|
|
|
#1
11-27-2010, 02:53 PM
|
|||
|
|||
انا اسمى مكاريوس
(اهداء لروح الشهيد مكاريوس جاد الذى استشهد على باب كنيسة العمرانية برصاص الغدر )
 د. ياسر يوسف غبريال انا اسمى مكاريوس قبطى صعيدى حتى شوف الصليب اهه على ايدى غلبان زيك تعبان ماشى فى حالى جنب الحيطان جوا الحيطان ولا جاش فى بالى انى هاموت غرقان غرقان فى دمى طب والست امى من هيبعت القرشين دا انا من زمان شقيان ومت قبل ما كمل العشرين انا اسمى مكاريوس جاد عايش فى الدنيا بالكاد اتعملت من صغرى الصبر والاجتهاد لا اعرف مين سارقها ولا مين حارسها ولا على فين رايحة البلاد كنت باحلم ببيت وعزوة وولاد وخدت نصيبى مترين تراب ورماد انا اسمى مكاريوس جاد شاكر لو سألتنى ليه اتقتلت هاقولك مش فاكر لا انا حرامى ولا نصاب ولا عاوز من البلد غير الستر واربع حيطان وباب انا اسمى مكاريوس او كان قبل ما اموت برصاص جبان كنت فاكر الباشا بيهزر معقولة هيضرب نار؟ هو انا بنى ادم ولا فار؟ انا مصرى يا باشا بس عيونه كان فيها شرار انا مصرى ليه تدارى عارك بكسرى يا باشا فين العدل؟ وليه انا واخد الظلم حصرى انزل من ع الكنيسة يا واد ياباشا مش وقت الجهاد ولا عمرى هاخاف دا انا متربى ع العيش الحاف وفجاة جه الرصاص دانا بصلى يا ناس طب يا باشا كنت تستنى لبعد القداس يااااااه متالم صحيح بس شريك فى جراحك يا مسيح كنت فرحان وانا بابنى بيتك دلوقت بس شفتك ورأيتك اقبلنى يا ربى فى ملكوتك وانت قادر تحمى ولادك وتحمى بيتك انا كان اسمى مكاريوس قبطى صعيدى مصرى صعيدى ودمى اهه على ايدى  
|
|
11-28-2010, 03:56 PM
|
رقم المشاركة : [2] |
|
مراقب عام و مشرفة منتدى الشباب والشبات
|
يااااااه متالم صحيح بس شريك فى جراحك يا مسيح كنت فرحان وانا بابنى بيتك دلوقت بس شفتك ورأيتك اقبلنى يا ربى فى ملكوتك وانت قادر تحمى ولادك وتحمى بيتك جميييييلة جداااا المسيح يعزي اهله ويعزينا كلنا ويقوينا في الايام الصعبة دي |
|
|
|
|
|
|
11-28-2010, 04:22 PM
|
رقم المشاركة : [3] |
|
مشرف المنتدى الاخبارى
|
جميل قوى قوى قوى ربنا يصبر اهله ويعزيهم
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| انا اسمى ايمن..من ملوى | ابن البابا | المنتدى الادبى | 0 | 10-19-2011 04:13 AM |
| يارب لك اصلي | بنت الست العدرا | منتدى طلب الصلوات | 2 | 02-19-2011 05:43 PM |
| اسمى فين ؟ | jesus_4ever | منتدى المواضيع الهامة | 11 | 08-22-2010 12:28 AM |
| انا اسمي ..شهيد.. | dede love jesus | المنتدى الادبى | 13 | 02-07-2010 02:05 AM |
| انا لا اصلح ان اكون مسيحيا ؟؟ | jesus's girl | منتدى المرشد الروحى | 11 | 06-28-2009 01:01 AM |
العرض العادي
