ازاى تقرف واحد نايم ؟؟؟؟؟؟؟؟؟؟؟

اذا كان في عز نومه وانت مانمتش أو مش جايلك نوم ادخل الغرفه وشغل النوووور

واطلع بمنتهي البرود كأنك ما عملتش حاجة

إذا كان نومه خفيف هايصحي وهيقولك ( إطفي النور يا حـيوان ) طبعا إحنا
إتفقنا إنك بارد عشان كده

نفض له خالص و تذكر القانون الأول لنيوتن في التنفيض

" لكل فعل له تنفيضة مساوية له في المقدار و مضادة له في الإتجاة " .

أما لو كان نومه تقيل يبقي تستعمل الطريقة رقم 2

2 ) إكتشف فجأة إن في بيتكم سرير و ياحرام انت عايز تتأكد إن كل حاجه تمام و إن السرير رجليه مظبوطة طبعا دا السرير إللي أخينا نايم عليه ويمكنك ساعتها القيام بالكثير من التخبيط و الدق وتحريك السرير ولكن إنتبه يمكن يصحى من النوم فيجدك تحت السرير او رأسك في متناول ايده مافيش حد يعرف ساعتها ايه اللى ممكن يحصل لك لو كان من هواة النوم وبجوارهم مفتاح إنجليزي . عشان كده أنصحك أن تهز السرير هزات عنيفة حتي يستيقظ وهبببببة و قبل ما يفوق أجري بأقصي سرعة عندك



3) اما بقى اذا كنت مقهــــــــور من واااحد ناايم العصر او الظهر أدخل الغرفه وغطيه كويس و إقفل التكييف واطلع وما تنساش تقفل الأبواب والنوافذ. ويا سلام بقى يا حلو لو فيه دفايه بالغرفه , ياعيني شغلها بقي علي أسخن حاجة وسيبه واطلع بره كأنك ما تعرفش حاجة عن الموضوع ده




لسه ما قامش ؟؟ ولا يهمك ما تيأسشى



4) لو كان لسه ماقامش !!! ماتعملش حاجة من اللي سبق قولت لك عليه إنما بكل هدوء كده حط ايدك على الراديو وشغل محطه خرباااانه و يا عينى بقى
لو كانت بتاعت أغاني هابطة من نوعية ( حبة فوق حبة تحت ( بصراحة مش عارف حبة ايه بالظبط ) وعلىىىى بقى انت الصوووت على الآخر و امشي إنت بقى ياطيب ياهادى يا حنين و كمل فرجة على التليفزيون .



5) اذا كان لسه نايم وانت شبعااان نوووم بس عايز تتونس:

بص بقى جيب شوية ماء باااارد وقرب من النايم ونقط على قورته نقطة نقطة هايترعش ويمسح قورته المسكين فاكرها نمله ولا حاجة . واقعد كده لحد ما يصحي أو يقوم يرزعك قلم محترم علي وشك ويكمل نوم ( احنا اتفقنا خليك ايه ..... خليك كوووووووول)

6 ) خذ منديل ورق ولفه لحد ما يبقي على شكل العود. . . الغرض ان يكون نهاية طرفه حاد . . وبس ركز معايا يا معلم . . ممكن تحطها في ودنه ( الحركة دي مستفزة اوى اوى ومتجربة ) او ممكن تحطها في بقه او ممكن تحطها في مناخيره بس مش لجوه أوي يعني لانه لو صحي يبقي إحتمال إنه يفرجك علي عنبر الكسور في أي مستشفي قريب من بيتكم

واذا مانجحتش كل الطرق اللي احنا قولناها. . . تأكد بقى انه مش آدمي . . خليه نايم واطلع بره واقعد فى حالك بدل ما يجيلك شلل نصفي

تصدق طرق جميله جدا بس هى مستفزة شوية صح؟
ربنا يعوضك ويبعدك عن اللى نايمين

حراااااااااااااام بجد كده

لية كدا يا مصرى
كتيررررررر اوى
دا لو حد عمل كلامك معايا يومة مش معدى

ميرسى ليك
موضوع لذيذ

هههههههههههههههههههههه
ميرسي ليك يا مصري انا هجرب الحاجات ديه في اختي عشان بتنام كتير وبتشلني
هههههههههههههههههههههههههه
ربنا يباركك ويحميك من الناس النايمين علي راي مارو

ههههههههههههههه طرق فعلا فظيعة
ربنا ميحكمش على حد نايم ابدا

انا بصراحه ابن اختى (4 سنين ) ممكن يصحى على الطريقه السابعه واللى انت مقولتهاش

انى اقوم لسعه قلم على خده واجرى

لانه من النوع اللى مبيصحاش ولو جنبه طبل بلدى

شكرا ليك

مش هقدر اقول غير ههههههههههههههههههههههههههههههههههههههههه
ربنا يعوض تعب محبتك

اشكركم يا اخف دم لأحلى شباب فى احلى منتدى

واللى هيجرب الموضوع ده ماحدش يجيب سيرتى فى حاجة كل واحد عقله فى راسه يعرف خلاصه

شكرا يا مصرى ممكن تخلية نايع وتعمل قرطاس وتركبة فى رجلة وتولعة دى جامدة انا مجربها قبل كدة ونجحت 100%