|
|
|
#1
03-27-2009, 09:03 PM
|
||||
|
||||
حوار بين الجد وحفيدته في 2050.
حوار جد مع حفيدته 2050 الحفيدة : جدو تامر إزيك .. حلو البدي اللي انت لابسه ده . بس ده موضة قديمة قوي يا جدو الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا الحفيدة : أيوه بس مش حاسس إنك مخنوق وانت لابسه؟ الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمااااااان لما كنا نلبس البدي اللي مبين البطن والظهربس، مع البنطلون السترتش الجلد والجوانتي الجلد... كانت حاجة آخر روشنة الحفيدة : ياه يا جدو .. ده انتوا كان ليكم تقاليد غريبة خالص الجد : وهو انتي فاكرة إن أيامكم دي أيام؟ يا بنتي أيامكو دي ما يعلم بيها إلا ربنا .. فين أيام سنة 2002م ، هو الواحد فينا كان يستجري يشرب سيجارة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق الحفيدة : معقول يا جدو؟ للدرجة دي؟؟ الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولها عن شبر ونص مش زي دلوقتي الحفيدة : يا خبر .. وإيه كمان ياجدو الجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلين من الطرب الأصيل والسريعة الروشة اللي تعمر النافوخ بصحيح كانوا مطربين روشين طحن وكله كوم والست كوم تاني الحفيدة: ومين الست دي يا جدو؟؟؟ الجد: في حد مايعرفش الست...نانسي عجرم طبعا الحفيدة : وبعدين الجد : وبعدين كنا نسمع على حاجة اسمها اسطوانات ليزر ، ودي صحيح انقرضت ، بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة )بعد عدة دقائق) هيه يا جدو .. وبعدين الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى الروقان اللي كنا فيه؟الحفيدة : 70 مليون بس؟ الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بخمسة وتلاتين جنيه ، وكان أتخن جوز جزمة بمتين وخمسين جنيه ، وكان الواحد يقدر يشتري شقة تمليك بـ 350 الف جنيه بس .. وكان الدولار بستة جنيه بس تخيلي بقى؟ الحفيدة : ما هو علشان كده كان الجواز على أيامكم كان سهل خالص الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندنا الأفكار الغريبة اللي بتعملوها دلوقتي زي إن البنت تعد مع الولد كام سنه قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها الحفيدة : ده انتوا كنتوا متزمتين خالص ياجدو!! الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير ممكن يفكر يصبح عليه ، ومش بعيد كان يسأله عن أحواله . الحفيدة : رايح فين يا جدو الجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ؟؟؟؟ 
|
|
03-29-2009, 12:17 AM
|
رقم المشاركة : [2] |
|
|
الحفيدة : أيوه بس مش حاسس إنك مخنوق وانت لابسه؟ الجد : أبداً ده هو ده اللبس المحتشم اللي مفروض الكل يلبسه اه يا مدحت لما البدى محتشم اه الى مش محتشم هو احنا هنبقى كدة فى 2050 هههههههههههههه |
|
|
|
|
|
|
03-29-2009, 12:25 AM
|
رقم المشاركة : [3] |
|
مشرف منتدى الميديا
|
ههههههههههههههههه
شكراااااااااا يا ميكو علي مرورك وتعليقك الجميل ربنا يباركك |
|
|
|
|
|
|
|
03-29-2009, 01:28 AM
|
رقم المشاركة : [4] |
|
مشرف قسم البرامج وقسم العالم فيه ايه ومنتدى الكشافه ومنتدى الكمبيوترو الانترنت
|
[align=center]
الحفيدة : رايح فين يا جدو الجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ؟؟؟؟ ليــــــــــــــه ابو تريكا تلت اربع تلاف جنية ليه [/align] |
|
|
|
|
|
|
|
03-29-2009, 02:16 AM
|
رقم المشاركة : [5] |
|
مراقب المنتدى
|
لأن مصر كلها كان تعدادها 70 مليون مش أكثر ، تخيلي بقى الروقان
على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها هممممممممم اية الهنا اللى احنا فية دى طب كدة اشطة اوووى الواحد يلحق بقى يعيشلة يومين No Comment |
|
|
|
|
|
|
|
03-29-2009, 02:28 AM
|
رقم المشاركة : [6] |
|
مشرفة منتدى سير القديسين
|
كان فيه حاجة
اسمها أخلاق الحفيدة : معقول يا جدو؟ للدرجة دي؟؟ الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولها عن شبر ونص مش زي دلوقتي ........... ياااااااا حلااااااااوة دلوقتي وشبر ونص وبيسميية كان فيه اخلاااق ومش خلييع ....اماااااال بقي 2050 اييه.........!!!!! احمممممم معلينااا ههههههههههههههههههههههههههههههههه |
|
|
|
|
|
|
|
03-29-2009, 06:17 PM
|
رقم المشاركة : [7] |
|
مشرف منتدى الميديا
|
ههههههههههههههههههههههههههههه
بجد تعليقاتكم كلها جميلة يا بولا و جاكو و توتا |
|
|
|
|
|
|
|
04-01-2009, 12:28 AM
|
رقم المشاركة : [8] |
|
|
موضوع رائع يا مدحت بصراحة كلة عاجبنى
|
|
|
|
|
04-01-2009, 09:00 PM
|
رقم المشاركة : [9] |
|
مشرف منتدى الميديا
|
شكرا كيروووووووو ردك الجميل
ربنا يباركك
التعديل الأخير تم بواسطة medhat atef ; 05-30-2009 الساعة 02:06 AM.
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| حوار بين طفل مريض بالقلب و بين الدكتور المعالج و الجراح | avatakla | منتدى القصص | 0 | 11-14-2011 03:43 AM |
| خلاف بين أصابع اليد | MrMr | منتدى القصص | 5 | 02-16-2011 09:31 PM |
| حوار بين الانسان و الحب. | medhat atef | المواضيع العامة | 2 | 03-18-2009 12:28 AM |
| حوار بين النار والشمعة | بنت البابا | منتدى التأملات | 10 | 09-23-2008 05:08 PM |
| * حوار بين بقرة وخنزير * | MiShOoo | منتدى القصص | 5 | 06-12-2008 04:06 AM |
العرض العادي
