتشفت أنك مش معاك فلوس هاتعمل ايه ؟؟طبعا ممنوع استخدام الموبيلات
1. هستخدم الفيزا كارد ولو طلع محل خمس كم ومافيهوش البتاعة ديه اللى انا قولت عليها يبقى مافيش غير التصرف اللى جاى .
2. اقلع البدلة ومن سكات كده أسأل عن مكان المطبخ فين وادخل عدل على المطبخ اغسل المواعين لغاية ما يبان لى صاحب .


لو فى الكنيسة طلبوا منك خدمة مهمة فى بلد غريبة لمده شهرين تلاتة وطبعا مفيش كمبيوتر و لا كمان لاب توب ولا حتى موبيلات هاتوافق عليها ولا لأ ؟؟؟ ولماذا؟؟؟
طالما خدمة ومن ايد ربنا مافتكرش هقدر ارفضها



أذكر لي موقف مضحك حصل لك
حقيقى مش حاضر فى ذهنى حاجة دلوقتى على الرغم انى بحب الضحك جدا .

موقف محرج حصل لك
موقف محزن حصل لك
سبق الاجابة عليه

موقف سعيد حصل لك
فيه مواقف كتيرة سعيدة فى حياتى

موقف الحظ وقف فيه إلى جانبك
مش بركن اوى على الحظ انا بحب اشتغل وابذل اقصى جهد عندى فى الى عمل بأكلف بيه ومن اى نةع وبعد كده التوفيق من عند ربنا


البلدة إلي تحبها
يعنى انا بحب الزقازيق انا قضيت فيها سنة اولى كلية تجارة وانا بحب البلد ديه وناسها طيبين اوى .

البلدة إلي تكرهها
ربنا ما يجيب كره لان مش معنى ان واحد او مجموعة فى مكان ما أضروا بيك او ضايقوك يبقى ناس المكان ده كلهم كده


كم مرة تعرضة للخيانة
شوف انا هتكلم عن الخيانة ليس بمعناها الضيق ولكن انا بعتبر عدم وفاء الصديق لصديقه ده فى حد ذاته خيانة وانا كثيرا فى مجال العمل تعرضت لكده انك بتمد ايد المساعدة للجميع بدون استثناء وتقدم الخير بس الغريبة انك بتلاقى الرد غريب جدا عامة ده اتجاه عام ولا اريد الخوض فى تفاصيل اكثر من ذلك .


إذا تعرضت للخيانة ايه شعورك لحظتها
طبعا يبقى احساس مؤلم جدا جدا

هل تؤمن بوجود صداقة حقيقية
طبعا اجمل شئ فى الدنيا الصداقة هو فيه اى انسان يقدر يعيش من غير صداقة واحيانا الصديق بيكون اقرب اليك من القريب بس لما يكون موثوق فيه طبعا .

ما هو اكثر مشروب لاتستطيع الاستغناء عنه
الكركديه الساقع

ما هو لونك المفضل
الالوان الغامقة بصفة عامة بتستهوينى

ماهي اجمل مرحله في حياتيك
كل مرحلة بيبقى ليها مذاق خاص عن المرحلة اللى قبلها ومتقدرش تقول ان فيه مرحلة احلى من التانية

هل لديكم اقوال اخرى قبل اقفال المحضر واخالة كافة الاوراق لاتخاذ الحكم النهائى بشأنها .

تقريبا كده خلاص

شوفوا بقى يا احبائى انا بشكركم جدا على اختياركم لى ان اكون اول واحد يقعد على الكرسى ده وده تشريف لى وبصراحة كانت رحلة بجد ممتعة قربتنا من بعض جدا كمان كلنا هنقعد على الكرسى ده يعنى الموضوع مش قاصر على المشرفين لا طبعا كل واحد يبقى مجهز نفسه انه هيقعد وصدقونى ممكن نفاجئ واحد او واحدة يكون لسه مسجل وناخده ونقعده على الكرسى ده لكن الحقيقة اللى كان احق منى فى انه يقعد على الكرسى ده ناس كتير اوى فى المنتدى اولهم شخص مختفى جدا مش بيحب يظهر خالص شخص هو وراء المجهود اللى بيبذل ده كله وهو تقريبا اللى بيعمل كل حاجة وبيمسحها فينا عشان هو يختفى لانه بيحب يشتغل فى الخفاء .


هو شخص بيؤمن أوى بالمقولة ديه ( ان اردت ان تكون معروفا من الله فاحرص الا تكون معروفا عند الناس ).

وانا بينى وبين نفسى مكنتش بحب اتكلم عنه كتير لسببين اولهما حسب طلبه والتانى لانى كنت عاوزه ياخد المكافأة كلها على بعضها فى السماء من رب المجد يسوع .

لكن مش اخبى عليكم انى فى الفترة الاخيرة وجدت نفسى مدفوعا من الداخل ان اعلن عن هذا الشخص الذى يحمل هذا المنتدى على كتفيه بعد رب المجد يسوع طبعا والانبا تكلا شفيع المنتدى .
ضيف الكرسى هو :

حبيب يسوع

عاشق مارمينا

عرفتوه ولا لسه مش معقول تكونوا لسه

ضيفنا هو

[align=center][table1="width:95%;"][cell="filter:;"][align=center]افاتكلا [/align][/cell][/table1][/align]

[align=center]مدير عام المنتدى [/align]

عاوزكم بقى تفتحوا معاه حوار من كل قلبكم عشان تعرفوا ان فيه شباب بيخدم المسيح من كل قلبه واسألوه عن اى حاجة تحبوا تعرفوها .

[align=center]
بتمنى لكم وبتمنى له حوار ممتع

والمسيح معاكم كلكم
[/align]

بجد يا مصري انت شرفت ونورت الكرسي

وكان حوار شيق معاك

بشكرك علي اجاباتك الرائعه ومجهودك الرائع في المنتدي