موضوع للمناقشة .رأيك ايه ؟

سلام المسيح مع جميعكم
كلنا تابعنا خلال الفترة الماضية اجواء استعدادات مصر لمباراتها مع الجزائر وقد ايه مصر كلها بكل ما فيها مسيحى ومسلم رجال وسيدات شباب وكبار وحتى الاطفال واد ايه ملتفين كلنا حوالين علم مصر ونبنفتخر بيه وكله نسى انتماءاته وكلنا فرحنا لنتيجة المباراة الاولى يوم 14/11 وللاسف الشديد شوفنا الاحداث المؤسفة بعد مباراة فريقنا فى السودان وتعرض رموز الدولة وفنانينا للاهانة وفى الوقت اللى كان مشاهدينا من فنانين ووزراء ومسئولين كان جمهورهم من البلطجية وخريجى السجون و سخرت لهم الطائرات الحربية لنقل هؤلاء الى السودان بدون مقابل حاملين كل انواع الاسلحة وولادنا رجعوا بعد تدخل من رأس الدولة عشان ولادنا يرجعوا من السودان.
عاوز اعرف رأيكم فى هذا الموضوع

• هل من رأيكم ان مصر تقاطع الجزائر فى كل البطولات التى تشترك فيها .
• هل نقاطع هذه البلد سياسيا .
• هل نسحب اسثثماراتنا من الجزائر بعد الخسائر اللى تعرضت لها شركاتنا وخاصة اوراسكوم والمقاولون العرب ومصر للطيران.
• هل من رأيك ان مصر تظل تنحاز الى العرب على الرغم من كرههم الشديد لنا ونسينا قارة افريقيا التى ننتمى اليها اصلا .

هل وهل وهل وهل حاجات كتير اوى اوى عاوز اعرف رأيكم بدون تجاوزات اكيد او غلط فى حد
يلا منتظرين نشوف ارائكم فى هذا الموضوع

• هل من رأيكم ان مصر تقاطع الجزائر فى كل البطولات التى تشترك فيها .
• لاء بلاش ندخل السياسة في الرياضة ومش معني ان الشعب في ناس مش كويسين يبقي نقاطع الشعب كله
  
• هل نقاطع هذه البلد سياسيا .
• اكيد هيبقي احنا الخسرانين دي رياضة ودي سياسة واكيد حقنا كا مشجعين هيرجع لينا
  
• هل نسحب اسثثماراتنا من الجزائر بعد الخسائر اللى تعرضت لها شركاتنا وخاصة اوراسكوم والمقاولون العرب ومصر للطيران.
• الشركات دي هي تسترد حقوقها بطريقتها
  
• هل من رأيك ان مصر تظل تنحاز الى العرب على الرغم من كرههم الشديد لنا ونسينا قارة افريقيا التى ننتمى اليها اصلا .مش هنقابل السئ بالسئ لاء هنقابل السئ بالخير ويكفي ان باقي الشعوب عرفوا حقيقة الشعب الجزائري وعرفوا ان الشعب المصري شعب محترم
  

وفي الاخر هي دي كورة القدم مكسب وخسارة واما بالنسبة للي حصل للمشجعيين اكيد اتحاد الكورة مش هيسكت يعني

شكرا لكل ارائك الجميلة ربنا يبارك فى خدمتك
عاوز أؤكد ان الهدف من المناقشة عشان نطلع بالدروس المستفادة من هذه الاحداث كمان فيه منظور روحى جميل جدا ارجو اننا نوصل ليه

[align=center]

• هل من رأيكم ان مصر تقاطع الجزائر فى كل البطولات التى تشترك فيها .
• من رايي لا بلاش مهما حصل احنا احسن رغم اللي عملوه وزي ما الكتاب بيقول لا تقابل الشر بالشر بل قابل الشر بالخير
  
• هل نقاطع هذه البلد سياسيا .
• دي حاجه تخص السياسه وانا واثق من اللي هايحصل واللي هايحصل هي المقاطعه السياسيه للجزائر لان اللي حصل منهم كان ترتيب عسكري تاااااااااام
• هل نسحب اسثثماراتنا من الجزائر بعد الخسائر اللى تعرضت لها شركاتنا وخاصة اوراسكوم والمقاولون العرب ومصر للطيران.
• مش عارف بس اكيد ده اللي هايحصل بناقص بلد والبلاد كتير مش هاتقف علي الجزائر يعني بيتهيالي ده اللي هايحصل
  
• هل من رأيك ان مصر تظل تنحاز الى العرب على الرغم من كرههم الشديد لنا ونسينا قارة افريقيا التى ننتمى اليها اصلا .
• اصلنا عمرنا ما هاننساه ونعوض في اللي جاي ولازنعمل اعادة ترتيب حسابات من ناحية العرب ونفكر من جديد في طريقة المعامله ومش كل العرب بتكره مصر
  

ثانكيو يااستاذ ثروت ربنا يعوضك خير يارب
[/align]

رائع جدا يا بوب ربنا يباركك يا حبيبى واراء كلها رائعة
ومنتظر كل اراء احبائى ونشوف ايه الجانب الروحى فى الموضوع والدروس المستفادة منه

هل من رأيكم ان مصر تقاطع الجزائر فى كل البطولات التى تشترك فيها .
انا من رأي اه علشان اللى حصل فينا دا مش قوليل ولا صوغير واحنا مش صوغيرين علشان يتعمل فينا كده ودى حاجة الدولة كلها شاركة فيها من اول القوات الرسمية للدولة لحد المساجين يعنى لازم ناخد منهم موقف

هل نقاطع هذه البلد سياسيا .

اه بس مش بالمعنى دا يعنى لازم نعمل حاجة يعنى مثلا نسفرلهم سيفرهم عندهم او حاجة شبه كده لان اللى اتعمل مش قوليل ولا صوغير بجد دا كتير اوى وميرنا بتقول الكورة مش ليها علاقة بالسياسة ماشي يا ميرنا عندك حق بس الكلام دا لما هما يكونو جايين يلعبو دول كانو جايين يعلنو الحرب علينا دول باعتين القوات الخاصة عارفة يعنى ايه القوات الخاصة يعنى اعلى تدريب فى الدولة دا احنا و كنا بعتنا فرقة صاعقة مش قوات خاصة كانو قالو علينا ارهابيين وباعتين الامن المركزى وباعتين المساجين ونقل المساجين كان على الطايرات الحربية كل دا والسياسة لسه مش ادخلت؟؟ لأ لازم ناخد موقف
هل نسحب اسثثماراتنا من الجزائر بعد الخسائر اللى تعرضت لها شركاتنا وخاصة اوراسكوم والمقاولون العرب ومصر للطيران.

دى حاجة ترجع للمستثمرين بتوعنا يعنى لو عرفو ياخدو حقهم من الدولة هناك وكل واحد رجعلو حقة ممكن يعمل وقفه حلوة ويوقف نشاطه حبه حلوين لحد ما يعرفو قيمته اما لو شم عرفو ياخدو حقهم وتعويضات عن اللى حصل يبقي كل واحد يلم شركته ويرجع بلده وجحا اولى بلحم طوره

هل من رأيك ان مصر تظل تنحاز الى العرب على الرغم من كرههم الشديد لنا ونسينا قارة افريقيا التى ننتمى اليها اصلا

انا رأيى كده كتير اوى عليهم هما مش عاوزين مصر الريادة ليهم خلاص بقي نسيبها ونشوف مين غيرنا يمسكها وبجد مافيش غير مصر هى الريادة ليهم واحب اعلق على رأي بيبو انت بتقول اننا نعلمهم اننا احسن منهم ومش عارف ايه ومش معنى ان شعب واحد بيكرهنا يبقي هما بيكرهونا وكلام حلو طب ما تيجي تبص كده على الدول اللى احنا اختارنها نلعب فيها الماتش مافيش غير السودان بس هى اللى عربية والاتنين التانين افريقيا يعنى احنا اصلا مش مأمنين لهم وخايفين منهم تخيل كده معايا لو كان الماتش اتلعب فى تونس ولا المغرب يانهار اسود دول كانو قفلو خطوط الطايران وماحدش طلع من البلد لا مشجع ولا فنان ولا حتى لاعب كانو اندبحو هناك

انا رأي كل واحد يشوف مصلحته فين ويدور عليها ونفك بقي من الشعارات الحلوة والحلم العربي والوحدة العربية والكلام اللى مش بنسمع عنه غير ف الاغانى الوطنية

وعاوزيزن نعرف رأي حضرتك يا استاذ ثروت

انا شخصيا لى راى تانى فى الموضوع ده

بصراحة انا شايف ان حكومتنا هى السبب فى كل اللى بيحصل ده

مع كامل احترامى لحكومتنا ... بس دى الحقيقة

كام حادثة زى دى ويمكن اكتر حصلت قبل كده

لكن للاسف مكنش فى اى اجراء من حكومتنا اللى تردلنا بيه حقنا

ايه الجديد فى اللى حصل

الناس دى اتعودت نبقى عندهم بيضربونا

نبقى فى بلدنا نفس الكلام

الفرق ايه اننا فى السودان

مع احترامى لمصر انتى اللى عملتى فى ولادك كده

اتمنى المره دى تبقى فى وقفة مختلفة بكل المقاييس

ومصر اولى باهلها المستثمرين اللى فى الجزائر مصر محتاجالهم والاجواء تقريبا واحدة

وياريت سحب السفير فورا لحين اصدار اعتذار رسمى

يمكن ده يرد جزء من كرمتنا اللى راح بسبب صمت حكومتنا